Jeremi 30:13 - Maktub gə́ To gə Kəmee

¹³ Dəw kára kara gə́ oso geli’g Mba tɔ ta doo ləi lé godo, Kuma̰ əsé né gə́ kəm kari ra Mba karee ər kara godo tɔ.

Jeremi 30:13 Iomraidhean Croise

Maktub gə́ wɔji dɔ Jɔb 34:29

Ɓó lé yeḛ ar loo to lɔm ndá See na̰ ɓa a kaskəm kɔm ɓəl dɔ dəwje’g wa. Ɓó lé yeḛ iya kəmee ndá see na̰ ɓa askəm kée wa. Yeḛ ra né gə ginkoji dəwje gə raŋg əsé dəw gə́ kára aree asəna

Maktub gə́ wɔji dɔ Jɔb 5:18

Yeḛ nja ar dəw doo nɛ yeḛ nja tɔ ta doo ləm, Yeḛ ar dəw iŋga doo nɛ jia-yeḛ nja aree ər kəmsə ləm tɔ.

Pakɔsje 106:23

Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Esai 1:6

Un ŋgira gɔl sí’g naŋg saar Teḛ dɔ sí’g tar lé Né kára gə́ maji godo keneŋ, To gə́ doo ya bura ləm, Gə doo gə́ dɔ mundu ləma, Gə doo yii ləm tɔ Gə́ lal kɔm mán keneŋ ləm, Gə lal tɔ ləma, Gə lal kunda ubu təa’g karee kul lɔm ləm tɔ.

Esai 59:16

Yeḛ oo to gə́ dəw kára kara taa ne Dɔ deḛ gə́ d’ula kəm dee ndòo el ləm, Kaaree wá paḭ mbata dəw kára kara Gə́ njekɔr kəm ta lə dee godo ləm tɔ, Yen ŋga ji siŋgamoŋ lə Njesigənea̰ ɓa ree la sə dee ləm, Meekarabasur ləa-yeḛ gəd dee ləm tɔ.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 17:14

Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Jeremi 46:11

Aw mee ɓee gə́ Galaad Taa no̰-kag gə́ ra gə kuma̰, I Ejiptə gə́ to asəna gə ŋgoma̰də bèe. I taa kuma̰je bula gə́ kédé-kédé kari ba Ɓó a kaji ne rɔi el.

Jeremi 6:7

To gə́ bwa-mán gə́ mán Uba tir-tir keneŋ lé Togə́bè ɓa némeeyèrje ləa kara D’ɔs dɔ na̰ neg-neg keneŋ tɔ. Baŋga néra gə́ kərm-kərm ləm, Gə tuji loo ləm tɔ ɓa ɓar keneŋ, Né gə́ to gə́ tor doo bèe Ɓa m’oo gə kəm ta-ta.

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Nɔ̰-ndôo gə́ wɔji dɔ Jerusalem 2:13

See ta ɗi ɓa m’a pa kari tɔɓəi wa. See ɗi ɓa m’a kwa kwɔjii ne wa, I ŋgoma̰də gə́ Jerusalem lé. See na̰ ɓa to asəna səi wa. See ta ɗi ɓa m’a gɔl ne məəi, I ŋgon dené gə́ Sio̰ lé wa. Mbata doo ləi lé to tad rəg-rəg Asəna gə baa-boo-kad bèe: See na̰ ɓa a kaskəm karee ər kəmsə wa.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Ejekel 30:21

I ŋgon dəw lé, neḛ n’təd kag ji Parao̰, mbai gə́ Ejiptə, ndá aa oo, dəw a tɔ mba karee ər kəmsə el ləm, d’a kwa gə seŋgəre mba karee asəna mba karee ŋgəŋ ne mba karee wa ne kiambas el ləm tɔ.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Nahum 3:19

Kuma̰ gə́ a kar ta doo ləi ər kəmsə lé godo, Doo ləi to doo gə́ as yoo. Deḛ lai gə́ d’a koo ta ləi D’a kunda ji dee rag-rag dɔi’g, Mbata see na̰ ɓa némeeyèr ləi lal kɔrɔ rəa wa.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Ja̰ 2:1

Ŋganəmje, ma m’ndaŋg maktub nee m’ar sí mba kar sí ɔrɔje ne rɔ kaiya kára kara el. Ɓó lé dəw kára ra kaiya ndá njera rəwta lə sí si rɔ Bɔ-dəwje’g béréré mba̰, yeḛ nja ɓa to Jeju Kristi gə́ njemeekarabasur lé.