Jeremi 22:28 - Maktub gə́ To gə Kəmee

²⁸ See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 22:28 Iomraidhean Croise

2 Samel 5:21

Lée neelé deḛ d’ya̰ magə-poleje lə dee naŋg ndá Dabid gə njé’g ləa d’odo d’aw ne.

2 Sôrta Gḭka Israɛlje 21:20

Yeḛ ra ləbee rɔ-munda-giree-joo ɓa yeḛ tel to mbai ndá yeḛ si Jerusalem o̰ ne ɓee gə́ Jerusalem ləb jinaijoo. Yeḛ aw lal kar dəw kára kara ndiŋga rəa gə mbata ləa ndá deḛ dubee mee ɓee-boo’g lə Dabid ɓó dubee mee dɔɓar mbaije’g el.

Pakɔsje 31:12

Njékoma̰ səmje lai telm gə́ nérɔkul gə́ boo ləm, Gə nérɔkul gə́ boo mbata lələm ləma, Gə né gə́ to ɓəl kədm-kədm mbata lə njéboatakəije ləm ləma Gə né gə́ to ɓəl kədm-kədm mbata lə baokuraje ləm ləm tɔ, Deḛ gə́ d’oom raga lé D’aḭ d’unda rɔ dee ŋgərəŋ rɔm’g.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 17:4

Seḭ a kubaje nédɔji lə sí Gə́ n’ar sí kédé lé kya̰je Mbata néramajelje lə sí Ndá n’a kar sí raje kula ɓər Kar njéba̰je lə sí Mee ɓee gə́ seḭ gərje kédé el, Mbata seḭ arje pər oŋg lə neḛ o̰, To pər gə́ a ko̰ saar gə no̰.

Jeremi 22:27

Nɛ ɓee gə́ mal tel kaw keneŋ ra dee lé d’a tel kaw keneŋ gogo el ŋga.

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 24:1

Loo gə́ Nebukadnesar, mbai gə́ Babilɔn wa Jekonia, ŋgolə Jojakim, mbai gə́ Juda ləm, gə ŋgan-mbaije gə́ Juda ləma, gə njéra-kula-kagje gə njéra lar-kudu-ta-néje ləm tɔ mee ɓee gə́ Jerusalem aw sə dee Babilɔn mba̰ ndá, Njesigənea̰ am m’oo kandə kodéje mee karèje joo gə́ d’unda takəi’g lə Njesigənea̰.

Jeremi 27:20

gə́ Nebukadnesar, mbai gə́ Babilɔn taa el, loo gə́ yeḛ wa Jekonia, ŋgolə Jojakim, mbai gə́ Juda ləm, gə dəwje gə́ boo-boo lai gə́ Juda gə Jerusalem ləm tɔ ɓər aw sə dee Babilɔn lé.

Jeremi 37:1

Sedesias, ŋgolə Jojias o̰ ɓee tor Jekonia, ŋgolə Jojakim’g. Nebu kadnesar, mbai gə́ babylɔnə ɓa undá gə́ mbai gə́ Juda lé.

Jeremi 48:38

Dɔ kəije gə́ Moab lai gə mee ndaa-looje’g ləa lé ndu no̰ sii mbigi-mbigi ya kára ba ɓar keneŋ mbata ma m’tɔ Moab pɔs-pɔs to gə́ dəw tɔ ne jo gə́ yeḛ ndigi el bèe. Njesigənea̰ ɓa pa bèe.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.