Jeremi 25:11 - Maktub gə́ To gə Kəmee

¹¹ Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 25:11 Iomraidhean Croise

2 Sôrta Gḭka Israɛlje 36:20

Deḛ gə́ teḛ ta kiambas’g lé Nebukadnesar wa dee aw sə dee Babilɔn. Deḛ d’ula sul dɔ dee’g nea̰-yeḛ’g ləm, gə no̰ ŋganeeje’g ləm tɔ saar mee ndəa gə́ Persəje taa ne ɓeeko̰ lé

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Jeremi 25:12

Nɛ loo gə́ rudu ləbje gə́ rɔ-siri lé a kun ɗiao mba̰ ndá n’a kar mbo̰ néra mbai gə́ Babilɔn gə ginkoji dəwje neelé ɔs ta dee’g gə mbata néra deeje gə́ yèr. Tɔɓəi n’a kar bo̰ néra Kaldeje ɔs ta dee’g ndá n’a kar ɓee lə dee tel to dɔ nduba saar gə no̰. Njesigənea̰ ɓa pa bèe.

Jeremi 25:38

Yeḛ uba loo-siée ya̰ To gə́ ŋgon toboḭ gə́ uba loo-tée ya̰ bèe. Mbata ɓee lə dee tel dɔ dɔdilaloo Gə goo meekḭ jugugu Gə oŋg-boo lə njetujiloo lé.

Jeremi 27:22

D’a kaw ne Babilɔn ndá d’a to keneŋ saar ndɔ gə́ m’a kaw saŋg dee gə mba kar dee tel ree ne lée’g neelé. Njesigənea̰ ɓa pa bèe.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Jeremi 28:14

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: Ma m’ila néməməna̰ gə́ to larndul gwɔb ginkoji dəwje gə raŋg’g neelé lai mba kar dee d’oso ne gel Nebukadnesar, mbai gə́ Babilɔn’g ndá d’a koso gelee’g ya, daje gə́ wala kara m’aree tɔ.

Jeremi 29:10

Nɛ aa ooje, ta gə́ Njesigənea̰ pa ɓa nee: Loo gə́ ləb gə́ rɔ-siri gə́ wɔji dɔ Babilɔn a dəs mba̰ ndá m’a kar məəm olé dɔ sí’g ləm, m’a kar tagə́maji ləm gə́ m’pa m’wɔji ne dɔ sí lé aw lée’g béréré mba tel sə sí lée’g neelé gogo ləm tɔ.

Jeremi 4:26

M’aa loo ndá aa oo, Dɔ mbal gə́ Karmel tel to dɔdilaloo, Ɓee-booje lai tuji no̰ Njesigənea̰’g No̰ boo-oŋg’d ləa.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 43:10

Ndá a kula Judaje pana: Njesigənea̰ gə́ njeboo-néje gə́ to Ala lə Israɛlje lé pa togə́bè pana: Aa ooje, m’a kula kula ɓar Nebukadnesar, mbai gə́ Babilɔn gə́ to kura ləm ndá m’a kunda kalimbai ləa dɔ kɔri-mbalje gə́ iya dee lé ndá yeḛ a kila ragaa ləa dɔ dee’g.

Jeremi 44:22

Njesigənea̰ askəm kila mée gə́ kédé-kédé el mbata néra meeyèrje lə sí ləm, gə mbata néraje gə́ mina̰ gə́ seḭ raje lé ləm tɔ. Yee ɓa ɓee lə sí tuji ne pugudu ləm, tel to ne dɔ nduba ləma, tel to ne nékila ndɔl dɔ’g ləm tɔ, to gə́ dəwje lai d’oo ne ɓogənè lé.

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 29:11

Dəw kára kara a kila gɔlee keneŋ el ləm, da kára kara a kila gɔlee keneŋ el ləm tɔ. A to bèe ya lal kar dəw si keneŋ as ləb rɔ-sɔ.

Ejekel 6:14

N’a kula ji neḛ ndiŋ gə́ dɔ dee’g ndá n’a kar ɓee to kari ba péd-péd ləm, a tel to dɔ nduba unda dɔdilaloo gə́ Dibla ləm tɔ. Looje gə́ rara gə́ deḛ d’isi keneŋ lé a to bèe ya. Yee ɓa d’a gər ne to gə́ neḛ n’to Njesigənea̰ ya.

Loo gə́ killa rea kəm Daniel’g 9:2

ləb ko̰ɓee ləa gə́ dɔtar lé ma Daniel, m’oo gə goo maktubje gə́ m’tura to gə́ ləbje d’a dəs rɔ-siri dɔ tujije lə ɓee gə́ Jerusalem gə goo bula lə ləbje gə́ Njesigənea̰ pa taree ar Jeremi, njetegginta lé.

Ləbije 26:32

M’a kar ɓee lə sí tel to dɔ nduba mba kar njéba̰je lə sí gə́ d’a ree sí keneŋ lé kara kaar dee a kwa dee ne paḭ kar dee d’isi ne jim tɔ.

Misee 7:13

Ges ɓee gə́ nai lé a tel to dɔdilaloo Mbata dəwje gə́ d’isi keneŋ Mbata lə kandə néra gə́ yèr lə dee lé.

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Jakari 7:5

Maji kam m’ula koso-dəwje gə njékinjanéməsje lai gə́ mee ɓee’g lé m’pana: Loo gə́ seḭ ɔgje meḛ sí ɓó ləm, gə no̰je ləm tɔ Mee naḭ gə́ njekɔm’g mi gə njekɔm’g siri ləm tɔ As ləbje rɔ-siri lé See to mbata lə neḛ-neḛ nja ɓa Seḭ ɔgje ne meḛ sí ɓó gə mbəa lé wa.