Jeremi 23:14 - Maktub gə́ To gə Kəmee

¹⁴ Nɛ mbuna njéteggintaje gə́ Jerusalem lé Neḛ n’oo néje gə́ to kḛji Gə́ to ɓəl kədm-kədm. Deḛ to njémɔdkaiyaje ləm, Deḛ njaa gə taŋgɔm ɓa ta dee’g ləm tɔ. Deḛ d’ula diŋgam meḛ njéra némajelje’g Gə mba kar dəw kára kara Uba goo meeyèr ləa ya̰ el. Neḛ n’oo deḛ lai asəna gə ɓee gə́ Sɔdɔm ləm, Neḛ n’oo njé gə́ Jerusalem kara Asəna gə ɓee gə́ Gɔmɔr ləm tɔ.

Jeremi 23:14 Iomraidhean Croise

Gḭ-Néje 13:13

Dəwje gə́ Sɔdɔm lé to njémeeyèrje ləm, gə bao-kaiyaje no̰ Njesigənea̰’g ləm tɔ.

Gḭ-Néje 18:20

Ndá Njesigənea̰ pana: Kaa néra Sɔdɔm gə Gɔmɔr gə́ ɓar lé ḭ dɔ maree’g gə́ kédé-kédé ləm, kaiya ra dee kara dum dɔ loo ləm tɔ.

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Gḭ-Néje 19:25

Yeḛ tuji ɓee-booje neelé ləm, gə loo gə́ to gə́ ndag-loo’g lai ləm, gə dəwje lai gə́ d’isi ɓee-booje’g ləma, gə néje lai gə́ d’uba naŋg ləm tɔ.

Esai 9:15

Deḛ gə́ d’ɔr no̰ koso-dəwje neelé D’ar dee ndəm ləm, Deḛ gə́ d’ya̰ loo d’ar dee d’ɔr no̰ dee lé Deḛ ndəm ne rəw ləm tɔ.

Jeremi 14:14

Ndá Njesigənea̰ ulam pana: Taŋgɔm ɓa njéteggintaje lé teg ne ginta gə ri neḛ, neḛ n’ula dee el ləm, n’un ndu neḛ n’ar dee el ləma, m’pata n’ar dee el ləm tɔ. Némḭdije gə́ ŋgɔm ləm, gə ginta néje gə́ d’a ree gə́ pa kari ba ləma, gə ta sukəmlooje gə́ d’ḭ ne meḛ dee’g ləm tɔ ɓa deḛ tegginee d’ar sí.

Jeremi 18:13

Gelee gə́ nee ɓa Njesigənea̰ pa ne pana: Dəjije ginkoji dəwje gə raŋg ooje! See na̰ ɓa oo ta néje gə́ togə́bè lé gɔl kára wa. Israɛlje to d’asəna gə ŋgoma̰də gə́ ra né gə́ mina̰ gə́ to kḛji.

Jeremi 20:16

Maji kar dəw neelé to asəna gə ɓee-booje Gə́ Njesigənea̰ tuji dee pugudu-pugudu, lal meekoso ləmsé bèe! Maji karee oo ndu no̰ lə dəwje gə ndɔ rad ləm, Gə kò-rɔ gə́ ɓar loo gə́ kàr aar daŋdɔ ləm tɔ!

Jeremi 23:17

Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 23:22

Ɓó lé deḛ d’isi keneŋ D’oo takə̰ji lə neḛ ndá D’a kar taje lə neḛ Oso mbi koso-dəwje’g lə neḛ ləm, D’a kar dee d’ɔs badm tel Dɔ rəw-kawje’g lə dee gə́ majel ləma, Gə dɔ néra meeyèrje’g lə dee ləm tɔ.

Jeremi 23:32

Njesigənea̰ pana: Aa ooje, njéteggin ni-ŋgɔmje gə́ d’ɔr gée d’ar koso-dəwje lə neḛ ndəm ne gə goo taŋgɔmje gə́ lel ta dee’g lé neḛ n’aw sə dee gə ta, Njesigənea̰ ɓa pa bèe. Neḛ n’ula dee el ləm, n’un ndu neḛ n’ar dee el ləma, maji dee gə́ tḛ́ bèe ya kara to mba koso-dəwje el ləm tɔ.

Jeremi 29:21

Njesigənea̰ gə́ njeboo-néje gə́ to Ala lə Israɛlje lé pata togə́bè dɔ Ahab gə́ to ŋgolə Kolaja ləm, gə dɔ Sedesias gə́ to ŋgolə Maaséja ləm tɔ, deḛ gə́ teggin taŋgɔm gə rim d’ar sí lé m’pana: Aa ooje, ma m’uba dee m’ya̰ dee ji Nebukadnesar, mbai gə́ Babilɔn ndá yeḛ a kar dee tɔl dee kəm sí’g ya.

Jeremi 29:23

Né neelé a teḛ dɔ dee’g mbata deḛ ra nérɔkul mbuna Israɛlje’g d’ya̰ ne rɔ dee dan ndal denéje lə mar deeje’g gə mɔdkaiya ləm, ma m’un ndum m’ar dee el nɛ deḛ pa taŋgɔm gə rim ləm tɔ. Ma m’gər gao ləm, m’oo gə kəm ləm tɔ. Njesigənea̰ ɓa pa bèe.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Jeremi 49:18

Njesigənea̰ pana: To gə́ Sɔdɔm gə Gɔmɔr gə ɓee-booje gə́ to gə́ boa ta dee’g tuji pugudu lé dəw kára kara a tel gɔlee kisi keneŋ el ŋga ləm, dəw kára kara a ra ɓee keneŋ el ŋga ləm tɔ.

Nɔ̰-ndôo gə́ wɔji dɔ Jerusalem 4:6

Bo̰ néra koso-dəwje ləm gə́ ɔs ta dee’g lé To ɓəl yaa̰ unda né gə́ teḛ dɔ Sɔdɔm’d Gə́ tuji to gə́ kəm gə́ tuga jib bèe Lal kar dəw un jia naree ne.

Ejekel 13:16

gə́ to njéteggintaje gə́ Israɛl gə́ d’aw tegginta d’wɔji ne dɔ Jerusalem ləm, deḛ gə́ d’oo némḭdije gə́ ka̰ meelɔm loo gə́ meelɔm godo lé kara d’a godo ləm tɔ. Mbaidɔmbaije gə́ Njesigənea̰ ɓa pa bèe.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Ejekel 22:25

Njéteggintaje lə dee d’ula njuma̰ meḛ na̰’d dan mee ɓee-boo’g neelé. To gə́ toboḭ gə́ inja ne miḭ hər-hər gaŋg ne nékwa ləa lé deḛ kara tɔl dəwje ləm, taa nébaoje gə néje gə́ maji dum gə́ ka̰ dee-deḛ ləma, d’ar bula lə njékəisiŋgaje ḭ dɔ maree’d gə́ kédé-kédé dan mee ɓee-boo’g neelé ləm tɔ.

Ojee 6:10

Mee ɓee gə́ Israɛl lé Ma m’oo néje gə́ to kḛji kəm koo el keneŋ, Lée neelé Eprayimje d’ula rɔ dee mbiriri dan kaiya’g ləm, Israɛlje kara mina̰ ne jɔmri-jɔmri ləm tɔ.

Amɔs 4:11

Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Misee 1:5

Néje lai neelé teḛ mbata takalje lə Jakobje ləm, Gə mbata kaiya ra Israɛlje ləm tɔ! See ɗi ɓa gə́ majel lə Jakobje lé wa. See to Samari el wa. See ɗi ɓa to dɔ looje gə́ ndəw lə Judaje lé wa. See to Jerusalem el wa.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Malasi 1:1

Ndərta gə́ Njesigənea̰ pa ar Israɛlje gə ndu Malasi.

Matiyo 11:24

Ma nja m’ula sí, ndɔ gaŋg-rəwta lé ta gə́ a kwa dɔi a kur dɔ ka̰ Sɔdɔm’g.

Tel tura Godndu 32:32

Nɛ kag-nduú lə dee Ḭ mee loo-ndɔ-nduú’d gə́ Sɔdɔm ləm, Ḭ mee loo-ndɔ’d gə́ Gɔmɔr ləm tɔ, Kandə nduúje lə dee D’a to kandə nduúje gə́ ka̰ yel dəw ləm, Kul nduúje lə dee kara D’adə ləm tɔ,

1 Timote 4:2

Nehulai lə njétakorije ɓa ar dee ndəm ne ləm, meeyèr ula pər meḛ njétakorije’g lé ɔb ne meḛ dee kág ləm tɔ.

2 Piɛrə 2:6

ɓó lé Ala ila tuji dɔ Sɔdɔm gə Gɔmɔr ar dee tel ne bu pər gə́ nétɔji dəwje gə́ néra dee a kaw gə goo ka̰ Ala el,

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.

Loo gə́ killa rea kəm Ja̰’g 11:8

Yoo dee a to naŋg ŋgaŋ nada mee ɓee-boo’g gə́ d’unda ria gə goso d’wɔji ne dɔ Sɔdɔm gə Ejiptə ləm, gə ɓee gə́ ɗar Mbaidɔmbaije lə dee kaar kag’d keneŋ ləm tɔ.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.