Jeremi 30:21 - Maktub gə́ To gə Kəmee

²¹ Mbai lə dee a kḭ Mbuna dee-deḛ’g ya ləm, Njeko̰ dɔ dee kara a kḭ Mbuna dee’g ləm tɔ, M’a karee rəm pər gə́ rɔm’g Ndá yeḛ a ree rɔm’g ya. Mbata see na̰ ɓa a rəm pər Gə́ rɔm’g gə dɔrea wa. Njesigənea̰ ɓa pa bèe.

Jeremi 30:21 Iomraidhean Croise

Gḭ-Néje 18:27

Abrakam un ta tɔɓəi pana: Aa oo, m’wa məəm mbidi m’ti mba pata kar Mbaidɔmbaije, ma gə́ m’to asəna gə nduji naŋg gə bu pər ba.

Gḭ-Néje 18:30

Abrakam pana: Maji kar mee Mbaidɔmbaije ea̰ dɔm’g el ndá m’a pata gə́ raŋg ya ɓəi. Banelə a kiŋga njémeekarabasurje rɔ-munda ba. Njesigənea̰ pana: Ɓó lé ma m’iŋga njémeekarabasurje rɔ-munda ya keneŋ ndá m’a ra né el.

Gḭ-Néje 18:32

Abrakam pana: Maji kar mee Mbaidɔmbaije ea̰ dɔm’g el ndá m’a pata gə́ raŋg korè dɔ yee gə́ nee’g lé el ŋga. Banelə a kiŋga njémeekarabasurje dɔg. Njesigənea̰ pana: Lé njémeekarabasurje d’as dɔg kara m’a tujee el ya tɔ.

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

2 Samel 7:13

Yeḛ nja ɓa a ra kəi gə mba rim ləm, tɔɓəi m’a kar kalimbai ɓeeko̰ ləa to njaŋg saar gə no̰ ləm tɔ.

Esdras 2:2

Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee:

Nehemi 7:2

Ma m’ɔm kula kaa dɔ ɓee gə́ Jerusalem ji ŋgokɔm Hanani’g ləm, gə ji Hanania gə́ to mbai gə́ njekaa dɔ kəi-kaar-kɔgərɔ gə́ to Jerusalem ləm tɔ, yeḛ lé to dəw gə́ maji ur dɔ dəwje gə́ raŋg bula gə goo ŋgonkoji ləa ləm, gə goo ɓəl gə́ yeḛ ɓəl Ala ləm tɔ.

Pakɔsje 65:4

Néra gə́ kori-korije lé al dɔm sula ya, I a kar məəi ti mbidi dɔ kaltaje’g lə sí.

Pakɔsje 89:29

N’a ra səa meemaji gə́ kédé-kédé Ɓó n’a kya̰ gée el ləm, Manrɔ gə́ neḛ man ne rɔ neḛ n’aree lé N’a karee to njaŋg gə no̰ ləm tɔ.

Teḛ-Raga 3:5

Ala pana: Tibi mbɔr loo gə́ nee lé el, tɔr négɔl ləi gɔli’g, mbata loo gə́ i aar keneŋ neelé to loo gə́ to gə kəmee.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Ejekel 37:24

Kura lə neḛ Dabid a to mbai lə dee ndá deḛ lai lé njekul dee a to gə́ kára ba. D’a ndolè goo ndukunje lə neḛ ləm, d’a kaa dɔ godnduje lə neḛ kər-kər ləma, d’a ra née ləm tɔ.

Bula lə Israɛlje 16:5

Yeḛ ula Koré gə kudu-dəwje ləa lai pana: Bèlè ɓa, Njesigənea̰ a tɔji sí dəw gə́ to gə́ kea̰ ləm, gə yeḛ gə́ to gə kəmee ləm tɔ ndá yeḛ a karee rəm pər gə́ rəa’g, dəw gə́ yeḛ nja mberee lé yeḛ a karee rəm pər gə́ rəa’g ya.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Matiyo 27:37

Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Lugu 24:26

See Kristi lé néurti a rəa togə́bè ɓa mba karee andə ne loo-ronduba’g ləa lé el wa.

Néra Njékaḭkulaje 5:31

Ala lé unee gə jikɔlee undá tar aree to gə́ Mbai ləm, gə Njekaji dəwje ləm tɔ, gə mba kar Israɛlje d’wa ne ndòo rɔ dee dɔ kaiya’g lə dee kar mée ti ne mbidi dɔ’g.

Njé gə́ Rɔmə 8:34

See na̰ ɓa gə́ njekila ta dɔ dee’g tɔɓəi wa. Jeju Kristi gə́ wəi lé yeḛ teḛ dan njé gə́ d’wəi’g mba̰ ndá yeḛ aw si dɔ jikɔl Ala’g lé ra rəwta lə sí rɔ Ala’g lé tɔ.

Tel tura Godndu 17:15

seḭ a kundaje mbai gə́ Ala lə sí gə́ Njesigənea̰ a mbəree ɓa dɔ sí’g, seḭ a kunje dəw gə́ mbuna ŋgako̰ síje’g ɓa kṵdáje gə́ mbai ɓó seḭ a kasjekəm kundaje dəw-dɔ-ɓee gə́ to ŋgoko̰ sí el lé gə́ mbai lə sí el.

Tel tura Godndu 18:18

M’a kɔr njetegginta kára mbuna ŋgako̰ deeje’g to gə́ i bèe ɓa m’a kɔm taje ləm təa’g ndá yeḛ a kula dee néje lai gə́ m’a kun ndum dɔ’g karee lé.

Tel tura Godndu 33:5

Yeḛ to mbai lə Israɛlje Loo gə́ dɔ mbaije lə koso-dəwje mbo̰ dɔ na̰ Gə ginkoji Israɛlje lé.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.

Loo gə́ killa rea kəm Ja̰’g 19:16

Ri dəw ɓa ndaŋg kubu’g ləa ləm, gə biŋgee’g ləm tɔ pana: Mbai gə́ ur dɔ mbai mareeje’g ləm, gə Mbaidɔmbaije ya ləm tɔ.