Jeremi 23:5 - Maktub gə́ To gə Kəmee

⁵ Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 23:5 Iomraidhean Croise

2 Samel 23:3

Ala lə Israɛlje pata, Biri mbal lə Israɛlje ulam ta pana: Yeḛ gə́ o̰ ɓee dɔ dəwje’g gə goo rəbee ləm, Yeḛ gə́ ɓəl Ala loo ko̰ɓee’g ləa ləm tɔ lé

Pakɔsje 45:4

I bao-rɔ lé maji kari tɔ kiambas ləi ɓəri’g ləm, Ula kubu-ɗɔi-rɔ gə rɔnduba rɔi’g ləm tɔ.

Pakɔsje 80:15

Ala gə́ njeboo-néje, maji kari tel ree ɓa, I gə́ si mee dara gə́ tar lé Maji kari ila kəmi oo ɓó gə taa dɔ nduú neelé.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 42:6

Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Esai 52:13

Aa ooje, kura ləm a teḛkɔr, Yeḛ a si tar ɗaŋg ləm, A kiŋga riɓar ləma, A kur dɔ loo’g ləm tɔ.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 53:2

Yeḛ ra tɔg nea̰’g to gə́ ŋgon kag gə́ reao̰ ba ləm, Asəna gə barkəm kag gə́ uba dɔ naŋg gə́ tudu kurum-kurum’g ləm tɔ. Yeḛ ra kura el ləm, Panjaa ləa kara askəm kar kəm sí mbo̰ sɔmɔmo̰ dəa’g el ləma, Rɔndɔḭ ləa as taa kəm sí rəgm el ləm tɔ.

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 22:15

See i o̰ ɓee Mbata mal kag-sɛdrəje gə́ wa məəi wa. See bɔbi sɔ né gə ai né el wa. Nɛ yeḛ nja gaŋg rəwta gə goo rəbee ləm, Gə dɔ najee ləm tɔ Ndá yeḛ si ne dan rɔlel’g.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Jeremi 30:3

Njesigənea̰ pana: Aa ooje, ndɔje gə́ d’a gə ree lé m’a tel gə koso-dəwje ləm gə́ Israɛl gə Judaje gə́ d’aw ɓee-ɓər’g lé ree sə dee. Njesigənea̰ ɓa pa bèe. M’a tel ree sə dee mee ɓee gə́ m’ar bɔ deeje-je lé ndá a to ka̰ dee-deḛ ya.

Jeremi 30:9

D’a ra kula kar Njesigənea̰, Ala lə dee ləm, d’a kar Dabid, mbai lə dee gə́ m’a karee ḭ mbuna dee’g ləm tɔ.

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Ejekel 21:27

Né gə́ to asəna gə téḛ bèe gə́ to jikɔlee’g lé wɔji dɔ Jerusalem loo gə́ kəm ra njor ləm, kwɔji loo tɔl dəwje mburug-mburug ləma, gə kur kò-rɔ keneŋ ləm tɔ. D’a ra njor mba tɔs ne tarəwkɔgje ləm, d’a ra kəi-kumje ləma, d’a kuba dɔndalje ləm tɔ.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Ejekel 34:29

N’a kar dee loo-ndɔ gə́ maji kó gə́ ria ɓar, ɓoo a tɔl dee mee ɓee’g neelé el ŋga ləm, ginkoji dəwje gə raŋg gə́ raŋg d’a kɔm rɔkul-boo dɔ dee’g el ŋga ləm tɔ.

Ejekel 45:8

Yee ɓa a to dɔ naŋg ləa, a to kea̰-yeḛ mee ɓee gə́ Israɛl, togə́bè ɓa mbaije lə neḛ gə́ njéɓeeje d’a kula kəm koso-dəwje lə neḛ ndòo el ŋga nɛ d’a kya̰ ɓee kar gel-bɔje lə Israɛl gə goo ginkoji lə dee lə dee.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Misee 5:3

Yeḛ a kḭ ta ndá A kul badə-kosoje ləa gə siŋgamoŋ lə Njesigənea̰ ləm, Gə rɔnduba lə ri Njesigənea̰, Ala ləa ləm tɔ! D’a kiŋga loo-si dee gə́ d’a si ne gə meekulɔm, Mbata d’a kula rɔnduba dəa’g saar kɔr rudu naŋg nee njal.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 2:2

Deḛ dəji pana: Mbai lə Jibje gə́ d’ojee lé see to loo gə́ ra wa. Mbata jeḛ j’oo kérèmé ləa bər ndá jeḛ n’ree mba kwá meḛ sí’g.

Tagə́maji gə́ Ja̰ ndang 1:45

Pilibə lé iŋga Natanaɛl ndá ulá pana: Jeḛ lé j’iŋga yeḛ gə́ Moyis ndaŋg ta ləa mee maktub godndu’g ləm, njéteggintaje d’ɔr ta ləa ləm tɔ, to Jeju gə́ Najaret, ŋgolə Jisəb lé nja.

Tagə́maji gə́ Ja̰ ndang 1:49

Natanaɛl tel ilá keneŋ pana: Rabi, i lé to Ŋgon-Ala nja, i to mbai lə Israɛlje nja tɔ.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

Ǝbrəje 8:8

Mbata Mbaidɔmbaije oo Israɛlje gə́ njétareeje ɓa yeḛ ula dee pana: Aa ooje, mee ndəa gə́ kàree a gə teḛ lé M’a man rɔm sigi kar ɓee lə Israɛl gə ɓee lə Juda lé Mbaidɔmbaije ɓa pa bèe.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.