Jeremi 3:11 - Maktub gə́ To gə Kəmee

¹¹ Njesigənea̰ ulam pana: kila koji el lə Israɛlje lé to gə́ né el kəm’g loo gə́ m’oo néra Judaje gə́ to njéhulaije lé.

Jeremi 3:11 Iomraidhean Croise

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 3:7

Ndá ma m’pana: Gə goo néje nee lai lé deḛ d’a tel ree rɔm’g ɓəi. Nɛ deḛ tel ree rɔm’g el. Tɔɓəi ŋgako̰ deeje gə́ dené gə́ to Judaje gə́ to njéhulaije lé kara d’oo njai ya tɔ.

Jeremi 3:8

Ma m’tuba Israɛlje gə́ to majikojije el mbata mɔdkaiyaje lə deḛ lai ləm, ma m’ar dee maktub tḭ-na̰ ləm tɔ, nɛ lé bèe kara ma m’oo to gə́ Judaje gə́ to njéhulaije gə́ to ŋgako̰ deeje gə́ dené lé ɓəl el, ndá d’aw ra kaiya gə́ togə́bè lé ya tɔɓəi.

Ejekel 16:47

Rəw-kaw dee-deḛ ba ɓa i njaa keneŋ el ləm, néra deeje gə́ mina̰ ba ɓa i ra el ləm tɔ mbata to gə́ lam ba ɓəi, nɛ i lé ar néraije to né gə́ ndum oso lud rəw-kabije’g lai ya.

Ejekel 23:11

Ŋgokea̰ gə́ Oholiba lé oo bèe ya nɛ lé bèe kara yeḛ ar mal néje gə́ ula pər mée’g to yaa̰ ur dɔ kea̰’g, néra kaiya-dené ləa ur dɔ ka̰ ŋgokea̰’g.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 4:16

Mbata Israɛlje d’al ta to gə́ ko̰ maŋg gə́ ndigi kar dee d’ila néməməna̰ gwɔbee’g el bèe. Ɓasinè lé see Njesigənea̰ a kar dee d’ulee to gə́ ŋgon badə gə́ d’ulee ndag-loo ko̰ mu’g bèe wa.