Jeremi 23:32 - Maktub gə́ To gə Kəmee

³² Njesigənea̰ pana: Aa ooje, njéteggin ni-ŋgɔmje gə́ d’ɔr gée d’ar koso-dəwje lə neḛ ndəm ne gə goo taŋgɔmje gə́ lel ta dee’g lé neḛ n’aw sə dee gə ta, Njesigənea̰ ɓa pa bèe. Neḛ n’ula dee el ləm, n’un ndu neḛ n’ar dee el ləma, maji dee gə́ tḛ́ bèe ya kara to mba koso-dəwje el ləm tɔ.

Jeremi 23:32 Iomraidhean Croise

Maktub gə́ wɔji dɔ Jɔb 13:4

Seḭ lé taŋgɔm ɓa gə́ takə̰ji lə sí ləm, Seḭ lai lé toje njékuma̰ kaji rɔje gə́ gə mḭdé ba ləm tɔ.

Esai 3:12

Ŋganje ɓa to njékula kəm koso-dəwje ləm ndòo ləm, Denéje ɓa to dəw dɔ deeje ləm tɔ, Seḭ koso-dəwje ləm, deḛ gə́ d’ɔr no̰ sí lé D’ar sí ndəmje ne ləm, Deḛ tuji rəw gə́ seḭ njaaje keneŋ ləm tɔ.

Esai 9:15

Deḛ gə́ d’ɔr no̰ koso-dəwje neelé D’ar dee ndəm ləm, Deḛ gə́ d’ya̰ loo d’ar dee d’ɔr no̰ dee lé Deḛ ndəm ne rəw ləm tɔ.

Jeremi 23:13

Mbuna njéteggintaje gə́ Samari lé Neḛ n’oo néje gə́ to kḛji Gə́ al dɔ loo sula. Deḛ tegginta gə ri magə-Baal ləm, Deḛ d’ar koso-dəwje lə neḛ Gə́ Israɛl ndəm ləm tɔ.

Jeremi 23:16

Njesigənea̰ gə́ njeboo-néje pa togə́bè pana: Tugaje mbi sí dɔ taje’g lə njéteggintaje Gə́ d’aw teg d’ar sí lé el. Deḛ ndɔr sí dɔ néje gə́ kari ba ləm, D’ɔr goo némḭdije Gə́ d’ḭ ne meḛ dee-deḛ’g ya d’ar sí ləm tɔ Ɓó to ta gə́ ḭ ta Njesigənea̰’g el.

Jeremi 23:25

Neḛ n’oo ta gə́ njéteggintaje pa teg ne ginta gə taŋgɔm gə ri neḛ pana: Ma m’ni, ma m’ni.

Jeremi 23:31

Njesigənea̰ pana: Aa ooje, njéteggintaje gə́ d’un ta lə dee-deḛ ya telee gə́ ta lə neḛ lé n’aw sə dee gə ta.

Jeremi 29:31

Ula dee ar dee d’aw d’ula deḛ lai gə́ to ɓərje lé pana: Njesigənea̰ pata togə́bè wɔji ne dɔ Semaeja, dəw gə́ Nehélam lé pana: Mbata ma m’ula Semaeja el nɛ yeḛ tegginta ləm ar sí ləm, yeḛ ula sí ta meekundayel gə́ ŋgɔm ləm tɔ ndá

Jeremi 7:8

Nɛ seḭ undaje meḛ sí yel gə́ dɔ ta sukəmlooje gə́ as ra né kára kara el.

Nɔ̰-ndôo gə́ wɔji dɔ Jerusalem 2:14

Némḭdije gə́ njéteggintaje ləi d’oo lé To néje gə́ kari ba ləm, Gə néje gə́ ŋgɔm ləm tɔ, Mbata deḛ teggin kaiya raije gə́ raga Mba kɔr ne ta ɓər dɔi’g el, Deḛ d’ula sí ta némḭdije gə́ ŋgɔm ləm, Gə sukəmloo ləm tɔ.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

2 Njé gə́ Kɔrḭtə 1:17

Né gə́ m’ndiŋga rɔm gə mba ra lé see m’ndiŋga ne rɔm gə mḭdé ba wa. Esé see loo gə́ ma m’wɔji rəw-kabm lé see m’pa gə́ naŋg’n to gə́ dəwje gə́ dɔ naŋg nee tɔ wa.

Tel tura Godndu 18:20

Nɛ njetegginta gə́ ḭ gə kəsta pa ne ta gə́ ma ɓa m’un ndum mba karee pa gə rim el əsé pata gə ri magəje ndá njetegginta neelé a kwəi gə kwəi ya.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.