Jeremi 27:9 - Maktub gə́ To gə Kəmee

⁹ Bèe ndá ta lə njéteggintaje lə sí, gə njéndo̰-ərje lə sí, gə njékoo-né-gə-nije lə sí, gə njétən kéréméje lə sí, gə njémbeḛje lə sí gə́ d’ula sí pana: Seḭ a kosoje gel mbai gə́ Babilɔn’g el lé maji kar sí ooje el.

Jeremi 27:9 Iomraidhean Croise

Teḛ-Raga 22:18

Nana ɓa gə́ ndal da ndá d’a tɔlee gə́ tɔl ya.

Teḛ-Raga 7:11

Nɛ Parao̰ ula kula ɓar njékəmkàrje gə njésukəm mar deeje ləm tɔ, tɔɓəi njéra némɔrije gə́ Ejiptə lé némɔrije lə dee-deḛ kara ar dee ra togə́bè tɔ.

Gosota-Kəmkàrje 19:27

Ŋgonəm, ɓó lé tandooje lé d’a gə kari unda rɔi ɓad dɔ tapaje gə́ ka̰ négər ndá Udu mbii dɔ’g.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Jeremi 14:14

Ndá Njesigənea̰ ulam pana: Taŋgɔm ɓa njéteggintaje lé teg ne ginta gə ri neḛ, neḛ n’ula dee el ləm, n’un ndu neḛ n’ar dee el ləma, m’pata n’ar dee el ləm tɔ. Némḭdije gə́ ŋgɔm ləm, gə ginta néje gə́ d’a ree gə́ pa kari ba ləma, gə ta sukəmlooje gə́ d’ḭ ne meḛ dee’g ləm tɔ ɓa deḛ tegginee d’ar sí.

Jeremi 23:16

Njesigənea̰ gə́ njeboo-néje pa togə́bè pana: Tugaje mbi sí dɔ taje’g lə njéteggintaje Gə́ d’aw teg d’ar sí lé el. Deḛ ndɔr sí dɔ néje gə́ kari ba ləm, D’ɔr goo némḭdije Gə́ d’ḭ ne meḛ dee-deḛ’g ya d’ar sí ləm tɔ Ɓó to ta gə́ ḭ ta Njesigənea̰’g el.

Jeremi 23:25

Neḛ n’oo ta gə́ njéteggintaje pa teg ne ginta gə taŋgɔm gə ri neḛ pana: Ma m’ni, ma m’ni.

Jeremi 23:32

Njesigənea̰ pana: Aa ooje, njéteggin ni-ŋgɔmje gə́ d’ɔr gée d’ar koso-dəwje lə neḛ ndəm ne gə goo taŋgɔmje gə́ lel ta dee’g lé neḛ n’aw sə dee gə ta, Njesigənea̰ ɓa pa bèe. Neḛ n’ula dee el ləm, n’un ndu neḛ n’ar dee el ləma, maji dee gə́ tḛ́ bèe ya kara to mba koso-dəwje el ləm tɔ.

Jeremi 29:8

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Maji kar sí ya̰je loo arje njéteggintaje lə sí, gə njénékooje lə sí gə́ d’isi mbuna sí’g lé su kəm sí el. Ɔmje meḛ sí dɔ njekɔr gel nije gə́ d’aw d’ɔr gel nije lə sí lé el ləm tɔ.

Ejekel 21:29

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ seḭ arje meḛ sí olé dɔ néra kori-korije’g lə sí loo gə́ seḭ arje kaltaje lə sí to ne raga ndəgəsə ləm, seḭ arje néra síje lé riba ne dɔ kaiya ra síje pərəg ləm tɔ lé, to gə́ seḭ arje meḛ sí olé dɔ’g ndá yeḛ a kwa sí gə jia peb ya!

Loo gə́ killa rea kəm Daniel’g 4:7

Aa oo, némḭdije gə́ m’oo Loo gə́ m’to dɔ tira-tom’g lé ɓa nee: Ma m’aa loo ndá aa oo, Kag gə́ ŋgal yaa̰ aar dɔ naŋg’d Loo gə́ dana bab.

Misee 3:7

Rɔkul a dəb dɔ njénékooje’g gə dɔ njésaŋ ndilje’g ləm, Deḛ lai d’a si gogəro gə rɔkul ləm tɔ Mbata Ala a gə kila dee ta’g el.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Néra Njékaḭkulaje 8:11

Deḛ d’ur mbi dee gèŋ gə́ dəa’g mbata ləw ɓa yeḛ ar kaar dee wa dee paḭ dɔ némbeḛje’g ləa.

Njé gə́ Epesə 5:6

Arje dəwje su kəm sí gə sutaje el, mbata néje gə́ togə́bè ɓa to kaiya gə́ ɔs oŋg lə Ala ɔm dɔ njékaltaje’g.

Tel tura Godndu 13:2

Ɓó lé njetegginta kára ḭ dan sí’g əsé njeni gə́ pata nétɔji əsé nédumkoo ləm,

Tel tura Godndu 18:14

Mbata ginkoji dəwje gə raŋg gə́ seḭ a gə tuba deeje lé d’oo ta lə njétən-kéréméje gə njénékooje gə́ togə́bè ya nɛ seḭ lé Ala lə sí gə́ Njesigənea̰ ndigi kar sí raje togə́bè el.

Jujé 13:22

Balaam, njenékoo gə́ to ŋgolə Beɔr kara to mbuna deḛ gə́ Israɛlje tɔl dee gə kiambas ya ləm tɔ.

Loo gə́ killa rea kəm Ja̰’g 18:23

Pərndɔ a ndogó ɓee ləi el ŋga ləm, ndu njédené sigije gə denéje lə dee a ɓar ɓee’g ləi gogo el ŋga ləm tɔ, mbata njételkəmlarje ləi to dəwje gə́ boo dɔ naŋg nee ləm, mbata nésukəmlooje ləi lé i su ne kəm ginkoji dəwje gə raŋg lai su-su ləma,

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.

Loo gə́ killa rea kəm Ja̰’g 9:21

Dəb dəwje gə́ loo-joo lé d’əw rɔ dee tɔl mar deeje el ləm, əsé gə su kəm mar deeje su-su el ləma, mɔdkaiya lə dee gə ɓogo lə dee kara d’əw el ləm tɔ.