Jeremi 24:8 - Maktub gə́ To gə Kəmee

⁸ M’a kar Sedesias, mbai gə́ Juda ləm, gə ŋgan-mbaije ləa ləm, gə ges dəwje gə́ Jerusalem ləm, gə njé gə́ nai mee ɓee’g nee ləma, gə njé gə́ d’isi mee ɓee gə́ Ejiptə ləm tɔ lé tel to d’asəna gə kandə kodéje gə́ majel gə́ kəm sɔ el mbata majel lə dee lé bèe. Njesigənea̰ ɓa pa bèe.

Jeremi 24:8 Iomraidhean Croise

1 Sôrta Gḭka-Israɛlje 3:15

Ŋgalə Jojias ɓa ri dee to nee: Ŋgondəree to Jokana, njekɔm’g joo to Jojakim, njekɔm’g munda to Sedesias, njekɔm’g sɔ to Salum.

Jeremi 13:7

M’aw ta baa gə́ Epratə lé m’saŋg ndá m’un ndar lé loo gə́ m’iya keneŋ lé ya, nɛ aa oo, ndar lé tuji ɓó to kəm ra ne né kára el.

Jeremi 21:10

Mbata neḛ n’orè kəm neḛ sḭ dɔ ɓee-boo’g neelé mba ra səa majel ɓó maji ɓa el, Njesigənea̰ ɓa pa bèe. Ɓee-boo neelé a koso meḛ ji mbai gə́ Babilɔn’g karee rée dula-dula.

Jeremi 24:2

Kandə kodéje gə́ to mee karè gə́ dɔtar lé maji yaa̰ to gə́ kandə kodéje gə́ d’inja doŋgɔr bèe nɛ kandə kodéje gə́ to mee karè gə́ njekɔm’g joo lé majel kəm sɔ el mbata majel yaa̰.

Jeremi 24:5

Njesigənea̰, Ala lə Israɛlje pa togə́bè pana: To gə́ i ɔr kəm kandə kodéje gə́ maji bèe lé ma kara m’a kɔr kəm Judaje gə́ m’ar dee d’aw ɓee-ɓər gə́ Kalde lé gə mba ra sə dee maji togə́bè tɔ.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 37:17

Mbai Sedesias ula kula ɓaree aree ree dəjee ta gə́ mee kəi’g ləa gə goo ŋgəḭ pana: See Njesigənea̰ pata kára wɔji ne dɔm-ma wa. Jeremi tel ilá keneŋ pana: Oiyo. Tɔɓəi yeḛ ila ta gə́ raŋg keneŋ pana: I ya d’a kilai ji mbai gə́ Babilɔn’g.

Jeremi 43:1

Loo gə́ Jeremi tɔl ŋgaŋ kula koso-dəwje lai taje lə Njesigənea̰ Ala lə deḛ gə́ ulá mba karee ula dee lé bém, to taje lai nee gə́ Njesigənea̰, Ala lə dee ɔm tea’g lé ya

Jeremi 44:1

Ta gə́ oso mbi Jeremi’g wɔji dɔ Judaje lai gə́ d’isi mee ɓee gə́ Ejiptə, mee ɓee-booje gə́ Migdɔl, gə Tapanɛs, gə Nop, gə mee ɓee gə́ Patros ləm tɔ lé ɓa nee: