Jeremi 23:4 - Maktub gə́ To gə Kəmee

⁴ M’a kunda njékulbadje dɔ dee’g kar dee d’ul dee. Deḛ d’a ɓəl el ŋga ləm, d’a ndəb pəd-pəd el ŋga ləma, yeḛ gə́ kára kara a kigi el ləm tɔ. Njesigənea̰ ɓa pa bèe.

Jeremi 23:4 Iomraidhean Croise

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 31:10

Seḭ ginkoji dəwje gə raŋg, Ooje ta lə Njesigənea̰, Ndá ilaje mberee dɔgoré-looje Gə́ əw lé pajena: Yeḛ gə́ sané Israɛlje kédé lé A tel mbo̰ dee dɔ na̰’d Ndá yeḛ a kaa dɔ dee to gə́ njekulbadje Aa ne dɔ koso-badje ləa bèe.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Ejekel 36:11

N’a kar bula lə dəwje gə daje ḭ dɔ maree’d gə́ kédé-kédé, d’a bula gə́ kédé-kédé ləm, d’a koji na̰ gə́ kédé-kédé ləm tɔ, neḛ ndigi kar dəwje d’isi mee ɓee’g neelé to gə́ d’isi keneŋ kédé ndá n’a ra sə sí meemaji unda nje gə́ kédé tɔ, bèe ɓa seḭ a gərje ne to gə́ neḛ n’to Njesigənea̰ ya.

Ləbije 26:9

M’a ra sə sí meemaji kar sí ojije ŋganje bula ləm, kar bula lə sí ḭ ne dɔ maree’g gə́ kédé-kédé ləma, m’a kar manrɔ ləm tɔ njaŋg gə mbata lə sí ləm tɔ.

Misee 4:4

Deḛ kára-kára lai lé nana kara a si gel kag-nduú’g ləa gə gel kag-kodé’g ləa-ləa ləm, Dəw kára kara gə́ a kɔm ɓəl dɔ dee’g a godo ləm tɔ, Mbata Njesigənea̰ gə́ njeboo-néje ɓa pa bèe.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Soponi 3:13

Ges Israɛlje gə́ nai lé D’a ra né gə́ kori-kori el ŋga ləm, D’a pata ŋgɔm el ləma, Dəw a kiŋga ta sukəmloo ta dee’g el ləm tɔ, Nɛ d’a kul rɔ dee ləm, d’a kwa rɔ dee ləm tɔ Ndá dəw kára kara a kɔm ɓəl dɔ dee’g el.

Bula lə Israɛlje 31:49

d’ulá pana: Jeḛ gə́ n’toje kuraje ləi lé n’turaje njérɔje gə́ d’isi gel sí’g ndá dəw kára kara dan sí’g nai raŋg el.

Tagə́maji gə́ Ja̰ ndang 17:12

Loo gə́ ma m’nai sə dee dɔ naŋg nee ɓəi lé ma m’ŋgəm dee gə rii nja. Deḛ gə́ i am dee lé ma m’ŋgəm dee m’ar dəw kára kara ndəm igi el nɛ ŋgon lə njetuji ɓa igi gə mba kar ta gə́ ndaŋg mee maktub gə́ to gə kəmee lé aw ne lée’g béréré ya.

Tagə́maji gə́ Ja̰ ndang 18:9

Yeḛ pa togə́bè mba kar ta gə́ yeḛ pa kédé lé aw ne lée’g béréré mbata yeḛ pana: Deḛ gə́ i am dee lé m’ar dəw kára kara mbuna dee’g igi el.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.