Jeremi 30:16 - Maktub gə́ To gə Kəmee

¹⁶ Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 30:16 Iomraidhean Croise

Pakɔsje 129:5

Deḛ lai gə́ d’ə̰ji Sio̰ bəḭ-bəḭ lé Maji kar rɔkul dəb dɔ dee’g Ar dee rəm ne gə goo dee ya.

Teḛ-Raga 23:22

Nɛ ɓó lé seḭ ooje ta ləa tɔgərɔ ɓa raje néje lai gə́ ma m’ula sí ndá ma nja m’a to njeba̰ lə njéba̰je lə sí ləm, m’a to njekoma̰ gə njékoma̰ sə síje ləm tɔ.

Gosota-Kəmkàrje 22:23

Mbata Njesigənea̰ a koso gel dee’g ləm, Yeḛ a kɔr kəmə lə dee-deḛ gə́ njekwa dee néje lə dee taaje lé ləm tɔ.

Esai 14:2

Ginkoji dəwje gə raŋg d’a kwa dee kaw sə dee mee ɓeeje’g lə dee gogo ndá ŋgaka Israɛlje d’a taa ɓee neelé gə́ né ka̰ dee-deḛ asəna gə kuraje gə́ diŋgam gə njé gə́ dené bèe, d’a kwa dee-deḛ gə́ d’wa dee ɓər kédé lé gə́ ɓərje lə dee ləm, d’a ko̰ɓee dɔ deḛ gə́ kédé d’ula kəm dee ndòo lé ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 54:15

Ɓó lé d’ɔm na̰’d téréré gə mba rɔ səi ndá A to né gə́ ḭ rɔm ma’g el, Nana ɓa gə́ ḭ rɔ səi ndá A koso gel dɔmoŋ’d ləi.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 12:14

Njesigənea̰ pata togə́bè wɔji ne dɔ njéboataɓeeje ləm gə́ to njémeeyèrje pana: Deḛ tuji nédɔji gə́ n’ar dəwje lə neḛ gə́ Israɛl. Aa ooje, n’a kɔr dee mee ɓee’g lə dee ləm, n’a kɔr gel-bɔje lə Juda kara mbuna dee’g ləm tɔ.

Jeremi 2:3

Israɛlje lé to gə kəmee Mbata lə Njesigənea̰ ləm, Deḛ to kandə néje ləa gə́ doŋgɔr ləm tɔ. Deḛ lai gə́ d’usɔ kandə néje neelé D’ar taree wa dɔ dee ləm, Nékəmndoo oso ne dɔ dee’g ləm tɔ, Njesigənea̰ ɓa pa bèe.

Jeremi 25:12

Nɛ loo gə́ rudu ləbje gə́ rɔ-siri lé a kun ɗiao mba̰ ndá n’a kar mbo̰ néra mbai gə́ Babilɔn gə ginkoji dəwje neelé ɔs ta dee’g gə mbata néra deeje gə́ yèr. Tɔɓəi n’a kar bo̰ néra Kaldeje ɔs ta dee’g ndá n’a kar ɓee lə dee tel to dɔ nduba saar gə no̰. Njesigənea̰ ɓa pa bèe.

Jeremi 30:15

See ban ɓa i no̰ njim-njim Mbata doo gə́ i iŋga ləm, Gə to gə́ tooi əw el ləm tɔ lé wa. To mbata néra kori-kori ləi Gə́ ɔs dɔ na̰-na̰ lé ləm, Mbata kaiya raije gə́ bula Dum tura lé ləm tɔ, Ɓa ma m’ra ne səi néje neelé gə mbəa.

Jeremi 50:28

Ooje ndu kii lə njékaḭje, Deḛ gə́ d’ḭ Babilɔn d’aḭ lé D’aw d’ila mber dalba̰ Le Ala lə sí gə́ Njesigənea̰ Mee ɓee gə́ Sio̰, Dalba̰ gə́ wɔji dɔ kəi ləa gə́ to gə kəmee lé,

Jeremi 8:16

Ndu ndil lə kundaje ləa ɓar Kel loo gə́ Dan ləm, Loo gə́ d’oo ndu ndil lə dee ndá Dɔ naŋg nee lai yə ɓugu-ɓugu ləm tɔ. Deḛ ree ndá tuji naŋg Gə néje lai gə́ keneŋ ləm,

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Nɔ̰-ndôo gə́ wɔji dɔ Jerusalem 1:22

Maji kar némeeyèrje lə deḛ lai To raga ndəgəsə nɔḭ’g, Ndá maji kari ra sə dee To gə́ i ra ne səm bèe Mbata kaltaje ləm lai lé! Mbata ndu tuma̰je ləm bula yaa̰ ləm, Ɓə̰gərəm kara ndiri njigi-njigi ləm tɔ.

