Jeremi 3:23 - Maktub gə́ To gə Kəmee

²³ Oiyo, ndu gə́ ɓar dɔdərlooje’g Gə dɔ mbalje’g lé to gə́ néŋgɔm, Oiyo, Njesigənea̰, Ala lə sí ɓa to kaji lə Israɛlje.

Jeremi 3:23 Iomraidhean Croise

Pakɔsje 3:8

Njesigənea̰, maji kari uba naŋg ḭta! Ala ləm, maji kari taam ya! Mbata i to njekunda kwɔji njéba̰je ləm lai ləm, I təd ŋgaŋ njémeeyèrje njigi-njigi ləm tɔ.

Pakɔsje 62:7

Oiyo, yeḛ lé to biri mbal ləm gə njegin kaji ləm ya tɔ. Yeḛ to njo̰loo-kula-dɔ ləm gə́ to tar sab. Bèe ndá m’a kunda ndolé nda̰ el.

Gosota-Kəmkàrje 21:31

Kunda lé deḛ ndée goso mbata lə ndɔ rɔ, Nɛ Njesigənea̰ ɓa ar dəw un baŋga ya.

Esai 10:20

Mee ndəa’g neelé ges Israɛlje gə́ to ŋgaka Jakob gə́ nai lé d’a kəw nduna rɔ dee rɔ yeḛ gə́ njekula kəm dee ndoo’g, d’a nduna rɔ dee gə meḛ dee bura rɔ Njesigənea̰ gə́ to Njerɔkunda lə Israɛlje lé.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 43:11

To ma nja ɓa m’to Njesigənea̰, Ɓó lé ma m’godo ndá Njekaji kára kara godo tɔ.

Esai 44:9

Njé kuba magəje lé to gə́ dəwje gə́ kari ba ya lai. Kula ra dee gə́ maji yaa̰ lé askəm ra né kára kara el, Kula ra dee lé nja ɔr gel rɔ dee woḭ. Deḛ d’oo loo el ləm, gosonégər lə dee godo ləm tɔ Gə mba kar rɔkul dəb ne dɔ njéra deeje’g.

Esai 45:15

Nɛ i Ala lə Israɛlje gə́ njekaji dee lé I to Ala gə́ iya rɔi.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Esai 63:16

Lée togə́bè kara i ɓa to bɔ síje Mbata Abrakam gər sí el ləm, Israɛl kara gər sí el ləm tɔ. I Njesigənea̰ ɓa to bɔ síje Un kudee ləw-ləw ba lé Rii lə njekoga dɔ sí.

Jeremi 14:8

I ɓa Israɛlje d’unda meḛ dee yel dɔi’g ləm, I ɓa gə́ njekaji dee ndɔ néurti’g ləm tɔ, See mbata ɗi ɓa i tel rɔi Asəna gə dəw-dɔ-ɓee mee ɓee’g nee Esé tel rɔi gə́ mbá Gə́ andə mee ɓee’g Gə mba to keneŋ til’g bèe wa.

Jeremi 17:14

Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Jeremi 17:2

To gə́ d’ə̰ji dɔ ŋgan deeje’g bèe lé deḛ d’ə̰ji dɔ loo-nékinjanéməsje’g le dee togə́bè ləm, Gə dɔ magə-Astartéje’g le dee gə́ to mbɔr kagje gə́ təb’g gə dɔ dɔdərlooje gə́ ndəw’g ləm tɔ.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 31:7

Mbata Njesigənea̰ pa togə́bè pana: Raje né wəl gə ndu rɔlel dɔ Jakob’g ləm, Arje boo-rɔkal lə sí nduba rəa gə́ raga Dɔ yeḛ gə́ to doŋgɔr Le ginkoji dəwje gə raŋg ləm tɔ. Ɔrje ndu sí gə́ tar ɔsje ne pa Pideeje paje ne pana: Njesigənea̰, maji kari taa Dɔ koso-dəwje ləi, Ges Israɛlje gə́ nai lé!

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Tagə́maji gə́ Ja̰ ndang 4:22

Seḭ lé né gə́ seḭ gərje ginee el lé ɓa seḭ waje meḛ sí’g, nɛ jeḛ lé né gə́ jeḛ n’gər ginee njai-njai ɓa j’wá meḛ sí’g mbata kaji lé ḭ ɓee lə Jibje.