Jeremi 3:22 - Maktub gə́ To gə Kəmee

²² Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 3:22 Iomraidhean Croise

Pa gə́ ur dɔ paje 1:4

Ilam gooi’g ar sí j’aiŋgwɔd j’aw! I gə́ to mbai ləm lé Maji kari aw səm mee kəi’g ləi, Ar sí n’raje rɔlel ləm, Ar sí j’isije dan boo-rɔkal’g gə mbata ləi ya, Ar sí ndubaje rɔ sí dɔ ndigi’g ləi J’aree ur dɔ ka̰ mán-nduú’g. Ndigi gə́ deḛ ndigii lé to lée’g ya.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 27:8

I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Esai 31:6

Seḭ Israɛlje lé maji kar sí telje gə́ rɔ yeḛ gə́ seḭ ubáje yag yá̰je lé!

Esai 57:17

Gə goo mal né gə́ ra dee Gə́ ar ta wa ne dɔ dee lé ɓa Oŋg ḭ ne səm pu dɔ dee’g Am m’unda dee ne ləm, Ma m’iya ne rɔm pḛ́ dan oŋg’d ləm ləm tɔ, Ndá njekɔsta rəw aw ne rəw gə́ mée ndigi’g.

Jeremi 3:12

Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 31:18

M’oo ndu no̰ lə Eprayimje gə́ pana: I wɔji sí kəmkàr ndá jeḛ j’ooje ya Asəna gə ŋgon maŋg Gə́ ndée né bèe. Maji kari ar sí n’tel n’reeje Ndá j’a tel reeje ya. Mbata i nja to Ala lə sí gə́ Njesigənea̰.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ojee 13:4

Ma Njesigənea̰ ma m’to Ala lə sí Un kudee mee ndəa gə́ seḭ undaje ne loo mee ɓee gə́ Ejiptə teḛje lé. Ma Ala lə sí gə́ kára ba ɓa Seḭ a koomje gə́ Ala lə sí ya Ɓó yeḛ gə́ raŋg godo. Njekaji gə́ raŋg to gə́ ma bèe lé godo.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Ojee 14:5

Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Ojee 14:8

Dəwje gə́ d’isi ndilee’g lé D’a tel ree ləm, D’a ndɔ kó yaa̰ ləm, D’a kidi pug-pug to gə́ nduú bèe ləma, Riɓar lə dee a to kasəna gə riɓar lə mán-nduú gə́ Liba̰ bèe ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.