Jeremi 22:7 - Maktub gə́ To gə Kəmee

⁷ Neḛ n’wa dɔ gɔl njétujilooje Gə mba kar dee d’oma̰ səi, Nana kara aw gə nérɔje ləa jia’g-jia’g, Deḛ d’a tuga kag-sɛdrəje ləi Gə́ maji yaa̰ kɔm dee pər’d.

Jeremi 22:7 Iomraidhean Croise

Esai 37:24

I ula sul dɔ Mbaidɔmbaije’g gə ndu kuraje ləa Ndá i pana: Mbɔl dɔ pusu-rɔje ləi gə́ dum tura ɓa I teḛ ne dɔ sém mbalje gə́ Liba̰, I tuga kag-sɛdrəje ləa gə́ ŋgal d’unda mar deeje ləm, Gə kag-siprɛsje ləa gə́ maji d’unda mar deeje ləma, I aw njal teḛ ne sém kagje’g ləa Gə́ to mee kag-kɔr’g ləa Gə́ to asəna gə loo-ma̰a-kagje bèe ləm tɔ.

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

Jakari 11:1

I ɓee gə́ Liba̰, maji kari teḛ tarəwkɔgje ləi Gə mba kar pər roo kag-sɛdrəje ləi dula-dula.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.