Jeremi 29:11 - Maktub gə́ To gə Kəmee

¹¹ Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Jeremi 29:11 Iomraidhean Croise

Maktub gə́ wɔji dɔ Jɔb 23:13

Nɛ yeḛ lé wɔji né njaŋg gə́ mba ra ndá see na̰ ɓa askəm kɔgee wa. Né gə́ yeḛ ndigi gə mba ra ndá yeḛ ra ya.

Pakɔsje 33:11

Néje gə́ Njesigənea̰ wɔji mée’g gə mba ra lé To saar gə no̰ ləm, Néje gə́ yeḛ wɔji-kwɔji ra lé Yeḛ ra mbata lə njéboakojije lə na̰ gə goo na̰ goo na̰ ya ləm tɔ.

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Esai 27:4

Ma lé oŋg godo məəm’g, Nɛ ɓó lé m’iŋga loo mba rɔ gə kunje gə kun pɔrɔrɔje ndá M’a kaw rɔ sə dee roo deḛ lai dula-dula.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 24:5

Njesigənea̰, Ala lə Israɛlje pa togə́bè pana: To gə́ i ɔr kəm kandə kodéje gə́ maji bèe lé ma kara m’a kɔr kəm Judaje gə́ m’ar dee d’aw ɓee-ɓər gə́ Kalde lé gə mba ra sə dee maji togə́bè tɔ.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Nɔ̰-ndôo gə́ wɔji dɔ Jerusalem 3:26

Maji kar dəw si lɔm ya ŋgina Kaji gə́ ḭ rɔ Njesigənea̰’g lé.

Ejekel 11:16

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: Ɓó lé n’ar njé’g ləm nai əw mbuna ginkoji dəwje gə raŋg’g ləm, ɓó lé neḛ n’sané dee gə mee ɓeeje ɓəd-ɓəd ləm tɔ kara n’a to loo-kula-dɔ lə dee mee ɓeeje gə́ d’aw keneŋ lé.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Misee 4:12

Nɛ deḛ gər takə̰ji lə Njesigənea̰ el ləm, Deḛ gər néje gə́ yeḛ wɔji mée’g el ləma, Deḛ gər to gə́ yeḛ ɓa mbo̰ dee dɔ na̰’d Asəna gə kó gə́ to loo-kundá’g bèe el ləm tɔ.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.