Jeremi 23:20 - Maktub gə́ To gə Kəmee

²⁰ Oŋg lə Njesigənea̰ a kwəi bèm el saar Karee tɔl ne ta néje Gə́ yeḛ wɔji mée’g gə mba ra lé. Ndɔje gə́ gogo ɓa seḭ a gərje ɓəi.

Jeremi 23:20 Iomraidhean Croise

Gḭ-Néje 49:1

Jakob ɓar ŋganeeje ula dee pana: Mbo̰je dɔ na̰ gə mba kam m’ula sí né gə́ a teḛ dɔ sí’g ndɔ gə́ gogo.

1 Mbaije 8:47

ɓó lé deḛ nja d’ə̰ji ta meḛ dee’g mee ɓee-ɓər gə́ d’aw sə dee keneŋ ɓa deḛ tel ra ndòo rɔi’g mee ɓee gə́ d’aw sə dee gə́ ɓər keneŋ lé pa ne pana: Jeḛ n’raje kaiya, n’raje néje gə́ majel, jeḛ n’raje néje gə́ to lée’g el

2 Mbaije 23:26

Lée togə́bè kara Njesigənea̰ uba goo boo-oŋg ləa gə́ to asəna gə pər gə́ o̰ bilim-bilim bèe lé dɔ Judaje’g ya̰ el mbata néje lai gə́ Manasə ra ar mée ḭ ne səa pu lé.

2 Mbaije 23:27

Bèe ɓa Njesigənea̰ pana: Judaje kara m’a kɔr dee nɔm’d gə́ raŋg to gə́ m’ɔr ne Israɛlje bèe tɔ. Tɔɓəi m’a kuba Jerusalem gə́ to ɓee-boo gə́ m’ɔree kəm’g lé kya̰ ləm, kəi gə́ m’pana: Yee ɓa rim a ɓar keneŋ lé kara m’a kuba kya̰ ləm tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 14:24

Njesigənea̰ gə́ njeboo-néje man rəa pa ne pana: Tɔgərɔ ya, né gə́ m’wɔji lé a teḛ ya, Né gə́ m’wɔji njaŋg lé a kaw lée’g béréré ya tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Jeremi 30:24

Oŋg lə Njesigənea̰ Gə́ o̰ to gə́ pər bèe lé a kwəi bèm el Saar karee tɔl ne ta néje Gə́ yeḛ wɔji mée’g mba ra lé bém, Ndɔje gə́ gogo ɓa seḭ a gərje njai ɓəi.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Jeremi 51:12

Undaje nétɔji lə sí Wɔjije ne dɔ ndògo-bɔrɔ Gə́ Babilɔn njoroŋ. Ŋgəmje loo pèrèrè ləm, Undaje njéŋgəmlooje keneŋ ləma, Gɔlje loo-kumje ləm tɔ. Mbata né gə́ Njesigənea̰ wɔji njaŋg Gə mba ra lé ndá, Yeḛ aree aw lée’g béréré mba̰. To né gə́ yeḛ pa wɔji ne dɔ Deḛ gə́ d’isi Babilɔn lé.

Ejekel 21:10

Dəwje lai-lai d’a gər to gə́ neḛ Njesigənea̰ n’ɔr kiambas lə neḛ sɔlee’g ndá n’a tel kula keneŋ kari ba el.

Ejekel 21:5

Ma m’pana: Ǝi Mbaidɔmbaije gə́ Njesigənea̰! Deḛ pata d’ila dɔm’g pana: See ma m’to njepa gosotaje lé el wa.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Tel tura Godndu 4:30

Dan nékəmndoo’g lə sí lé néje nee lai d’a ree dɔ sí’g. Togə́bè ɓa ndəa gə́ gogo ndá seḭ a telje gə́ rɔ Njesigənea̰ Ala’g lə sí ləm, seḭ a kooje ndia ləm tɔ,