Jeremi 26:16 - Maktub gə́ To gə Kəmee

¹⁶ Ŋgan-mbaije gə koso-dəwje lai d’ula njékinjanéməsje gə njéteggintaje pana: Dəw neelé kəm karee wəi el. Mbata yeḛ ula sí ta gə ri Ala lə sí gə́ Njesigənea̰ ɓa.

Jeremi 26:16 Iomraidhean Croise

Este 4:14

Mbata ɓó lé i si dɔ mundu lal pata ɓasinè ndá né gə́ a la gə Jibje əsé né gə́ a kɔr dee kɔm dee tar a kḭ loo gə́ raŋg’d ya nɛ i seḭ gə njémeekəije lə bɔbije lé seḭ a kuduje guduru. See na̰ gər wa. Né gə́ a gə teḛ togə́bè lé banelə yee ɓa to gin ree gə́ i ree si ne loo ko̰ɓee’g ɓasinè gə mbəa.

Pakɔsje 94:16

See na̰ ɓa a kuba naŋg kḭ mbata ləm Mba koma̰ gə njémeeyèrje lé wa, Esé see na̰ ɓa a korè dɔm Koma̰ ne gə njéra némajelje lé ɓəi wa.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Jeremi 26:11

Yen ŋga njékinjanéməsje gə njéteggintaje pata togə́bè d’ar ŋgan-mbaije gə koso-dəwje lai pana: Dəw neelé kəm karee wəi ya, mbata yeḛ tegginta ila dɔ ɓee-boo’g neelé to gə́ seḭ ooje gə mbi sí lé ya.

Jeremi 34:10

Ŋgan-mbaije lai ləm, gə koso-dəwje lai ləm tɔ gə́ d’ɔm na̰’d yəg dɔ manrɔ’g neelé d’un ndu dee mba kar dee d’aw ɓó mba kwa dee naŋg gaa-gaa loo kula-ɓər’g el ŋga. Deḛ d’ila koji dɔ ndukun’g neelé ndá d’ya̰ dee d’ar dee d’aw tɔ.

Jeremi 36:19

Ŋgan-mbaije lé d’ula Baruk pana: Maji kari aw ar sí-seḭ gə Jeremi iyaje rɔ sí, arje dəw kára kara gər loo-si sí el.

Jeremi 36:25

Elnatan, gə Delaja, gə Gemaria ra ndòo rɔ mbai’g yaa̰ mba karee roo maktub lé el, nɛ yeḛ un mbia rəw dɔ ta’g lə dee.

Jeremi 37:15

Meḛ ŋgan-mbaije lé ḭ sə dee jugugu dɔ Jeremi’g ar dee kundá tɔɓəi d’ilá kəi-daŋgai’d gə́ to mee kəi’g lə Jonatan njendaji-maktub lé mbata deḛ d’ar kəi ləa to kəi-daŋgai tɔ.

Matiyo 27:54

Ɓé-njérɔje gə deḛ gə́ d’aar səa mba ŋgəm ta Jeju lé loo gə́ deḛ d’oo naŋg gə́ yə ləm, gə néje lai gə́ teḛ togə́bè ləm tɔ ndá ɓəl unda dee badə gaŋg dee ar dee d’ula na̰ pana: Tɔgərɔ, dəw neelé to Ŋgon-Ala lé ya.

Lugu 23:41

Jeḛ səi lé ta gə́ deḛ gaŋg dɔ sí’g lé deḛ gaŋg lée’g ya mbata néra sí ɓa gaŋgta ɔm dɔ sí’g ya, nɛ yeḛ neelé ra né gə́ majel kára kara el.

Lugu 23:47

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.

Néra Njékaḭkulaje 23:29

Ma m’oo to gə́ tamaḭ gə́ wɔji dɔ godndu lə dee-deḛ ɓa deḛ səgee ne nɛ m’oo to gə́ yeḛ ra gə́ as yée əsé kwa daŋgai el.

Néra Njékaḭkulaje 23:9

Yen ŋga d’unda bula yi-yi d’ar njéndaji-maktubje gə́ na̰je gə́ d’ḭ ɓee lə Parisiḛje d’uba naŋg d’ḭ d’ɔs gin tamaḭ gə́ kédé-kédé pana: Dəw neelé jeḛ j’oo ta gə́ majel kára kara dəa’g bèe el. Banelə ndil əsé kura gə́ dara ɓa ulá ta ya.

Néra Njékaḭkulaje 25:25

Ma lé m’oo né kára gə́ yeḛ ra gə́ as yée el tɔɓəi to gə́ yeḛ nja kara ɓar mbai ndá ma m’wɔji-kwɔji gə mba karee aw iŋgá ya tɔ.