Jeremi 23:22 - Maktub gə́ To gə Kəmee

²² Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Jeremi 23:22 Iomraidhean Croise

Jeremi 23:14

Nɛ mbuna njéteggintaje gə́ Jerusalem lé Neḛ n’oo néje gə́ to kḛji Gə́ to ɓəl kədm-kədm. Deḛ to njémɔdkaiyaje ləm, Deḛ njaa gə taŋgɔm ɓa ta dee’g ləm tɔ. Deḛ d’ula diŋgam meḛ njéra némajelje’g Gə mba kar dəw kára kara Uba goo meeyèr ləa ya̰ el. Neḛ n’oo deḛ lai asəna gə ɓee gə́ Sɔdɔm ləm, Neḛ n’oo njé gə́ Jerusalem kara Asəna gə ɓee gə́ Gɔmɔr ləm tɔ.

Jeremi 23:18

Ŋga see na̰ ɓa si keneŋ Oo takə̰ji lə Njesigənea̰ Mba koo gə kəmee ləm, Mba tuga mbia koo ne ta ləa ləm tɔ wa. See na̰ ɓa ur mbia gèŋ dɔ ta’g ləa ləm, Oo ne ta ləa ləm tɔ wa.

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 36:3

Loo gə́ gel-bɔje lə Juda d’a koo sor némajije lai gə́ ma m’wɔji gə mba ra sə dee lé ndá banelə nana kara a kɔs badm tel dɔ rəw-kabee gə́ majel’g. Yen ɓa məəm a koso lemsé dɔ panjaa dee’g ləm, gə dɔ kaiya ra dee’g ləm tɔ.

Jeremi 9:12

Njesigənea̰ pana: To mbata deḛ d’uba godndum gə́ m’unda no̰ dee’g lé d’ya̰ ləm, mbata deḛ d’un mbi dee rəw dɔ ta’g ləm ra née el ləm tɔ,

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Ejekel 13:5

Seḭ aarje mba gɔl kəm ndògo-bɔrɔje gə́ ta̰ lé el ləm, seḭ raje ndògo-bɔrɔ guguje ne dɔ gel-bɔje lə Israɛl mba kaar ne njaŋg loo-rɔ’g mee ndɔ’g lə Njesigənea̰ el ləm tɔ.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 2:7

M’a kula dee taje lə neḛ, lé d’oo əsé d’un mbi dee rəw dɔ’g kara to mbata to gə́ deḛ to njékɔsta-rəwje lé ya.

Ejekel 3:17

Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Malasi 2:6

Godndu gə́ ka̰ kankəmta ɓa to təa’g ləm, dəw oo ta gə́ kori-kori təa’g nda̰ el ləm tɔ. Yeḛ njaa səm na̰’d dan meelɔm’g ləm, gə dan néra gə́ danasur’g ləm tɔ. Yeḛ ar dəwje bula d’uba ne goo néra gə́ majelje lə dee d’ya̰.

Néra Njékaḭkulaje 20:27

Mbata torndu Ala lai lé ma m’wɔji sí ɓó m’kusu dəa kára kara bèe el.

1 Njé gə́ Tesalonikə 5:6

Bèe ndá ar sí n’toje ɓi asəna gə ka̰ dəwje gə́ raŋg el, nɛ ar sí j’isije kəmba ləm, j’undaje kəmkàr dɔ rɔ sí’g ləm tɔ.