Jeremi 24:1 - Maktub gə́ To gə Kəmee

¹ Loo gə́ Nebukadnesar, mbai gə́ Babilɔn wa Jekonia, ŋgolə Jojakim, mbai gə́ Juda ləm, gə ŋgan-mbaije gə́ Juda ləma, gə njéra-kula-kagje gə njéra lar-kudu-ta-néje ləm tɔ mee ɓee gə́ Jerusalem aw sə dee Babilɔn mba̰ ndá, Njesigənea̰ am m’oo kandə kodéje mee karèje joo gə́ d’unda takəi’g lə Njesigənea̰.

Jeremi 24:1 Iomraidhean Croise

2 Mbaije 24:10

Mee ndəa’g neelé kuraje lə Nebukadnesar, mbai gə́ Babilɔn d’ɔr rɔ ree rɔ gə njé gə́ Jerusalem d’aḭ ne dəa sub ya.

2 Sôrta Gḭka Israɛlje 36:10

Ləb gə́ gogo ndá mbai Nebukadnesar wá ləm, yeḛ odo nékulaje gə́ gad dee to yaa̰ gə́ to mee kəi’g lə Njesigənea̰ ləm tɔ lé aw ne Babilɔn.

Esai 13:1

Ndərta gə́ inja kəm Esai, ŋgolə Amots’g aree oo gə́ wɔji ne dɔ Babilɔnje e.

Jeremi 13:19

Ɓee-booje gə́ to gə́ kel dɔkɔl lé D’udu ta dee jigi-jigi ndá Dəw kára kara gə́ njekɔr ta dee godo, Judaje lai lé d’aw sə dee ɓee-ɓər’g, D’aw sə dee gə gel dee ɓɔgədɔ ya ɓee-ɓər’g.

Jeremi 27:20

gə́ Nebukadnesar, mbai gə́ Babilɔn taa el, loo gə́ yeḛ wa Jekonia, ŋgolə Jojakim, mbai gə́ Juda ləm, gə dəwje gə́ boo-boo lai gə́ Juda gə Jerusalem ləm tɔ ɓər aw sə dee Babilɔn lé.

Jeremi 28:4

Tɔɓəi Njesigənea̰ pana: N’a kar Jekonia, ŋgolə Jojakim, mbai gə́ Juda gə dəwje lai gə́ Juda gə́ d’wa dee ɓər d’aw sə dee Babilɔn lé tel ree lée’g neelé tɔ. Mbata n’a gə təd néməməna̰ lə mbai gə́ Babilɔn kərm-kərm ya.

Jeremi 29:1

Aa ooje, taje gə́ Jeremi, njetegginta gə́ si Jerusalem lé ndaŋg ula ne ar ges njé gə́ tɔgje gə́ d’wa dee ɓər ləm, gə njékinjanéməsje ləm, gə njéteggintaje ləma, gə koso-dəwje lai gə́ Nebukadnesar wa dee ɓər Jerusalem aw sə dee Babilɔn ləm tɔ,

Jeremi 29:2

loo gə́ Jekonia, mbai ləm, gə kea̰je ləm, gə njéko̰ɓeeje ləm, gə mbaije gə́ Juda gə Jerusalem ləma, gə njéra-kula-kagje gə njéra lar-kudu-takəije ləm tɔ lé d’unda loo mee ɓee gə́ Jerusalem teḛ mba̰ lé.

Jeremi 37:1

Sedesias, ŋgolə Jojias o̰ ɓee tor Jekonia, ŋgolə Jojakim’g. Nebu kadnesar, mbai gə́ babylɔnə ɓa undá gə́ mbai gə́ Juda lé.

Ejekel 17:4

Yeḛ təd barkəmee gə́ dəa ŋgal unda mareeje aw ne ɓee lə njételkəmlarje aw ila mee ɓee-boo’g lə njérab néndogoje.

Ejekel 19:9

Deḛ d’ula niŋga əmee’g d’ilá mee sa̰duk’g D’aw səa rɔ mbai gə́ Babilɔn’g, Tɔɓəi deḛ d’aw səa gadloo-kaar-kɔgərɔ’g Mba kar dəw oo ndia dɔ mbalje’g lə Israɛl gogo el ŋga.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Amɔs 7:1

Némḭdi gə́ Mbaidɔmbaije gə́ Njesigənea̰ tɔjim am m’oo ɓa nee: Aa ooje, yeḛ ra beedéje gə́ bula dèm-dèm loo gə́ barkəmko uba gogo sigi lé, to da-kó gə́ uba goo kó gə́ d’inja d’ar mbai kédé lé.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Amɔs 7:7

Némḭdi gə́ raŋg gə́ yeḛ tɔjim am m’oo ɓa nee: Aa ooje, Mbaidɔmbaije aar tar dɔ ndògo-bɔrɔ’d gə́ d’wɔjee gə kúla ndá né-kwɔji-né to jia’g.

Jakari 3:1

Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g.