Jeremi 27:10 - Maktub gə́ To gə Kəmee

¹⁰ Mbata deḛ teggin taŋgɔm ɓa d’ar sí gə mba kam m’tuba sí ne mee ɓee’g lə sí m’ɔm sí əw ləm, gə mba kar sí uduje ne ləm tɔ.

Jeremi 27:10 Iomraidhean Croise

Teḛ-Raga 22:18

Nana ɓa gə́ ndal da ndá d’a tɔlee gə́ tɔl ya.

Jeremi 14:14

Ndá Njesigənea̰ ulam pana: Taŋgɔm ɓa njéteggintaje lé teg ne ginta gə ri neḛ, neḛ n’ula dee el ləm, n’un ndu neḛ n’ar dee el ləma, m’pata n’ar dee el ləm tɔ. Némḭdije gə́ ŋgɔm ləm, gə ginta néje gə́ d’a ree gə́ pa kari ba ləma, gə ta sukəmlooje gə́ d’ḭ ne meḛ dee’g ləm tɔ ɓa deḛ tegginee d’ar sí.

Jeremi 23:16

Njesigənea̰ gə́ njeboo-néje pa togə́bè pana: Tugaje mbi sí dɔ taje’g lə njéteggintaje Gə́ d’aw teg d’ar sí lé el. Deḛ ndɔr sí dɔ néje gə́ kari ba ləm, D’ɔr goo némḭdije Gə́ d’ḭ ne meḛ dee-deḛ’g ya d’ar sí ləm tɔ Ɓó to ta gə́ ḭ ta Njesigənea̰’g el.

Jeremi 23:25

Neḛ n’oo ta gə́ njéteggintaje pa teg ne ginta gə taŋgɔm gə ri neḛ pana: Ma m’ni, ma m’ni.

Jeremi 27:14

Njéteggintaje gə́ d’ula sí pana: Mbai gə́ Babilɔn a kwa sí ɓər el lé maji kar sí ooje ta lə dee el. Mbata ginta gə́ deḛ teg d’ar sí lé to taŋgɔm.

Jeremi 27:15

Njesigənea̰ pana: Ma m’ula dee el, nɛ deḛ teggin taŋgɔm gə rim gə mba kam m’tuba sí ne, seḭ gə njéteggintaje gə́ tegginta d’ar sí lé kar sí uduje ne.

Jeremi 27:16

Ma m’ula njékinjanéməsje gə koso-dəwje nee lai m’pana: Njesigənea̰ pa togə́bè pana: Taje lə njéteggintaje lə sí gə́ tegginta d’ar sí pana: Nai lam ndá nékulaje gə́ mee kəi’g lə Njesigənea̰ lé d’a kḭ ne Babilɔn tel ree ne lé maji kar sí ooje el! Mbata to ginta gə́ ŋgɔm ɓa deḛ teg d’ar sí ya.

Jeremi 28:11

Ndá Hanania lé pata kəm koso-dəwje’g lai pana: Njesigənea̰ pata togə́bè pana: Ləb joo gə́ a gə ree lé ndá n’a təd néməməna̰ lə Nebukadnesar, mbai gə́ Babilɔn lé gwɔb ginkoji dəwje gə raŋg’g lai ya. Yen ŋga Jeremi gə́ njetegginta lé ɔd aw.

Jeremi 28:16

Gelee gə́ bèe ɓa Njesigənea̰ pa ne togə́bè pana: Aa oo, neḛ n’tubai dɔ naŋg nee. I a kwəi mee ləb gə́ nee ya. Mbata tapaije ɔs ta lə Njesigənea̰ rəw.

Jeremi 32:31

Mbata ɓee-boo neelé ɓa ɔs gin oŋg ləm, gə meekḭ jugugu ləm tɔ, un kudee mee ndɔ gə́ deḛ tum ne ginee saar teḛ ɓogənè. Yen ɓa m’a gə kɔsee ne nɔm’g rəw gə́ raŋg.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Nɔ̰-ndôo gə́ wɔji dɔ Jerusalem 2:14

Némḭdije gə́ njéteggintaje ləi d’oo lé To néje gə́ kari ba ləm, Gə néje gə́ ŋgɔm ləm tɔ, Mbata deḛ teggin kaiya raije gə́ raga Mba kɔr ne ta ɓər dɔi’g el, Deḛ d’ula sí ta némḭdije gə́ ŋgɔm ləm, Gə sukəmloo ləm tɔ.

Loo gə́ killa rea kəm Daniel’g 4:7

Aa oo, némḭdije gə́ m’oo Loo gə́ m’to dɔ tira-tom’g lé ɓa nee: Ma m’aa loo ndá aa oo, Kag gə́ ŋgal yaa̰ aar dɔ naŋg’d Loo gə́ dana bab.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Tel tura Godndu 18:10

Maji kar dəw kára kara a kar ŋgonee gə́ diŋgam əsé yeḛ gə́ dené dəs dan pər’g el ləm, njénékooje əsé njétən-kéréméje əsé njémbeḛje d’a godo mbuna sí’g ləma,