Jeremi 28:1 - Maktub gə́ To gə Kəmee

¹ Mee ləb’g neelé loo gə́ Sedesias, mbai un kudu ko̰ ne ɓee, mee naḭ gə́ njekɔm’g mi mee ləb gə́ njekɔm’g sɔ lé Hanania, ŋgolə Ajur gə́ to njetegginta gə́ Gabao̰, ulam ta mee kəi’g lə Njesigənea̰ kəm njékinjanéməsje’g ləm, gə kəm koso-dəwje’g lai ləm tɔ pana:

Jeremi 28:1 Iomraidhean Croise

1 Mbaije 3:4

Mbai aw Gabao̰ mba kinja nékinjaməs keneŋ mbata yee ɓa to loo gə́ ndəw gə́ boo ur dɔ mareeje’g. Salomo̰ inja nékinjanéməsje gə́ ka̰ roo as tɔl-dɔg (1.000) dɔ loo-nékinjaməs’g neelé.

2 Mbaije 24:18

Sedesias lé ləbee as rɔ-joo-giree-kára ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Kea̰je ria lə Hamutal, ŋgolə Jeremi gə́ to dəw gə́ Libna .

2 Sôrta Gḭka Israɛlje 36:11

Sedesias lé ləbee aḭ rɔ-joo-giree-kára ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára.

Esai 9:15

Deḛ gə́ d’ɔr no̰ koso-dəwje neelé D’ar dee ndəm ləm, Deḛ gə́ d’ya̰ loo d’ar dee d’ɔr no̰ dee lé Deḛ ndəm ne rəw ləm tɔ.

Jeremi 23:28

Njetegginta gə́ ni ndá maji karee ndaji ta ni neelé ləm, ɓó lé yeḛ oo ta lə neḛ ndá maji karee pa gə goo rəbee ləm tɔ. See gelee ban ɓa oreeje kandə kó Gə kandə mu na̰’d wa. Njesigənea̰ ɓa pa bèe.

Jeremi 27:1

Un kudee ndɔ ko̰ɓee’g lə Jojakim, ŋgolə Jojias, mbai gə́ Juda lé Njesigənea̰ ula Jeremi ta gə rɔtaje nee pana:

Jeremi 27:12

Ma m’ula Sedesias, mbai gə́ Juda taje neelé togə́bè ya to m’pana: Ulaje gwɔb sí taaje ne néməməna̰ lə mbai gə́ Babilɔn osoje ne gelee’g ləm, gə gel koso-dəwje’g ləa ləm tɔ ndá a síje ne kəmba ya.

Jeremi 27:3

Ula ne ar mbai gə́ Edɔm ləm, gə mbai gə́ Moab ləm, gə mbai lə Amo̰je ləm, gə mbai gə́ Tir ləma, gə mbai gə́ Sido̰ ləm tɔ, gə ndu njékaḭkulaje gə́ ree Jerusalem rɔ Sedesias, mbai gə́ Juda lé.

Jeremi 28:11

Ndá Hanania lé pata kəm koso-dəwje’g lai pana: Njesigənea̰ pata togə́bè pana: Ləb joo gə́ a gə ree lé ndá n’a təd néməməna̰ lə Nebukadnesar, mbai gə́ Babilɔn lé gwɔb ginkoji dəwje gə raŋg’g lai ya. Yen ŋga Jeremi gə́ njetegginta lé ɔd aw.

Jeremi 28:17

Yen ŋga Hanania, njetegginta lé wəi mee ləbee gə́ nee ya, mee naḭ gə́ njekɔm’g siri’g.

Jeremi 28:5

Jeremi, njetegginta ila Hanania, njetegginta’g kəm njékinjanéməsje’g ləm, gə kəm koso-dəwje’g lai gə́ d’aar mee kəi’g lə Njesigənea̰ lé ləm tɔ pana:

Jeremi 29:15

Lé togə́bè kara, seḭ pajena: Njesigənea̰ ar sí j’iŋgaje njéteggintaje mee ɓee gə́ Babilɔn mba̰!

Jeremi 36:12

yeḛ ḭ aw mee kəi’g lə mbai, mee ŋgon kəi gə́ to ka̰ njendaji maktub, to loo gə́ ŋgan-mbaije lai d’isi keneŋ: Elisama gə́ njendaji-maktub ləm, gə Delaja, ŋgolə Semaeja ləm, gə Elnatan, ŋgolə Akbɔr ləm, gə Gemaria, ŋgolə Sapan ləm, gə Sedesias, ŋgolə Hanania ləma, gə ŋgan-mbaije gə́ raŋg lai ləm tɔ.

Jeremi 37:13

Loo gə́ yeḛ teḛ tarəwkɔg’d lə Bḛjamije ndá ɓé-njéŋgəmlooje gə́ ria lə Jireija gə́ to ŋgolə Selemia, ŋgolə Hanania aar lée’g neelé ndá yeḛ uba Jeremi, njetegginta wá pana: I si aw mba kɔm gə Kaldeje na̰’d.

Jeremi 37:19

See njéteggintaje lə sí gə́ tegginta pana: Mbai gə́ Babilɔn a ree rɔ sə sí-seḭ əsé ɓee nee el lé d’əd ra ɓəi wa.

Jeremi 49:34

Ta gə́ Njesigənea̰ ula Jeremi, njetegginta gə rɔtaje nee wɔji ne dɔ njé gə́ Elam, loo gə́ Sedesias, mbai gə́ Juda un kudu ko̰ ne ɓee lé.

Jeremi 51:59

Ndukun gə́ Jeremi, njetegginta un ar Seraja, ŋgolə Nerija gə́ to ŋgolə Maseja, loo gə́ yeḛ aw ne Babilɔn gə Sedesias, mbai gə́ Juda, mee ləb gə́ njekɔm’g sɔ gə́ Sedesias o̰ ne ɓee lé. Nɛ Seraja to gə́ dɔtar lə njékaa dɔ kəi-kwa-rɔje.

Ejekel 13:6

Némḭdije lə dee to gə́ néje gə́ gə mḭdé ba ləm, ginta gə́ deḛ teg to gə́ taŋgɔm ləm tɔ, deḛ pana: Njesigənea̰ ɓa pa bèe. Nɛ Njesigənea̰ ɓa ula dee kula el! Deḛ d’ar dəwje d’unda meḛ dee yel to gə́ ta lə dee a kaw lée’g béréré.

Ojee 7:3

Gə goo némeeyèrje lə dee lé Deḛ su ne kəm mbai d’ar rəa lelee ne ləm, Gə goo taŋgɔmje lə dee lé Deḛ su ne kəm ŋgan-mbaije lə dee D’ar rɔ dee lel dee ne ləm tɔ.

Jujé 10:12

Mee ndəa gə́ Njesigənea̰ ɔm Amɔrje ji Israɛlje’g lé Juje ula Njesigənea̰ ta kəm Israɛlje’g pana: I kàr lé aar naŋg dɔ ɓee gə́ Gabao̰ bèe ɓa ləm, I naḭ kara aar naŋg wəl-loo gə́ Ajalon bèe ləm tɔ.

Jujé 9:3

Nɛ njé gə́ Gabao̰ lé loo gə́ d’oo ta né gə́ Juje ra gə Jeriko gə Ai ndá,