Jeremi 3:6 - Maktub gə́ To gə Kəmee

⁶ Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 3:6 Iomraidhean Croise

1 Mbaije 14:23

Deḛ ya kara d’unda dɔ looje gə́ ndəw d’ar néndajije gə magəje mee dɔdərlooje’g lai gə́ d’ḭ tar ləm, gə gel kagje lai gə́ to təb’g ləm tɔ.

2 Sôrta Gḭka Israɛlje 34:1

Jojias lé ləbee aḭ jinaijoo ba ya tel to mbai ndá yeḛ si Jerusalem o̰ ne ɓee as ləb rɔ-munda-giree-kára.

Pakɔsje 106:39

Néra deeje gə́ bèe ɓa ar dee mina̰ ne jɔmri-jɔmri ləm, Néra deeje lé d’uba ne rɔ dee yag d’ya̰ dan néje gə́ mina̰’g ləm tɔ.

Esai 57:3

Nɛ seḭ ŋgalə njénékooje gə́ dené, Seḭ ginkoji dəwje gə́ njépole-magəje gə njékuba Ala kyá̰je lé Gə́ reeje pər gə́ nee,

Esai 57:7

To loo gə́ dɔ mbal gə́ ŋgal léŋgé-léŋgé gə́ ḭ gə́ tar ɓa Seḭ raje loo-to sí keneŋ, To lé neelé ya ɓa Seḭ awje keneŋ aw injaje nékinjanéməsje tɔ.

Jeremi 1:2

Njesigənea̰ ulá ta mee ndəa’g lə Jojias, ŋgolə Amo̰, mbai gə́ Juda mee ləb ko̰ɓee ləa gə́ njekɔm’g dɔg-giree-munda ləm,

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 17:2

To gə́ d’ə̰ji dɔ ŋgan deeje’g bèe lé deḛ d’ə̰ji dɔ loo-nékinjanéməsje’g le dee togə́bè ləm, Gə dɔ magə-Astartéje’g le dee gə́ to mbɔr kagje gə́ təb’g gə dɔ dɔdərlooje gə́ ndəw’g ləm tɔ.

Jeremi 3:8

Ma m’tuba Israɛlje gə́ to majikojije el mbata mɔdkaiyaje lə deḛ lai ləm, ma m’ar dee maktub tḭ-na̰ ləm tɔ, nɛ lé bèe kara ma m’oo to gə́ Judaje gə́ to njéhulaije gə́ to ŋgako̰ deeje gə́ dené lé ɓəl el, ndá d’aw ra kaiya gə́ togə́bè lé ya tɔɓəi.

Jeremi 31:22

I ŋgoma̰də gə́ njekilatar lé See saar ndɔ gə́ ra ɓa i lé A kunda ŋgaŋ kila tar ləi wa. Mbata Njesigənea̰ unda gin né Gə́ sigi dɔ naŋg nee: Dené a kwa mɔr gə diŋgam ŋga.

Jeremi 5:11

Njesigənea̰ pana: Mbata gel-bɔje lə Israɛl Gə gel-bɔje lə Juda to majikojije el ya.

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Ejekel 16:31

Loo gə́ i unda kəije gə́ ka̰ ra kaiya keneŋ dɔ kila-rəwje kára-kára lai ləm, loo gə́ i ra looje gə́ ndəw gə looje lai-lai ləm tɔ lé i kara to asəna gə kaiya-dené gə́ njedəjilaree el bèe,

Ejekel 16:35

Gelee gə́ nee ɓa i Jerusalem gə́ to asəna gə kaiya-dené lé maji kari oo ta lə Njesigənea̰.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 23:11

Ŋgokea̰ gə́ Oholiba lé oo bèe ya nɛ lé bèe kara yeḛ ar mal néje gə́ ula pər mée’g to yaa̰ ur dɔ kea̰’g, néra kaiya-dené ləa ur dɔ ka̰ ŋgokea̰’g.

Ejekel 23:4

Yeḛ gə́ tɔg ria lə Ohola, yeḛ gə́ ndɔḭ ria lə Oholiba, deḛ to gə́ kamaje ya ndá deḛ d’oji ŋganje gə́ diŋgam gə njé gə́ dené d’am ya. Ohola wɔji dɔ Samari, Oholiba wɔji dɔ Jerusalem tɔ.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 4:13

Deḛ d’inja néməsje dɔ sém mbalje’g tar ləm, Deḛ roo néje gə́ ə̰də sululu dɔ dɔdərlooje’g Gel kagje gə́ ɓar dee sɛnəje gə pəplierje gə térébḭtəje Gə́ ndil dee to maji ya ləm tɔ. Gelee gə́ nee ɓa ŋgan síje gə́ dené D’ya̰ rɔ dee dan mɔdkaiya’g ləm, Məm síje-je gə́ dené kara Tel to ne kaiya-denéje ləm tɔ.

Njéga̰g-Rəwtaje 2:17

Nɛ njégaŋ-rəwtaje lé kara d’oo ta lə dee el mbata deḛ d’unda barmba no̰ magəje’g d’wa dee meḛ dee’g. Deḛ d’ḭ kalaŋ d’uba goo rəw gə́ bɔ deeje-je njaa keneŋ lé d’ya̰ ləm, deḛ təd kag loo to gə́ bɔ deeje-je təd ne kag godnduje lə Njesigənea̰ bèe el ləm tɔ.