Jeremi 27:20 - Maktub gə́ To gə Kəmee

²⁰ gə́ Nebukadnesar, mbai gə́ Babilɔn taa el, loo gə́ yeḛ wa Jekonia, ŋgolə Jojakim, mbai gə́ Juda ləm, gə dəwje gə́ boo-boo lai gə́ Juda gə Jerusalem ləm tɔ ɓər aw sə dee Babilɔn lé.

Jeremi 27:20 Iomraidhean Croise

2 Mbaije 24:12

Yen ɓa Jojakḭ, mbai gə́ Juda lé teḛ aw rɔ mbai gə́ Babilɔn’g, yeḛ gə kea̰je ləm, gə kuraje ləa ləm, gə mbaije ləa ləma, gə njékulaje ləa gə́ boo-boo ləm tɔ. Ndá mbai gə́ Babilɔn wa dee ɓər mee ləb ko̰ɓee ləa gə́ njekɔm’g jinaijoo lé.

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

2 Sôrta Gḭka Israɛlje 36:18

Nebukadnesar odo nékulaje lai gə́ to mee kəi’g lə Ala aw ne Babilɔn, néje gə́ boi-boi əsé néje gə́ lam-lam lé nébaoje gə́ to mee kəi’g lə Njesigənea̰ ləm, gə nébaoje gə́ to mee kəi’g lə mbai gə mee kəije’g lə ŋgan-mbaije ləa ləm tɔ.

Esai 34:12

D’a koo dəw gə́ boo kára kara Gə mba kundá gə́ mbai el ləm, D’a tuji mbaije ləa lai pugudu-pugudu ləm tɔ.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 24:1

Loo gə́ Nebukadnesar, mbai gə́ Babilɔn wa Jekonia, ŋgolə Jojakim, mbai gə́ Juda ləm, gə ŋgan-mbaije gə́ Juda ləma, gə njéra-kula-kagje gə njéra lar-kudu-ta-néje ləm tɔ mee ɓee gə́ Jerusalem aw sə dee Babilɔn mba̰ ndá, Njesigənea̰ am m’oo kandə kodéje mee karèje joo gə́ d’unda takəi’g lə Njesigənea̰.

Jeremi 27:21

Njesigənea̰ gə́ njeboo-néje, Ala lə Israɛlje pata togə́bè wɔji ne dɔ ges nékulaje gə́ nai mee kəi’g lə Njesigənea̰ ləm, gə mee kəi’g lə mbai gə́ Juda ləma, gə mee ɓee-boo gə́ Jerusalem ləm tɔ pana:

Jeremi 29:2

loo gə́ Jekonia, mbai ləm, gə kea̰je ləm, gə njéko̰ɓeeje ləm, gə mbaije gə́ Juda gə Jerusalem ləma, gə njéra-kula-kagje gə njéra lar-kudu-takəije ləm tɔ lé d’unda loo mee ɓee gə́ Jerusalem teḛ mba̰ lé.

Jeremi 35:1

Njesigənea̰ ula Jeremi ta mee ndəa’g lə Jojakim, ŋgolə Jojias gə́ to mbai gə́ Juda gə rɔtaje nee pana:

Loo gə́ killa rea kəm Daniel’g 1:2

Mbaidɔmbaije ya ya̰ Jojakim, mbai gə́ Juda lé jia’g ləm, ya̰ ges nékulaje gə́ to mee kəi-Ala’g jia’g ləm tɔ. Nebukadnesar odo nékulaje neelé aw ne mee ɓee gə́ Sineyar mee kəi-magə’d ləa, tɔɓəi yeḛ ɔm dee mee kəi-nébaoje’g lə magə ləa tɔ.

Matiyo 1:11

Josias to bɔ Jekonias gə ŋgakea̰je mee ndəa gə́ d’wa dee d’aw sə dee Babilɔn lé.

Matiyo 1:12

Loo gə́ d’wa dee d’aw sə dee Babilɔn’g mba̰ ndá Jekonias oji Salatiel, Salatiel oji Jorobabel,

Matiyo 1:17

Bèe ndá un kudee mee ndəa’g lə Abrakam saar teḛ ne ndɔ ka̰ Dabid’g lé ŋgakadɔgeeje lé d’as dɔg-gir-dee-sɔ ləm, un kudee mee ndəa’g lə Dabid saar teḛ ne ndəa gə́ d’wa dee keneŋ d’aw ne sə dee Babilɔn’g lé ŋgakadɔgeeje d’as dɔg-gir-dee-sɔ ləma, un kudee mee ndəa gə́ d’wa dee d’aw dee Babilɔn’g saar ndɔ koji Kristi lé ŋgakadɔgeeje d’as dɔg-gir-dee-sɔ ləm tɔ.