Jeremi 28:3 - Maktub gə́ To gə Kəmee

³ Nai as ləb joo ndá nékulaje lai gə́ mee kəi’g lə Njesigənea̰ gə́ Nebukadnesar, mbai gə́ Babilɔn odo aw ne Babilɔn lé m’a kar dee tel ree ne lée’g nee gogo.

Jeremi 28:3 Iomraidhean Croise

Gḭ-Néje 47:28

Jakob si mee ɓee gə́ Ejiptə as ləbee dɔg-giree-siri ar ləb si kəmba lə Jakob aḭ tɔl dəa rɔ-sɔ giree-siri (147).

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

2 Mbaije 24:13

Yeḛ tɔr nébaoje lai gə́ to mee kəi’g lə Njesigənea̰ ləm, gə nébaoje lai gə́ to mee kəi’g lə mbai ləm tɔ aw ne, tɔɓəi yeḛ tuji nékulaje lai gə́ ra gə larlɔr gə́ Salomo̰, mbai gə́ Israɛl unda dee mee kəi’g lə Njesigənea̰ gə́ to gə kəmee, to gə́ Njesigənea̰ pa ne kédé lé tɔ.

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

2 Sôrta Gḭka Israɛlje 36:7

Nebukadnesar lé odo nékulaje gə́ to mee kəi’g lə Njesigənea̰ aw ne Babilɔn ndá yeḛ ɔm dee mee kəi-mbai’g ləa gə́ to Babilɔn lé.

Pakɔsje 90:10

Ləb si kəmba lə sí lé aḭ rɔ-siri ba, Nɛ njé gə́ na̰je gə́ siŋga dee to yaa̰ lé Ləb si kəmba lə dee a kaḭ rɔ-jinaijoo, Nɛ to gə́ deḛ ti ne rɔ dee lé Tel to meeko̰ gə kəmndoo gə́ ra dee ya ɓəi. Kur sí a kəw el ya ndá j’a kḭ kawje.

Loo gə́ killa rea kəm Daniel’g 1:2

Mbaidɔmbaije ya ya̰ Jojakim, mbai gə́ Juda lé jia’g ləm, ya̰ ges nékulaje gə́ to mee kəi-Ala’g jia’g ləm tɔ. Nebukadnesar odo nékulaje neelé aw ne mee ɓee gə́ Sineyar mee kəi-magə’d ləa, tɔɓəi yeḛ ɔm dee mee kəi-nébaoje’g lə magə ləa tɔ.