Jeremi 28:14 - Maktub gə́ To gə Kəmee

¹⁴ Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Ma m’ila néməməna̰ gə́ to larndul gwɔb ginkoji dəwje gə raŋg’g neelé lai mba kar dee d’oso ne gel Nebukadnesar, mbai gə́ Babilɔn’g ndá d’a koso gelee’g ya, daje gə́ wala kara m’aree tɔ.

Jeremi 28:14 Iomraidhean Croise

Jeremi 15:12

See dəw a k’askəm təd larndul Gə́ d’ḭ ne dɔgel əsé larkas wa.

Jeremi 27:4

Ndá a kar dee ndukunje ləm gə mba kar dee d’aw d’ula ɓée deeje pana: Njesigənea̰ gə́ njeboo-néje gə́ to Ala lə Israɛlje pa togə́bè pana: Aa ooje, ta gə́ seḭ a kulaje ɓée síje ɓa nee:

Jeremi 27:8

Ɓó lé ginkoji dəwje əsé ɓeeko̰ mbad koso gel Nebukadnesar, mbai gə́ Babilɔn ləm, d’ula gwɔb dee taa ne néməməna̰ lə mbai gə́ Babilɔn el ləm tɔ ndá m’a kar bo̰ néra ginkoji dəwje lai neelé ɔs ta dee’g gə kiambas ləm, gə ɓoo-boo ləma, gə yoo-koso ləm tɔ saar kar dee d’udu bo̰. Njesigənea̰ ɓa pa bèe.

Jeremi 40:4

Aa oo, ɓasinè m’tudu kúla larje gə́ jii’g. Ɓó lé i ndigi kaw səm Babilɔn ndá maji kari aw səm ya ndá m’a kaa dɔi. Ɓó lé mba kaw səm Babilɔn leli el ndá aar naŋg né ləi. Aa loo oo, mee ɓee gə́ bura gə́ to nɔḭ’g ndá loo gə́ taa kəmi əsé leli kara maji kari aw keneŋ ya.

Nɔ̰-ndôo gə́ wɔji dɔ Jerusalem 1:14

Yeḛ tɔs dɔ néramje gə́ majel lé na̰’d lai Aree to gə́ nékodo gə́ wɔi dɔm’g, Yeḛ ar siŋgam kara yɔ tɔ. Njesigənea̰ ya̰’m ji njéba̰je’g Gə́ m’askəm nar rɔm ji dee’g el.

Loo gə́ killa rea kəm Daniel’g 2:38

Dəwje gə daje gə́ wala gə yelje lé loo gə́ rara gə́ d’aw keneŋ lé kara, Ala nja ɓa ɔm dee jii’g yəg ləm, yeḛ ari o̰ ɓee dɔ dee’g lai ləm tɔ. Bèe ɓa, i nja to dɔ néndaji gə́ to gə́ larlɔr lé.

Ojee 10:11

Eprayimje to d’asəna gə ŋgon maŋg Gə́ ndigi njaa dɔ kó’g mba tal ka̰dee bèe. Nɛ m’a rəm pər gə́ gina gwɔsee’g, M’a kila néməməna̰ gwɔs Eprayimje’g ləm, Judaje d’a ndɔ-ndɔ ndá Njé’g lə Jakob d’a gɔl dɔ naŋgee ləm tɔ.

Tel tura Godndu 28:48

ndá seḭ a raje né karje njéba̰je lə sí gə́ Njesigənea̰ a gə kula dee kar dee d’ḭ rɔ sə sí lé dan ɓó’g ləm, gə dan kṵdaman’g ləm, gə dan kaw kudu dum’g ləma, gə dan ɓoo-boo’g ləm tɔ, yeḛ a kila néməməna̰ gə́ ra gə larndul gwɔb sí’g saar kar sí uduje ne bo̰.

Tel tura Godndu 4:20

Nɛ seḭ lé Njesigənea̰ ɔr sí ar sí undaje loo mee ɓee gə́ Ejiptə gə́ to loo gə́ nuŋga kəd-kəd asəna gə loo-kula-bṵda bèe teḛje, gə mba kar sí toje koso-dəwje gə́ toje kea̰je ya doŋgɔ doi to gə́ seḭ toje ne ɓogənè lé tɔ.