Jeremi 23:15 - Maktub gə́ To gə Kəmee

¹⁵ Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 23:15 Iomraidhean Croise

Pakɔsje 69:21

Taji gə́ deḛ tajim lé ya Iri ɓəŋgərəm budu-budu Ar rɔm wəi ne sululu. M’isi m’ŋgina koo kəmtondoo lé Nɛ m’ŋgina pi, M’ŋgina njégɔlməmje Nɛ bura el ya tɔ.

Jeremi 14:15

Gelee gə́ nee ɓa Njesigənea̰ pata nee wɔji ne dɔ njéteggintaje gə́ tegginta gə ria lal karee ula dee ləm, deḛ gə́ pa pana: Dəw a koo kiambas əsé ɓoo-boo mee ɓee’g neelé el ləm tɔ lé pana: Njéteggintaje neelé d’a kwəi yoo-kiambas ləm, gə yoo ɓoo-boo ləm tɔ.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Jeremi 9:14

Gelee gə́ bèe ɓa Njesigənea̰ gə́ njeboo-néje, Ala lə Israɛlje pa ne togə́bè pana: Aa ooje, m’a kul dəwje neelé gə nésɔ gə́ adə mbag-mbag ləm, m’a kar dee d’ai mán gə́ kuma̰ yoo to keneŋ ləm tɔ.

Jeremi 9:15

M’a sané dee mbuna ginkoji dəwje gə raŋg gə́ bɔ deeje gər dee kédé el ləm, deḛ nja kara gər dee el ləm tɔ. N’a kula kiambas goo dee’g Saar kar gel dee un ne ɗiao.

Nɔ̰-ndôo gə́ wɔji dɔ Jerusalem 3:15

Yeḛ ar meekad taa məəm pəl-pəl ləm, Yeḛ am m’ai ta-a M’aree tɔlm ləm tɔ.

Nɔ̰-ndôo gə́ wɔji dɔ Jerusalem 3:19

Ar məəi olé dɔ kəmndoo’g ləm ləm, Gə dɔ ko̰-né gə́ m’oo’g ləm, Gə dɔ ta-a’g ləma, Gə dɔ kuma̰-yoo’g ləm tɔ lé

Nɔ̰-ndôo gə́ wɔji dɔ Jerusalem 3:5

Yeḛ ar kuma̰-yoo gə némeekonje D’aḭ dɔm sub to gə́ ndògo-bɔrɔ bèe tɔ.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Matiyo 27:34

D’aree mán-nduú gə kuma̰ gə́ adə gə́ pélé na̰’d lé mba karee ai, nɛ loo gə́ Jeju um rub naa oo ndá yeḛ tel mbad kɔḭ saar.

Tel tura Godndu 29:18

Ta manrɔ gə́ pa gə rɔkubu neelé maji kar dəw kára kara oo taree ɓa ti ne rəa mée’g pana: Lé ma m’ndolè goo né gə́ məəm ndigi ləm, ma m’ai ne kido m’aree tɔl kunda ləm tɔ kara m’a si ne lɔm ya lé, maji karee pa bèe el.

Loo gə́ killa rea kəm Ja̰’g 8:11

Kérémé lé ria lə Né gə́ adə mbag-mbag. Dəb manje gə́ loo kára lé tel to gə́ né gə́ adə mbag-mbag ləm, dəwje bula d’wəi yoo-mán neelé ləm tɔ mbata mán neelé tel to gə́ mán gə́ adə.