Jeremi 3:8 - Maktub gə́ To gə Kəmee

⁸ Ma m’tuba Israɛlje gə́ to majikojije el mbata mɔdkaiyaje lə deḛ lai ləm, ma m’ar dee maktub tḭ-na̰ ləm tɔ, nɛ lé bèe kara ma m’oo to gə́ Judaje gə́ to njéhulaije gə́ to ŋgako̰ deeje gə́ dené lé ɓəl el, ndá d’aw ra kaiya gə́ togə́bè lé ya tɔɓəi.

Jeremi 3:8 Iomraidhean Croise

2 Sôrta Gḭka Israɛlje 21:11

Joram ra dɔ looje gə́ ndəw dɔ mbalje gə́ Juda, ndá yeḛ ɔs ne dəwje gə́ Jerusalem ɓɔḭ-ɓɔḭ ar dee ra kaiya d’ɔs ne ta lə Ala rəw ləm, yeḛ su ne kəm Judaje ləm tɔ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Jeremi 33:24

Ta gə́ dəwje nee pa pana: Gel-bɔje gə́ joo gə́ Njesigənea̰ mbər dee ɓa yeḛ tel uba dee ya̰ dee ɓəi lé see i oo el wa. Togə́bè ɓa deḛ d’ə̰ji koso-dəwje ləm bəḭ-bəḭ ɓó d’oo dee ne gə́ ginkoji dəwje el.

Jeremi 5:7

See m’a kar məəm oso ləmsé dɔ sí’g mba ɗi wa. Ŋgan síje d’ubam d’ya̰’m ləm, Deḛ manrɔ dee gə ri magəje gə́ ŋgɔm ləm tɔ. Ma m’ar dee d’isi dan néje’g lai Gə́ d’aw ndòo dee Nɛ d’ya̰ rɔ dee yag Dan néra kaiya-dené’g ləm, Deḛ rusu mee kəi lə kaiya-dené tub-tub ləm tɔ.

Ejekel 16:46

Ŋgokɔḭ gə́ dené gə́ tɔg gə́ si dɔ jigeli’g lé to Samari gə ŋganeeje gə́ dené, tɔɓəi njegooi’d gə́ dené gə́ si dɔ jikɔli’g lé to Sɔdɔm gə ŋganeeje gə́ dené tɔ.

Ejekel 16:47

Rəw-kaw dee-deḛ ba ɓa i njaa keneŋ el ləm, néra deeje gə́ mina̰ ba ɓa i ra el ləm tɔ mbata to gə́ lam ba ɓəi, nɛ i lé ar néraije to né gə́ ndum oso lud rəw-kabije’g lai ya.

Ejekel 16:51

Ges kaiya raije lé Samari ra el, néraije gə́ mina̰ lé bula d’ur dɔ kea̰je’g ndá néraije gə́ mina̰ lé ar néra ŋgakɔḭje gə́ dené tel to né gə́ kari ba mbɔr néraije’g.

Ejekel 23:44

Deḛ d’aw rəa’g to gə́ d’aw ne rɔ kaiya-dené’g bèe. Togə́bè ɓa d’aw ne rɔ Ohola gə Oholiba’g, denéje neelé gə́ to ram-denéje lé.

Ejekel 23:9

Gelee gə́ nee ɓa neḛ n’ubá n’yá̰ ne meḛ ji njéto səaje’g, meḛ ji Asirije’g deḛ gə́ yeḛ ar mal dee o̰ mée lèm-lèm lé ya.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Tel tura Godndu 24:1

Loo gə́ diŋgam taa dené gə́ dené-təa ɓa gée’g gogo yeḛ tel taa kəmee el mbata yeḛ iŋga nérɔkul rəa’g ndá yeḛ a ndaŋg maktub tḭ-na̰, tɔɓəi loo gə́ yeḛ a kula maktub neelé jia’g ndá a tubá ne mee kəi’g ləa.

Tel tura Godndu 24:3

Ɓó lé diŋgam gə́ njeteaa gogo lé tel ə̰jee bəḭ-bəḭ ɓa ra maktub tḭ-na̰ ula jia’g ɓəi ndá yeḛ a tubá ne mee kəi’g ləa, əsé ɓó lé diŋgam gə́ gogo gə́ təa lé wəi ndá,