Jeremi 22:30 - Maktub gə́ To gə Kəmee

³⁰ Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 22:30 Iomraidhean Croise

Maktub gə́ wɔji dɔ Jɔb 18:19

Yeḛ ya̰ ŋganeeje əsé ŋgakeaje mbuna koso-dəwje’g ləa el, Dəw gə́ si kəmba kara godo loo-siée’g tɔ.

Pakɔsje 94:20

See njémeeyèrje gə́ d’wɔji-kwɔji néra gə́ kori-kori meḛ dee’g d’al ne ta ta godndu’g lé See d’a kari si dɔ kalimbai’g lə dee lé ya wa.

Jeremi 10:21

Njékul dəwje lé kəmkàr lə dee godo, Deḛ ndolè goo Njesigənea̰ el, Yee gə́ bèe ɓa deḛ teḛ ne kɔr el ləm, Dəwje lə deḛ lai sané ne na̰ kad-kad ləm tɔ.

Jeremi 2:37

Lée neelé ɓa seḭ a kundaje loo Keneŋ teḛje kɔmje ji sí dɔ sí’g, Mbata Njesigənea̰ mbad Deḛ gə́ seḭ ɔmje meḛ sí dɔ dee’g Ndá seḭ a teḛje ne kɔr keneŋ el.

Jeremi 22:2

I a pana: I mbai gə́ Juda gə́ si dɔ kalimbai’g lə Dabid, gə kuraje ləi, gə koso-dəwje ləi gə́ a̰dje gə tarəwje neelé ooje ta lə Njesigənea̰!

Jeremi 29:32

aa ooje, ta gə́ Njesigənea̰ pa ɓa nee: M’a kar bo̰ néra Semaeja, dəw gə́ Nehélam, deḛ gə ŋgakeaje ɔs ta dee’g. Dəw ləa kára kara a si dan koso-dəwje’g neelé el ləm, a koo némaji gə́ m’a gə ra gə koso-dəwje ləm el ləm tɔ. Njesigənea̰ ɓa pa bèe. Mbata tapeaje ɔs ta lə Njesigənea̰ rəw.

Jeremi 36:30

Gelee gə́ nee ɓa Njesigənea̰ pa ne ta togə́bè dɔ Jojakim’g, mbai gə́ Juda lé pana: Dəw ləa kára kara a si dɔ kali mbai’g lə Dabid el ləm, ninee a to naŋg loo-nuŋga’g lə kàr gə loo-kul’g lə loondul ləm tɔ.

Jeremi 52:10

Mbai gə́ Babilɔn ar dee tḭja gwɔb ŋgalə Sedesias kəmee’g. Tɔɓəi yeḛ ar dee tḭja gwɔb mbaije gə́ Juda lai mee ɓee-boo gə́ Ribla tɔ.