Jeremi 3:24 - Maktub gə́ To gə Kəmee

²⁴ Magəje tuji kandə nékulaje lə bɔ síje-je Un kudee loo gə́ jeḛ nai ne basa ɓəi, Badje lə dee gə maŋgje lə dee Gə ŋgan deeje gə́ diŋgam gə njé gə́ dené tɔ.

Jeremi 3:24 Iomraidhean Croise

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 22:21

Ma m’ula sí ta Loo gə́ seḭ síje dan maji’g, Nɛ seḭ pajena: A kooje ta el. Yee ɓa gə́ néra sí gə́ un kudee gə kas sí ba lé Seḭ unje ne mbi sí rəw dɔ ta’g lə neḛ.

Jeremi 44:7

Ɓasinè Njesigənea̰ Ala gə́ njeboo-néje gə́ to Ala lə Israɛlje lé pa togə́bè pana: See gelee ban ɓa seḭ nja raje némajel gə́ boo gə rɔ sí gə mba kar diŋgamje gə denéje gə ŋganje gə ŋganje gə́ ta mbà’g d’udu ne bo̰ dan koso-dəwje gə́ Juda kar ges sí kára kara nai el bèe wa.

Jeremi 8:16

Ndu ndil lə kundaje ləa ɓar Kel loo gə́ Dan ləm, Loo gə́ d’oo ndu ndil lə dee ndá Dɔ naŋg nee lai yə ɓugu-ɓugu ləm tɔ. Deḛ ree ndá tuji naŋg Gə néje lai gə́ keneŋ ləm,

Jeremi 9:18

Mbata ndu no̰ sii mbigi-mbigi Ɓar par gə́ Sio̰ pana: Ɗi togə́bè wa, jeḛ n’tuji! Rɔkul dəb dɔ sí’g! Ar sí j’ubaje ɓee lé j’ya̰je! Deḛ tɔs kəi-sije lə sí tila dee.

Ejekel 16:19

Muru gə́ neḛ n’ari gə́ to nduji gə́ ndá léréré ləm, gə ubu ləma, gə ubu tə̰ji ləm tɔ gə́ neḛ n’uli ne lé i un ar dee asəna gə né gə́ ə̰də lel. Aa oo, yee ɓa gə́ né gə́ i ra, Mbaidɔmbaije gə́ Njesigənea̰ ɓa pa bèe.

Ejekel 16:20

Ŋganije gə́ diŋgam gə njé gə́ dené gə́ i oji dee am lé i tḭja dee gə́ məs ar magəje gə mba kar dee to nésɔje lə dee. See kya̰ rɔi yag dan kaiya’g neelé asi el wa.

Ejekel 16:61

Məəi a kolé dɔ pa̰jaaje’g ləi ndá rɔi a kul ne loo gə́ i a kiŋga ŋgakɔḭje gə́ dené, deḛ gə́ tɔg-tɔg gə deḛ gə́ gɔ-gɔ, n’a kari dee asəna gə ŋganije gə́ dené nɛ gə goo manrɔ ləi lé ɓa el.

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Ojee 10:6

Ala neelé d’a kunee kaw səa Asiri Gə mba kar mbai Jareb gə́ nénoji. Kəm sɔḭ a kwa kəm Eprayimje ləm, Israɛlje kara d’a si dan rɔkul’g Mbata né gə́ deḛ d’wɔji-kwɔji ra lé ləm tɔ.

Ojee 2:8

Gelee gə́ nee ɓa aa oo, Neḛ Njesigənea̰ lé N’a kudu rəw-kabee gə kunje ləm, N’a kunda ndògo-bɔrɔ gaŋgee ne ləm tɔ Gə mba karee iŋga kila-rəwje ləa el ŋga.

Ojee 9:10

Ma m’iŋga Israɛlje asəna gə kandə nduúje gə́ dɔdilaloo’g bèe ləm, Ma m’oo bɔ síje-je asəna gə kandə kodé gə́ doŋgɔr bèe ləm tɔ. Nɛ deḛ d’aw ndolè goo magə-Baal-Peɔr, Deḛ d’un rɔ dee d’unda gə kəmee d’ar magə gə́ yèr lé Ndá deḛ kara tel to ne né gə́ mina̰ Asəna gə magə neelé gə́ deḛ d’undá dan kəm dee’g bèe tɔ.