Jeremi 27:8 - Maktub gə́ To gə Kəmee

⁸ Ɓó lé ginkoji dəwje əsé ɓeeko̰ mbad koso gel Nebukadnesar, mbai gə́ Babilɔn ləm, d’ula gwɔb dee taa ne néməməna̰ lə mbai gə́ Babilɔn el ləm tɔ ndá m’a kar bo̰ néra ginkoji dəwje lai neelé ɔs ta dee’g gə kiambas ləm, gə ɓoo-boo ləma, gə yoo-koso ləm tɔ saar kar dee d’udu bo̰. Njesigənea̰ ɓa pa bèe.

Jeremi 27:8 Iomraidhean Croise

Jeremi 24:10

M’a kula gə kiambas gə ɓoo-boo gə yoo-koso mbuna dee’g saar kar dee godo mee ɓee gə́ m’ar dee-deḛ gə bɔ deeje-je lé.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 27:11

Nɛ ginkoji dəwje gə́ d’a kula gwɔb dee gel néməməna̰’g lə mbai gə́ Babilɔn gə mba koso gelee’g ndá m’a kya̰ dee mee ɓee’g lə dee kar dee d’isi keneŋ ləm, kar dee ndɔ-ndɔ keneŋ ləm tɔ. Njesigənea̰ ɓa pa bèe.

Jeremi 27:13

See gelee ban ɓa i seḭ gə koso-dəwje ləi a kwəije ne yoo-kiambas ləm, gə yoo-ɓoo-boo ləma, gə yoo-koso ləm tɔ, to gə́ Njesigənea̰ pa taree wɔji ne dɔ ginkoji dəwje gə́ d’a koso gel mbai gə́ Babilɔn’g el lé wa.

Jeremi 28:14

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Ma m’ila néməməna̰ gə́ to larndul gwɔb ginkoji dəwje gə raŋg’g neelé lai mba kar dee d’oso ne gel Nebukadnesar, mbai gə́ Babilɔn’g ndá d’a koso gelee’g ya, daje gə́ wala kara m’aree tɔ.

Jeremi 28:4

Tɔɓəi Njesigənea̰ pana: N’a kar Jekonia, ŋgolə Jojakim, mbai gə́ Juda gə dəwje lai gə́ Juda gə́ d’wa dee ɓər d’aw sə dee Babilɔn lé tel ree lée’g neelé tɔ. Mbata n’a gə təd néməməna̰ lə mbai gə́ Babilɔn kərm-kərm ya.

Jeremi 29:17

Njesigənea̰ gə́ njeboo-néje lé pa togə́bè pana: Aa ooje, m’a kula gə kiambas, gə ɓoo-boo, gə yoo-koso dan dee’g tɔɓəi m’a kar dee to d’asəna gə kandə kodéje gə́ to kḛji gə́ dəw askəm sɔ el mbata lə ndum lə dee lé.

Jeremi 29:18

M’a korə dee gə kiambas ləm, gə ɓoo-boo ləma, gə yoo-koso ləm tɔ. M’a kar dee to néɓəl gə mbata lə ɓeeko̰je lai gə́ dɔ naŋg nee ləm, gə nékila ndɔl dɔ’g ləm, gə nékəmndoo ləm, gə nékula sul dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg gə́ m’a gə tuba dee kɔm dee keneŋ ləm,

Jeremi 40:9

Gedalia, ŋgolə Ahikam gə́ to ŋgolə Sapan man rəa ar dee-deḛ ləm, gə dəwje lə dee ləm tɔ pana: Ɓəlje mba ra kula kar Kaldeje el. Sije mee ɓee’g raje kula arje mbai gə́ Babilɔn ndá a síje ne gə́ majee.

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé