Jeremi 23:11 - Maktub gə́ To gə Kəmee

¹¹ Njéteggintaje gə njékinjanéməsje Tel to dəwje gə́ mina̰. Mee kəi’g lə neḛ ya kara N’iŋga meeyèr lə dee keneŋ, Njesigənea̰ ɓa pa bèe.

Jeremi 23:11 Iomraidhean Croise

2 Sôrta Gḭka Israɛlje 33:5

Yeḛ unda loo-nékinjanéməsje ar boo-nékundaje gə́ dara mee gadlooje gə́ joo gə́ to takəi’g lə Njesigənea̰ lé.

2 Sôrta Gḭka Israɛlje 33:7

Yeḛ unda néndaji gə́ yeḛ nja tɔl gə́ magə lé mee kəi’g lə Ala, gə́ Ala pa taree ar Dabid gə ŋgonee Salomo̰ pana: To mee kəi’g nee gə mee ɓee gə́ Jerusalem gə́ ma nja mbəree mbuna ginkoji Israɛlje’g lai lé ɓa ma m’ndigi kar rim ɓar keneŋ saar gə no̰ lé.

2 Sôrta Gḭka Israɛlje 36:14

Mbai dɔ njékinjanéməsje-je lai gə koso-dəwje lai d’ar kaltaje lə dee ḭ dɔ maree’d gə́ kédé-kédé tɔ, gə goo néje gə́ mina̰ lai gə́ ginkoji dəwje gə raŋg ra lé. Deḛ d’ar kəi lə Njesigənea̰ gə́ yeḛ unda gə kəmee Jerusalem lé tel to né gə́ mina̰ tɔ.

Esdras 10:18

Mbuna njékinjanéməsje’g lé deḛ gə́ taa denéje gə́ ginkoji dee raŋg gə́ d’isi keneŋ lé ɓa nee: Deḛ gə́ to gel-bɔje lə Juje gə ŋgakea̰je gə́ to ŋgalə Josadak lé ndá Maaséja, gə Eliéjer, gə Jarib, gə Gedalia lé,

Jeremi 11:15

Koso-dəwje gə́ m’unda dee dan kəm’g lé See ɗi ɓa deḛ ra mee kəi’g ləm wa. Deḛ ra boo-néraje gə́ majel keneŋ. Maji kar dee d’ɔr da-nékinjanéməsje lé no̰ sí’g Mbata loo gə́ seḭ raje némajel yaa̰ ndá Yen ɓa seḭ alje rɔ sí yaa̰ ɓəi.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 32:34

Deḛ d’unda magəje lə dee gə́ to kḛji mee kəi gə́ rim ɓar dɔ’g gə mba kar kəi neelé mina̰ ne.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 50:6

Koso-dəwje ləm tɔ koso-badje lé ndəm d’igi, Njékul deeje d’ar dee ndəm ləm, D’ar dee d’ila rima-rima Mbuna mbalje’g ləm tɔ. Deḛ d’ḭ dɔ mbalje’g d’aw dɔdərlooje’g D’ar meḛ dee wəi sel Dɔ loo-kaar deeje’g.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 7:30

Mbata Judaje ra né gə́ majel kəm’g, Njesigənea̰ ɓa pa bèe, deḛ d’unda magəje lə dee gə́ mina̰ mee kəi gə́ d’unda gə kəmee d’am lé gə mba karee mina̰ ne.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Nɔ̰-ndôo gə́ wɔji dɔ Jerusalem 2:20

Njesigənea̰, aa loo oo, See na̰ ɓa i ra səa né togə́bè lé wa! See kəm kar denéje d’usɔ ŋgan deeje Gə́ d’ḭ meḛ dee’g Gə́ d’unda dee dan kəm dee’g lé wa. See kəm kar dee tɔl njékinjanéməsje gə njéteggintaje Mee kəi-si Njesigənea̰ gə́ to gə kəmee’g lé wa.

Ejekel 23:39

Deḛ roo ŋgan deeje d’ar magəje lə dee, tɔɓəi mee ndəa’g neelé ya deḛ d’aw mee loo’g lə neḛ gə́ to gə kəmee mba kila ndɔl dɔ’g. Yee gə́ nee ɓa gə́ né gə́ deḛ ra mee kəi’g lə neḛ.

Ejekel 44:10

Tɔɓəi Ləbije gə́ d’uba neḛ d’ya̰ neḛ loo gə́ Israɛlje ndəm d’uba neḛ d’ya̰ neḛ d’aw ndolè goo magəje lə dee lé ta néra kori-kori lə dee lé d’a kuba pəree ya.

Ejekel 7:20

Deḛ d’əsta dɔ nérab rɔje’g lə dee Gə́ mbərḛ mbə̰-mbə̰ ləm, Deḛ ndaji néje lə dee gə́ mina̰ jɔmri-jɔmri gə magə-poleje lə dee ləm tɔ. Gelee gə́ nee ɓa n’a karee tel to né gə́ to kḛji kəm dee’g,

Ejekel 8:11

Dəwje rɔ-siri mbuna ŋgatɔgje’g lə gel-bɔje lə Israɛl lé d’aar no̰ magəje’g neelé gə bai roo né gə́ ə̰də sululu lé ji dee’g ji dee’g ar Jaasania, ŋgolə Sapan aar dan dee’g ndá sa néje gə́ ə̰də sululu lé tuu udu loo lus-lus.

Ejekel 8:16

Tɔɓəi yeḛ ɔr nɔm aw səm mee gadloo’g mee kəi’g lə Njesigənea̰. Ndá aa oo, dəwje d’as rɔ-joo-gir-dee-mi d’aar tarəw kandə mee kəi’g lə Njesigənea̰ mbuna gel jala’g gə loo-kḭjanéməs’g. Deḛ tel gir dee d’ila d’ar kəi lə Njesigənea̰ ndá tel kəm dee par gə́ bər. Deḛ d’unda barmba par gə́ bər dəb kəm dee naŋg no̰ kàr’g.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.