Jeremi 3:16 - Maktub gə́ To gə Kəmee

¹⁶ Loo gə́ seḭ a kojije na̰ bulaje digi-digi mee ɓee’g ndá mee ndəaje’g neelé Njesigənea̰ pana: Dəw a pata gə́ wɔji dɔ sa̰duk-manrɔ lə Njesigənea̰ el ŋga, dəw a kḛji dəa’g el ləm, mee dəw a kolé dəa’g el ləm, dəw a koo to gə́ godo mbuna dee’g el ləma, d’a tel ra gə́ raŋg el ŋga ləm tɔ.

Jeremi 3:16 Iomraidhean Croise

Esai 60:22

Yeḛ gə́ lam ba ɓa a tel to koso-dəwje gə́ tɔl-dɔg-dɔg (1.000) ləm, Yeḛ gə́ gɔ a tel to dəwje gə́ njésiŋgamoŋje ləm tɔ. Ma Njesigənea̰ m’a kɔs kudu néje neelé Mee ndəaje gə́ wɔji dɔ dee lé.

Esai 61:4

D’a tel gɔl dɔ gin ɓee gə́ ləw gə́ tuji lé ləm, Kəije gə́ ləw-ləw gə́ tuji lé D’a gɔl dee kunda dee tar gogo ləma, Ɓee-booje gə́ tuji pugudu-pugudu Ar dee to dɔnduba ləw ba lé D’a tel gɔl dee gogo ləm tɔ.

Esai 65:17

Mbata m’a gə kunda dara gə́ sigi ləm, Gə naŋg gə́ sigi ləm tɔ, Meḛ dəwje a kolé dɔ néje gə́ ləw’d Gə́ dəs lé el ŋga ləm, D’a tel ree dan takə̰ji’g lə dee el ŋga ləm tɔ.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 30:19

Ndu ra oiyo gə ndu kalrɔ A ɓar wəl dan dee’g, M’a kar bula lə dee Ḭ dɔ maree’d gə́ kédé-kédé Ɓó bula lə dee a rəm el. M’a kila riɓar dɔ dee’g Ndá d’a kḛji dee bəḭ-bəḭ el.

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Jeremi 31:8

A ooje, ma m’ar dee D’ḭ ɓee gə́ dɔgel tel ree ləm, Deḛ gə́ d’isi gwɔi naŋg lé kara M’a mbo̰ dee dɔ na̰’d ləm tɔ, Njékəmtɔje, gə njémədje, gə denéje Gə́ d’aw gə kèm Gə njé gə́ d’isi gə ndóo to mbuna dee’g, To dəwje gə́ bula digi-digi Ɓa tel ree lée’g neelé.

Jeremi 7:4

Undaje meḛ sí yel dɔ ta sukəmlooje gə́ pana: Loo neelé to kəi lə Njesigənea̰, to kəi lə Njesigənea̰ ya bèe el.

Ejekel 15:5

Aa oo, kédé gə́ to ne doŋgɔ lé ya yḛ̀ dəw ra ne né kára ŋga ɓa loo gə́ pər taa keneŋ rée dula-dula nee ɓa see d’a ra ne né wa.

Ejekel 37:26

N’a manrɔ neḛ gə manrɔ gə́ ka̰ meelɔm kar dee ndá manrɔ gə́ to gə no̰ a to mbuna neḛ sə deeje’g. N’a kunda dee tor dee’g ləm, n’a kar bula lə dee ḭ dɔ maree’d gə́ kédé-kédé ləma, n’a kar loo lə neḛ gə́ to gə kəmee to dan dee’g saar gə no̰ ləm tɔ.

Amɔs 9:9

Mbata aa ooje, n’a kun ndu neḛ ndá D’a yə gel-bɔje lə Israɛl mbuna ginkoji dəwje gə raŋg’g lai, To gə́ deḛ gɔl ne né gə san bèe Lal kar guburee kára kara oso naŋg.

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Matiyo 1:11

Josias to bɔ Jekonias gə ŋgakea̰je mee ndəa gə́ d’wa dee d’aw sə dee Babilɔn lé.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.