Jeremi 29:1 - Maktub gə́ To gə Kəmee

¹ Aa ooje, taje gə́ Jeremi, njetegginta gə́ si Jerusalem lé ndaŋg ula ne ar ges njé gə́ tɔgje gə́ d’wa dee ɓər ləm, gə njékinjanéməsje ləm, gə njéteggintaje ləma, gə koso-dəwje lai gə́ Nebukadnesar wa dee ɓər Jerusalem aw sə dee Babilɔn ləm tɔ,

Jeremi 29:1 Iomraidhean Croise

2 Mbaije 24:12

Yen ɓa Jojakḭ, mbai gə́ Juda lé teḛ aw rɔ mbai gə́ Babilɔn’g, yeḛ gə kea̰je ləm, gə kuraje ləa ləm, gə mbaije ləa ləma, gə njékulaje ləa gə́ boo-boo ləm tɔ. Ndá mbai gə́ Babilɔn wa dee ɓər mee ləb ko̰ɓee ləa gə́ njekɔm’g jinaijoo lé.

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

Este 9:20

Mardose ndaŋg néje neelé mee maktub’g ndá yeḛ ula ne ar Jibje gə́ d’isi dəb ɓeeko̰je’g lai gə́ to ka̰ mbai Asuerus lé dəb ɓeeko̰je gə́ dəb gə njé gə́ əw tɔ.

Jeremi 28:17

Yen ŋga Hanania, njetegginta lé wəi mee ləbee gə́ nee ya, mee naḭ gə́ njekɔm’g siri’g.

Jeremi 28:4

Tɔɓəi Njesigənea̰ pana: N’a kar Jekonia, ŋgolə Jojakim, mbai gə́ Juda gə dəwje lai gə́ Juda gə́ d’wa dee ɓər d’aw sə dee Babilɔn lé tel ree lée’g neelé tɔ. Mbata n’a gə təd néməməna̰ lə mbai gə́ Babilɔn kərm-kərm ya.

Jeremi 29:20

Nɛ seḭ lé maji kar sí ooje ta lə Njesigənea̰, seḭ lai gə́ d’wa sí ɓər gə́ m’ar sí ḭje Jerusalem awje Babilɔn lé.

Jeremi 29:8

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Maji kar sí ya̰je loo arje njéteggintaje lə sí, gə njénékooje lə sí gə́ d’isi mbuna sí’g lé su kəm sí el. Ɔmje meḛ sí dɔ njekɔr gel nije gə́ d’aw d’ɔr gel nije lə sí lé el ləm tɔ.

Jeremi 51:61

Jeremi ula Seraja pana: Loo gə́ i a teḛ Babilɔn ndá taje lai neelé i a tɔs kəmi dɔ’g bao-bao mba tura ndá

Néra Njékaḭkulaje 15:23

Deḛ ndaŋg maktub d’ula ji dee’g d’ar dee d’aw ne, deḛ pata mee maktub’g neelé pana: Jeḛ njékaḭkulaje ləm, gə ŋgatɔgje ləma, gə ŋgako̰ na̰je ləm tɔ lé jeḛ ndaŋg maktub nee j’ar sí-seḭ ŋgako̰ na̰je gə́ mbuna njépole-magəje gə́ sije Antiɔs gə Siri gə Silisi tɔ. Jeḛ n’ra sí lapia gə́ boo.

2 Njé gə́ Kɔrḭtə 7:8

Lé maktub gə́ m’ula ne m’ar sí lé ar meḛ sí o̰ sí kara m’aar dɔ’g njaŋg ya ɓəi. Ɓó lé m’aar dɔ’g njaŋg el mbata m’oo to gə́ maktub neelé ar meḛ sí o̰ sí waga ba kara

Njé gə́ Galati 6:11

Aa ooje, kandə ta gə́ moŋg gə́ ma m’ndaŋg ne maktub m’ar sí neelé ma nja m’ndaŋg gə darɔ jim-ma ya.

Ǝbrəje 13:22

Ŋgakɔmje, ma m’ra ndòo rɔ sí’g mba kar sí taaje ta gə́ ma m’ndəji sí lé mbata maktub gə́ m’ndaŋg lé m’kai təa wès ba bèe ɓa m’ar sí.