Jeremi 3:3 - Maktub gə́ To gə Kəmee

³ Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Jeremi 3:3 Iomraidhean Croise

Gḭ-Néje 19:34

Bèlè lookàree, ŋgondər lé ula yeḛ gə́ ndɔḭ pana: Aa oo, tagə́nè loondul’g lé ma m’to gə bɔm ya. Maji kar sí j’aree mán-nduú gə́ mḭ lé ai loondul’g nee ya tɔɓəi ndá i lé aw to səa to ɓó gə mba kar sí yel ne kó ka bɔ síje lé.

Nehemi 9:17

Deḛ mbad kula dɔ dee ləma, Deḛ d’ar meḛ dee wəi dɔ néraije gə́ dumkoo’g Gə́ i ra mbata maji lə dee ləm tɔ. Deḛ d’uba gwɔbkelkwɔi, Gə goo kɔs ta rəw lə dee lé Ndá deḛ ra dɔ-kədərə Mba tel dɔ kula ɓər’g gogo. Nɛ i to Ala gə́ si pèrèrè Gə mba kar məəi oso lemsé ləm, I to njemeekaw taḭ-taḭ Gə njemeekɔrjol ləm tɔ, Oŋg ḭ səi kalaŋ el ləm, I to bao-meemaji ləm tɔ Ndá i uba dee ya̰ dee el.

Gosota-Kəmkàrje 21:29

Njemeeyèr lé to njekula kəmee na̰’d sir-sir, Nɛ dəw gə́ njera nédana lé aar njaŋg dɔ rəw-kabee’g.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Jeremi 14:1

Njesigənea̰ pata ar Jeremi wɔji ne dɔ loo-tudu.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 14:3

Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Jeremi 14:4

Naŋg ta̰ ɓəgəgə-ɓəgəgə Mbata ndi oso teŋ mee ɓee’g neelé el. Njḛ́dɔje kara rɔ dee kul Ar dee d’ila kubu dɔ dee’g tɔ.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Jeremi 5:24

Deḛ d’ə̰ji ta meḛ dee’g pana: Ar sí m’ɓəlje Ala lə sí Yeḛ gə́ ar mán ndi gə naḭyee-naḭyee lé ləm, Gə́ ar ndi gə́ doŋgɔr gə rudu ər ləma, Yeḛ gə́ njekwɔji naḭ kinja dɔ kó ləm tɔ lé Deḛ d’ə̰ji bèe el.

Jeremi 5:25

Gə goo néra kori-korije lə sí lé ɓa Loo kai sí ne néje gə lée-lée godo ne ləm, Kaiyaje lə sí lé ɓa ɔg sí loo kiŋga némajije nee ləm tɔ.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 6:15

D’a si gə rɔkul Mbata deḛ ra né gə́ mina̰, Rɔkul ra dee el ləm, sɔḭ wa kəm dee el ləm tɔ, Gelee gə́ nee ɓa d’a koso na̰’d Gə deḛ gə́ d’oso lé ləm, M’a tɔs dee tila dee Loo gə́ m’a kar bo̰ néra dee ɔs ta dee’g ləm tɔ, Njesigənea̰ ɓa pa bèe.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Jeremi 9:12

Njesigənea̰ pana: To mbata deḛ d’uba godndum gə́ m’unda no̰ dee’g lé d’ya̰ ləm, mbata deḛ d’un mbi dee rəw dɔ ta’g ləm ra née el ləm tɔ,

Ejekel 3:7

Nɛ gel-bɔje lə Israɛl lé d’a ndigi koo ta ləm el mbata deḛ ndigi koo ta lə neḛ el tɔ.

Ləbije 26:19

M’a təd siŋgamoŋ ti-rɔ lə sí ləm, m’a kar kəm dara lə sí tel kədərə asəna gə lar ləma, m’a kar dɔ-naŋg lə sí kara tel to asəna gə larkas ləm tɔ.

Amɔs 4:7

Neḛ lé n’ɔg sí mán ndi Loo gə́ nai naḭ munda ɓa mba teḛ naḭ kinja kó’g ɓəi, Neḛ n’ar ndi ər dɔ ɓee-boo gə́ kára Ndá yee gə́ raŋg lé n’ar ndi ər keneŋ el, Loo-ndɔ gə́ kára iŋga ma̰-ndi, Nɛ yee gə́ raŋg lé ndi oso keneŋ teŋ el Aree tudu kurum-kurum tɔ.

Amɔs 4:8

Dəwje gə́ mee ɓeeje’g joo əsé munda lé D’aw dɔ ɓee gə́ raŋg’d Gə mba kiŋga mán keneŋ kai, D’ai ya nɛ d’ai d’aree oso loo kunda’g lə dee el. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Soponi 2:1

Seḭ ginkoji dəwje gə́ rɔ sí kul el lé Maji kar sí ə̰jije ta meḛ sí’g ləm, Tḛje meḛ sí ləm tɔ

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Ajee 1:11

Neḛ n’ila loo-tudu dɔ ɓee’g gə dɔ mbalje’g ləm, gə dɔ kó’g gə mán-nduú’g, gə ubu’g ləm, gə dɔ né gə́ naŋg a kaskəm kar sí’g ləm, gə dɔ dəwje’g gə dɔ daje’g ləma, gə dɔ kulaje lai gə́ ji dəwje ra ləm tɔ.

Tel tura Godndu 28:23

Dara gə́ to dɔ sí’g tar lé a to tana gə larkas ləm, naŋg gə́ gel sí’g lé a to tana gə larndul ləm tɔ.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.