Jeremi 23:10 - Maktub gə́ To gə Kəmee

¹⁰ Mbata mɔdkaiya ɓa Taa loo mee ɓee’g pəl-pəl, Kəm ɓee to ndòo Gə mbata lə ndɔl gə́ wa dəa, Loo-ko̰-muje lə nékulje Gə́ ndag-loo’g lé tudu kurum-kurum. Deḛ d’aiŋgwɔd mba ra né gə́ majel ləm, Siŋga dee to mbata néra gə́ yèr ya ba ləm tɔ.

Jeremi 23:10 Iomraidhean Croise

Esdras 10:18

Mbuna njékinjanéməsje’g lé deḛ gə́ taa denéje gə́ ginkoji dee raŋg gə́ d’isi keneŋ lé ɓa nee: Deḛ gə́ to gel-bɔje lə Juje gə ŋgakea̰je gə́ to ŋgalə Josadak lé ndá Maaséja, gə Eliéjer, gə Jarib, gə Gedalia lé,

Pakɔsje 107:34

Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Esai 24:6

Gelee gə́ nee ɓa ndɔl wa ne dɔ ɓee ləm, Dəwje gə́ d’isi keneŋ kara bo̰ néra kori-korije lə dee ɔs ne ta dee’g ləm tɔ, Gelee gə́ nee ɓa dəwje gə́ d’isi mee ɓee’g neelé d’udu ne Ar deḛ gə́ nai keneŋ lé nai ne jebəre ba bèe.

Esai 5:18

Meeko̰ a koso dɔ deḛ gə́ Ndɔr néra gə́ kori-korije goo dee’g gə kulaje gə́ ŋgɔm ləm, Gə deḛ gə́ ndɔr kaiya goo dee’g To gə́ ndɔr ne pusu-kodo-né gə kúla bèe ləm tɔ.

Jeremi 12:11

Deḛ d’aree tel to dɔdilaloo, Yee tel to loo ndòo ləm, Kəmee to ndòo nɔm’g ləm tɔ. Ɓee lai tuji pugudu, Mbata dəw kára kara gə́ njekḛji dɔ’g godo.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 6:13

Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:12

Njesigənea̰ pana: To mbata deḛ d’uba godndum gə́ m’unda no̰ dee’g lé d’ya̰ ləm, mbata deḛ d’un mbi dee rəw dɔ ta’g ləm ra née el ləm tɔ,

Jeremi 9:2

D’ɔr ndo̰ dee to gə́ kandə ɓandaŋg Gə́ d’ɔr léréré mba pa ne taŋgɔm, Kankəmta ɓa ar dee to ne gə́ njésiŋgamoŋje mee ɓee’g el, Mbata deḛ njaa dan meeyèr’g lə dee Gə́ kédé-kédé ləm, Deḛ gərm el ləm tɔ, Njesigənea̰ ɓa pa bèe.

Ojee 7:4

Deḛ lai to njémɔdkaiyaje, To d’asəna gə bwa-bṵda Gə́ njekula-bṵda ula pər keneŋ Aree nuŋga kəd-kəd bèe ɓa Yeḛ əw rəa kɔs gel pər ɓəi Saar kar bina gə́ loḭ lé Ḭ ti ne dor-dor ɓa.

Joɛl 1:10

Mee ndɔje wa ŋgɔ njag-njag ləm, Kəm dɔ naŋg to ndòo ləm tɔ, Mbata kó tuji ləm, Man-nduú gə́ kul yi tə-tə ləma, Ubu kara godo ləm tɔ.

Ləbije 5:1

Ɓó lé dəw oo ndu manrɔ gə́ deḛ pa d’ar njékɔrgootaje nɛ yeḛ ra kaiya mbad kaw pata né gə́ yeḛ oo ləm gə gər ləm tɔ ndá taree a kwa dəa-yeḛ ya.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

1 Timote 1:10

gə mba kar néra dee gə́ to njékəmndaje ləm, əsé ram-dəwje ləm, əsé njéndogo dəwje ləm, əsé gə njéŋgɔmje ləm, gə njékusu dɔ rɔ deeje ləma, əsé gə dəw gə́ rara ɓa ɔs kankəmta rəw ləm tɔ lé a to raga pai-pai ya.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.