Jeremi 26:12 - Maktub gə́ To gə Kəmee

¹² Nɛ Jeremi ula ŋgan-mbaije lai ləm, gə koso-dəwje lai ləm tɔ pana: Njesigənea̰ ulam mba karm m’teg gintaje ne lai gə́ seḭ ooje gə́ m’ila dɔ kəi’g neelé ləm, gə dɔ ɓee-boo’g neelé ləm tɔ.

Jeremi 26:12 Iomraidhean Croise

Jeremi 26:15

Nɛ ooje maji, ɓó lé seḭ tɔlmje ndá seḭ taaje məs yeḛ gə́ ta wa dəa el lé ilaje dɔ sí-seḭ’g ya ləm, gə dɔ ɓee-boo’g nee ləma, gə dɔ njé gə́ d’isi keneŋ ləm tɔ, mbata tɔgərɔ ya, Njesigənea̰ ulam rɔ sí’g mba karm m’ila taje lai neelé mbi sí’g ya.

Jeremi 26:2

Njesigənea̰ pa togə́bè pana: Aw aar tar gad-kəi’g lə Njesigənea̰’g ndá ula deḛ gə́ d’ḭ ɓee-booje lai gə́ Juda ree d’unda barmba mee kəi’g lə Njesigənea̰ lé taje lai gə́ m’un ndum mba kari ula dee lé, a kya̰ rɔta kára kara el.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Amɔs 3:8

Toboḭ no̰ ndá see na̰ ɓa a ɓəl el wa. Mbaidɔmbaije gə́ Njesigənea̰ ɓa pata Ndá see na̰ ɓa a lal tegginee wa.

Néra Njékaḭkulaje 4:19

Piɛrə gə Ja̰ tel d’ila dee keneŋ pana: Ǝ̰jije maji ooje no̰ Ala’g ɓasinè ɓa, see ra torndu sí-seḭ ŋga ɓa maji unda ra ka̰ Ala wa.

Néra Njékaḭkulaje 5:29

Piɛrə gə njékaḭkulaje d’ila dee keneŋ pana: Lé riri kara kila koji dɔ Ala’g lé ɓa maji ur dɔ ka̰ dəwje’g.