Jeremi 23:39 - Maktub gə́ To gə Kəmee

³⁹ Gelee gə́ nee ɓa, aa ooje, n’a kar mee neḛ wəi dɔ sí’g ləm, n’a mbad sí-seḭ gə ɓee-boo gə́ n’ar sí gə n’ar bɔ síje-je ləma, n’a kɔm sí əw no̰ neḛ’g ləm tɔ.

Jeremi 23:39 Iomraidhean Croise

Gḭ-Néje 4:16

Yen ŋga Kaḭ saa rəa aw əw gə Njesigənea̰ ndá yeḛ ra ɓee dɔ naŋg gə́ Nod mbɔr Edḛ gə́ bər lé.

Gḭ-Néje 6:17

Ma nja m’a kar mán bélm ree taa loo pəl-pəl dɔ naŋg nee gə mba tuji nékundaje lai gə́ d’aw kəmba gin dara’g lé, néje lai-lai gə́ dɔ naŋg nee lé d’a tuji ya.

2 Mbaije 23:27

Bèe ɓa Njesigənea̰ pana: Judaje kara m’a kɔr dee nɔm’d gə́ raŋg to gə́ m’ɔr ne Israɛlje bèe tɔ. Tɔɓəi m’a kuba Jerusalem gə́ to ɓee-boo gə́ m’ɔree kəm’g lé kya̰ ləm, kəi gə́ m’pana: Yee ɓa rim a ɓar keneŋ lé kara m’a kuba kya̰ ləm tɔ.

Pakɔsje 51:11

Maji kari un kəmi dɔ kaiya ramje’g rəw ləm, Tuji néra kori-korije ləm lai ləm tɔ.

Gosota-Kəmkàrje 13:13

Yeḛ gə́ oo ta gə́ né el lé Tuji rəa, Nɛ yeḛ gə́ ɓəl godndu lé A kiŋga nédɔjia.

Esai 48:15

To ma ɓa m’pata ndá M’ɓaree ne m’aree ree ləm, M’ar kula ləa teḛkɔr ya ləm tɔ.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Jeremi 12:7

M’a m’uba kəi ləm m’ya̰ ləm, Ma m’uba nédɔji ləm kara m’ya̰ ləma, M’uba yeḛ gə́ m’undá dan kəm’g lé M’yá̰ ji njéba̰je’g ləa ləm tɔ.

Jeremi 23:33

Ɓó lé koso-dəwje nee əsé njetegginta kára əsé njekinjanéməs kára ree dəjii pana: See ɗi ɓa gə́ ndərta gə́ Njesigənea̰ pa wa. Ndá i a kilá’g pana: Ndərta gə́ Njesigənea̰ pa lé ɓa nee: Njesigənea̰ pana: N’a gə mbad sí ya.

Jeremi 23:38

Nɛ ɓó lé seḭ pajena: Ndərta lə Njesigənea̰ to nékodo gə́ wɔi ya ɓəi ndá aa ooje, ta gə́ Njesigənea̰ pa ɓa to nee: To gə́ seḭ paje pana: Ndərta lə Njesigənea̰ to nékodo gə́ wɔi nɛ neḛ n’ulá rɔ sí’g mba kula sí ne pana: Seḭ a paje pana: Ndərta lə Njesigənea̰ to nékodo gə́ wɔi lé a paje bèe el ndá

Jeremi 35:17

Gelee gə́ nee ɓa Njesigənea̰, Ala gə́ njeboo-néje gə́ to Ala lə Israɛlje pa ne togə́bè pana: Aa ooje, m’a kar némeekonje lai gə́ m’ila mberee m’wɔji ne dɔ Judaje gə dɔ njé gə́ Jerusalem lé teḛ dɔ dee’g mbata ma m’ula dee ta nɛ deḛ d’un mbi dee dɔ’g ləm, m’ɓar dee kara deḛ ndigi tam’g el ləm tɔ.

Jeremi 36:31

M’a kar bo̰ nérea ɔs təa’g gə ta ŋgakeaje’g gə ta kuraje’g ləa mbata néra kori-korije lə dee lé ndá m’a kar némeekonje lai gə́ ma m’ndəji dee ne nɛ deḛ d’oo ta ləm el lé teḛ dɔ dee’g ləm, gə dɔ njé gə́ Jerusalem’g ləma, gə dɔ dəwje gə́ Juda’g ləm tɔ.

Jeremi 52:3

Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g. Yen ŋga Sedesias ḭ ɔs mbai gə́ Babilɔn rəw.

Jeremi 7:14

kəi gə́ rim ɓar dɔ’g gə́ seḭ ɔmje meḛ sí dɔ’g lé ləm, gə loo gə́ m’ar sí-seḭ gə bɔ síje-je ləm tɔ lé m’a ra sə dee né to gə́ ma m’ra ne gə Silo bèe ya tɔ.

Jeremi 7:15

Ndá m’a tuba sí no̰m’g kɔm sí əw to gə́ m’tuba ne ŋgako̰ síje, deḛ lai gə́ to gə́ ginka’g lə Eprayim lé.

Nɔ̰-ndôo gə́ wɔji dɔ Jerusalem 5:20

See gelee ban ɓa i a kar məəi wəi dɔ sí’g ləm, A kuba sí kya̰ sí gə no̰ ləm tɔ wa.

Ejekel 34:11

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ nja n’a koo goo dəwje lə neḛ ləm, neḛ nja n’a tɔs kəm neḛ dɔ dee’g ləm tɔ.

Ejekel 34:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a gə gaŋg rəwta mbuna badə gə́ rəa to ndəb-ndəb gə badə gə́ əŋ kəŋ-kəŋ’d.

Ejekel 5:8

ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Ejekel 6:3

M’a pana: Seḭ gə́ síje dɔ mbalje gə́ Israɛl’g lé, ooje ta lə Mbaidɔmbaije gə́ Njesigənea̰! Mbaidɔmbaije gə́ Njesigənea̰ Ala lé pata togə́bè ar deḛ gə́ d’isi dɔ mbalje’g gə dɔdərlooje’g gə kəm kila-rəw-ma̰je’g gə wəl-looje’g pana: Aa ooje, n’a gə kila rɔ dɔ sí’g ləm, n’a tuji dɔ looje lə sí gə́ ndəw ləm tɔ.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.