Jeremi 28:5 - Maktub gə́ To gə Kəmee

⁵ Jeremi, njetegginta ila Hanania, njetegginta’g kəm njékinjanéməsje’g ləm, gə kəm koso-dəwje’g lai gə́ d’aar mee kəi’g lə Njesigənea̰ lé ləm tɔ pana:

Jeremi 28:5 Iomraidhean Croise

1 Sôrta Gḭka-Israɛlje 3:19

Ŋgalə Pedaja ɓa ri dee to nee: Jorobabel gə Simei. Ŋgalə Jorobabel ɓa ri dee to nee: Mesulam gə Hanania gə Selomit gə́ to kɔnan dee,

Jeremi 19:14

Jeremi ḭ Topet, loo gə́ Njesigənea̰ ulá aree aw tegginta keneŋ lé tel ree ɓée. Tɔɓəi yeḛ aw aar mee gad-kəi’g lə Njesigənea̰ ndá yeḛ ula koso-dəwje lai pana:

Jeremi 26:2

Njesigənea̰ pa togə́bè pana: Aw aar tar gad-kəi’g lə Njesigənea̰’g ndá ula deḛ gə́ d’ḭ ɓee-booje lai gə́ Juda ree d’unda barmba mee kəi’g lə Njesigənea̰ lé taje lai gə́ m’un ndum mba kari ula dee lé, a kya̰ rɔta kára kara el.

Jeremi 28:1

Mee ləb’g neelé loo gə́ Sedesias, mbai un kudu ko̰ ne ɓee, mee naḭ gə́ njekɔm’g mi mee ləb gə́ njekɔm’g sɔ lé Hanania, ŋgolə Ajur gə́ to njetegginta gə́ Gabao̰, ulam ta mee kəi’g lə Njesigənea̰ kəm njékinjanéməsje’g ləm, gə kəm koso-dəwje’g lai ləm tɔ pana:

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.