Jeremi 25:5 - Maktub gə́ To gə Kəmee

⁵ Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 25:5 Iomraidhean Croise

Gḭ-Néje 17:8

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Pakɔsje 139:24

Aa loo oo ɓó lé m’aw rəw gə́ majel’g ndá Ɔr nɔm dan rəw gə́ to gə no̰’g.

Pakɔsje 37:27

Maji kari unda rɔi ɓad dɔ néra gə́ majel’g ndá Ra né gə́ maji, Bèe ɓa i a kiŋga ne loo-sii saar gə no̰.

Esai 1:16

Togoje rɔ sí, Gə mba kàr ne ŋgad-ŋgad, Néra sí gə́ majel lé Ɔrje kəm’d gə́ gogo, Ǝwje rɔ sí raje né gə́ majel.

Jeremi 17:25

mbaije gə ŋgan-mbaije gə́ d’isi dɔ kalimbai’g lə Dabid lé d’a si mee pusu-rɔje’g ləm, d’a tuba kundaje ləm tɔ ɓa mba kandə ne tarəwkɔgje’g lə ɓee-boo neelé deḛ ləm, gə ŋgan-mbaije lə dee ləm, gə dəwje gə́ Juda gə njé gə́ Jerusalem ləm tɔ lé ndá ɓee-boo neelé d’a si keneŋ saar gə no̰.

Jeremi 18:11

Ɓasinè, maji kam m’pata m’ar dəwje gə́ Juda ləm, gə deḛ gə́ d’isi Jerusalem ləm tɔ pana: Njesigənea̰ pa togə́bè pana: Aa ooje, neḛ n’wa dɔ gɔl némeeko̰ mba ra sə sí ləm, neḛ n’la̰ji ta né mba ra sə sí ləm tɔ. Maji kar sí gɔlje rəw-kaw sí ləm, gə kula ra sí ləm tɔ.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Jeremi 7:7

m’a kya̰ sí kar sí síje lée’g neelé mee ɓee gə́ ma m’ar bɔ síje-je kédé par-par saar gə no̰ lé.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.