Jeremi 27:18 - Maktub gə́ To gə Kəmee

¹⁸ Ɓó lé deḛ to njéteggintaje ləm, ta lə Njesigənea̰ nai meḛ dee’g ləm tɔ ndá maji kar dee ra ndòo rɔ Njesigənea̰ gə́ njeboo-néje gə mba kar nékulaje gə́ nai mee kəi’g lə Njesigənea̰ ləm, gə mee kəi’g lə mbai gə́ Juda ləma, gə mee ɓee-boo gə́ Jerusalem ləm tɔ lé d’a kaw ne Babilɔn el.

Jeremi 27:18 Iomraidhean Croise

Gḭ-Néje 20:17

Abrakam ra tamaji ta Ala’g lé ndá Ala ɔr rɔko̰ rɔ Abimelek’g gə rɔ dené’g ləa gə rɔ ŋganjélookisije’g ləa gə́ dené tɔ ndá yeḛ ar dee tel d’oji ŋganje ŋga.

1 Mbaije 18:24

Tɔɓəi seḭ a ɓarje ri magə lə sí ndá ma kara m’a ɓar ri Njesigənea̰ tɔ, magə gə́ a kila sí keneŋ gə pər ndá yeḛ nee ɓa a to Kankəm Ala ya. Bèe ɓa koso-dəwje lé tel d’ilá keneŋ pana: To maji ya.

1 Mbaije 18:26

Deḛ d’wa bɔ maŋg gə́ d’ar dee lé ndá deḛ gɔlee, tɔɓəi deḛ ɓar ne ri Baal, un kudee gə ndɔ ya saar kàr aar daŋdɔ pa ne pana: Baal, ila sí keneŋ! Nɛ ndia ɓar el ləm, yeḛ ila dee keneŋ el ləm tɔ. Bèe ɓa deḛ tal jagəra-jagəra no̰ loo-nékinjaməs’g deḛ ra lé.

2 Sôrta Gḭka Israɛlje 32:20

Mbai Ejekias ləm, gə Esai njetegginta gə́ to ŋgolə Amots ləm tɔ, ra tamaji d’wɔji ne dɔ né gə́ neelé d’ar ndu dee ɓar wəl gə́ dara tɔ.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 18:20

See né gə́ majel a taa godə né gə́ maji wa. Mbata deḛ d’ur bwa nɔm’g mba tɔlm ne. Ar məəi olé dɔ kaar gə́ m’aar nɔḭ’g M’wɔji səi ta gə mbata lə dee Mba kar oŋg ləi tel wəi ne bèm dɔ dee’g.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Jeremi 7:16

Nɛ i Jeremi lé a ra tamaji mbata lə koso-dəwje neelé el ləm, a kɔr ndui gə́ tar wəl ra ne ndòo əsé tamaji mbata lə dee el ləma, a to tam’g pəgə-pəgə mbata lə dee el ləm tɔ, mbata m’a koo ndui el.

Ejekel 14:14

ɓa dəwje gə́ munda nee: Noe, gə Daniel, gə Jɔb d’isi mbuna dee’g kara, deḛ neelé meekarabasur lə dee ɓa d’a kaji ne rɔ dee, Mbaidɔmbaije gə́ Njesigənea̰ ɓa pa bèe.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Malasi 1:9

Ɓasinè lé maji kar sí raje tamaji ta Ala’g lé mba karee oo kəm sí lootondoo’g ya! To seḭ ya ɓa né gə́ togə́bè lé ḭ rɔ sí’g. See yeḛ a kwa sí gə́ rəa’g gə meendakaḭ wa. Njesigənea̰ gə́ njeboo-néje lé ɓa dəji sí togə́bè.

1 Samel 12:19

Yen ŋga koso-dəwje lai d’ula Samel pana: Maji kari ra tamaji ta Njesigənea̰ Ala’g ləi mbata kuraje ləi, gə mba kar sí j’wəije el. Mbata kaiyaje lai gə́ jeḛ n’raje lé jeḛ j’ilaje né gə́ kəm ra el dɔ’g, gə mbata dəji gə́ jeḛ n’dəjije mbai lé.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.

1 Samel 7:8

ndá d’ula Samel pana: No̰ gə́ i aw no̰ ɓar Ala lə sí gə́ Njesigənea̰ mbata lə sí gə mba karee aji sí ji Pilistije’g lé maji kari əw el.