Jeremi 23:9 - Maktub gə́ To gə Kəmee

⁹ Ta gə́ wɔji dɔ njéteggintaje. Dɔ ɓəŋgərəm gə́ kəi ndiri njigi-njigi Ar siŋgarɔmje lai d’unda bala, Ma m’to asəna gə dəw Gə́ mán-nduú gə́ mḭ tɔlee Tɔsee naŋg bèe Gə mbata lə Njesigənea̰ ləm, Gə Mbata taje ləa gə́ to gə kəmee ləm tɔ.

Jeremi 23:9 Iomraidhean Croise

Pakɔsje 60:3

Ǝi Ala, i nja ɔs sí rəw ar sí n’sané ne kad I nja ar oŋg ləi ḭ səi, Maji kari tel un sí ur sí tar gogo!

Pakɔsje 69:20

I lé gər taji gə́ deḛ tajim ləm, Gə rɔkul gə kəm sɔḭ gə́ m’isi danee’g gao ya ləm tɔ, Njéba̰je ləm lai lé kara d’aar nɔḭ’g.

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 51:21

Gelee gə́ nee ɓa maji kar sí ooje ta nee, Seḭ njénékəmndooje, Seḭ gə́ awje jogè-jogè nɛ to nékai gə́ mḭ ɓa ra sí el!

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Jeremi 20:9

Ɓó lé m’pa məəm’g pana: M’a pata ləa el ŋga ləm, M’a pata ləa gə ria el ŋga ləm tɔ ndá Ta ləa o̰ məəm to gə́ pər bèe Mbuna siŋgarɔmje’g. Ma m’wa rɔm kɔgərɔ Gə mba kudee məəm’g nɛ lé godo.

Jeremi 36:16

Loo gə́ dee d’oo taje lai gə́ yeḛ tura lé ndá deḛ d’aa kəm na̰ kɔbərɔ-kɔbərɔ gə ɓəl, tɔɓəi d’ula Baruk pana: Jeḛ lé j’a ndajije taje nee lai kar mbai lé oo.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 8:18

Ma m’ndiŋga rɔm Gə mba kar meeko̰ ləm tel kul lɔm, Dɔ ɓəŋgərəm ndiri njigi-njigi.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Nɔ̰-ndôo gə́ wɔji dɔ Jerusalem 3:15

Yeḛ ar meekad taa məəm pəl-pəl ləm, Yeḛ am m’ai ta-a M’aree tɔlm ləm tɔ.

Ejekel 13:3

Mbaidɔmbaije gə́ Njesigənea̰ pa togə́bè pana: Meeko̰ a koso dɔ njéteggintaje gə́ to mbəje, deḛ gə́ ndolè goo ta gə́ to meḛ dee-deḛ’g ɓó d’oo ne né kára kara el!

Ejekel 9:4

Njesigənea̰ ulá pana: Aw dan mee ɓee-boo’d gə́ Jerusalem, aw tɔs né ŋgono̰ dəwje gə́ meḛ dee tila ŋgaḭla-ŋgaḭla’g ar deḛ tuma̰ ŋgururu-ŋgururu mbata néje gə́ mina̰ lai gə́ ra mee ɓee-boo’g neelé.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Loo gə́ killa rea kəm Daniel’g 8:27

Ma Daniel, siŋgam godo am m’to rɔko̰ as ndɔ bula bəl. Ndá gée gə́ gogo ɓa m’ḭta m’ra kula lə mbai lé ɓəi. Némḭdi gə́ m’oo lé ar kaarm wam paḭ tɔɓəi dəw kára kara gər gelee el tɔ.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Njé gə́ Rɔmə 7:9

Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.