Jeremi 27:4 - Maktub gə́ To gə Kəmee

⁴ Ndá a kar dee ndukunje ləm gə mba kar dee d’aw d’ula ɓée deeje pana: Njesigənea̰ gə́ njeboo-néje gə́ to Ala lə Israɛlje pa togə́bè pana: Aa ooje, ta gə́ seḭ a kulaje ɓée síje ɓa nee:

Jeremi 27:4 Iomraidhean Croise

Teḛ-Raga 5:1

Gée gə́ gogo Moyis deḛ gə Aaro̰ d’aw rɔ Parao̰’g d’aw d’ulá pana: Njesigənea̰ Ala lə Israɛlje lé pa bèe pana: Ya̰ dəwje lə neḛ ar dee d’aw dɔdilaloo’g mba ra naḭ gə́ wɔji dɔ neḛ.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 27:3

Ula ne ar mbai gə́ Edɔm ləm, gə mbai gə́ Moab ləm, gə mbai lə Amo̰je ləm, gə mbai gə́ Tir ləma, gə mbai gə́ Sido̰ ləm tɔ, gə ndu njékaḭkulaje gə́ ree Jerusalem rɔ Sedesias, mbai gə́ Juda lé.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Jeremi 28:14

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Ma m’ila néməməna̰ gə́ to larndul gwɔb ginkoji dəwje gə raŋg’g neelé lai mba kar dee d’oso ne gel Nebukadnesar, mbai gə́ Babilɔn’g ndá d’a koso gelee’g ya, daje gə́ wala kara m’aree tɔ.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.