Ejekel 29:6

Yen ɓa dəwje gə́ Ejiptə lai d’a gər ne to gə́ neḛ n’to Njesigənea̰. Mbata deḛ to kaar kó-ab gəd rɔ lə gel-bɔje lə Israɛl.

Ejekel 35:5

Mbata seḭ waje Israɛlje gə meḛ sí saar-saar ləm, seḭ tɔsje Israɛlje gə kiambas ɓugu deeje mee ndɔ nékəmndoo’g lə dee, mee ndɔ kunda ŋgaŋ néra kori-korije’g lə dee ləm tɔ.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Nahum 1:8

Nɛ paŋgəm mán gə́ turu tuma̰-tuma̰ lé ɓa Yeḛ a tuji ne loo neelé pugudu. Tɔɓəi yeḛ a tuba njéba̰je ləa Saar kɔm dee dan loo gə́ ndul njudu-njudu’g.

Habakuk 2:16

Seḭ nja arje rɔkul boo tur dɔ sí pubug, Seḭ nja kara aije ndá ribaje ne dɔ nérɔkul lə sí gə́ raga ya to! Njesigənea̰ a kar sí aije bai-oŋg ləa sɔd ya Ndá nérɔkul lé a kar rɔnduba lə sí tel to né gə́ mina̰.

Soponi 2:8

Neḛ n’oo ta tajikilje lə Moabje ləm, Gə nérɔkulje lə Amo̰je ləm tɔ Loo gə́ dee d’ula ne sul dɔ koso-dəwje’g lə neḛ ləm, D’unda ne dɔ dee tar gə kəsta Naji ne sə dee rəw-nimje ləm tɔ.

Jakari 1:14

Kura gə́ dara gə́ njekwɔji səm ta lé ulam pana: Maji kam m’ra né wəl m’pana: Njesigənea̰ gə́ njeboo-néje pa bèe pana: Mee neḛ aw taḭ-taḭ gə boo-kəmkəḭ Gə mbata lə Jerusalem gə Sio̰.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Jakari 12:2

Aa ooje, n’a kar Jerusalem tel to ŋgo kai oŋg lə neḛ ndá koso-dəwje lai gə́ gugu giree ləm, gə Judaje ləm tɔ lé d’a kai karee ila kəm dee kar dee d’aw jogè-jogè loo gə́ d’a kaḭ dɔ Jerusalem sub gə rɔ lé.

Jakari 14:2

Ma mbo̰ ginkoji dəwje gə raŋg lai Gə mba kar dee rɔ gə Jerusalem, D’a taa ɓee-boo ləm, d’a buu mee kəije buu-buu ləm, D’a kur dɔ denéje’g ləm tɔ, Ges dəwje gə́ mee ɓee-boo’g lé D’a kaw ɓər, Nɛ ges koso-dəwje gə́ nai lé D’a tuji deḛ lai mee ɓee-boo’g el.

Jakari 2:12

Mbata Njesigənea̰ gə́ njeboo-néje pa togə́bè pana: Goo néje gə́ neelé ɓa rɔnduba a ree ɓəi. Yeḛ ulam rɔ ginkoji dəwje gə́ njékṵda sí banrɔje lé: Mbata nana ɓa gə́ ɔrɔ rɔ sí ndá Ɔrɔ rɔ ŋgonkəm neḛ-neḛ nja.

Jakari 2:8

Yeḛ ulá pana: Aḭ aw ula basa neelé pana: Jerusalem lé a to ɓee-boo gə́ to raga ndəgsə lal ndògo-bɔrɔ gə mbata dəwje gə́ bula digi-digi gə́ d’isi keneŋ ləm, gə nékulje gə́ dum tura gə́ d’a kaar keneŋ ləm tɔ.

Tel tura Godndu 30:7

Ala lə sí gə́ Njesigənea̰ a kar ta ndɔlje lai neelé d’a koso dɔ njéba̰je’g lə sí, deḛ lai gə́ d’ə̰ji sí bəḭ-bəḭ d’ula ne kəm sí ndòo lé.

Loo gə́ killa rea kəm Ja̰’g 13:10

Ɓó lé dəw wa maree ɓər ndá yeḛ kara a to ɓər ya tɔ, ɓó lé dəw tɔl maree gə kiambas ndá yeḛ kara a kəi yoo-kiambas ya tɔ. Yee ɓa gə́ gin meekai sam-sam gə gin meekun lə deḛ gə́ to gə kəmee.

1 Samel 17:53

Israɛlje d’ḭ loo kɔr Pilistije’g ndá deḛ d’odo néje gə́ mee loo-si dee’g gə́ nébanrɔ.