Jeremi 22:18 - Maktub gə́ To gə Kəmee

¹⁸ Gelee gə́ nee ɓa Njesigənea̰ pa ne ta togə́bè wɔji ne dɔ Jojakim, ŋgolə Jojias, mbai gə́ Juda pana: D’a nea̰ pana: Wai, ŋgokɔm gə́ diŋgam! Wai, ŋgokɔm gə́ dené! bèe el ləm, Esé d’a nea̰ togə́bè pana: Wai, mbai ləm! Wai, njemajidum ləm bèe el ləm tɔ.

Jeremi 22:18 Iomraidhean Croise

2 Samel 1:26

Ma m’isi dan meeko̰’g mbata ləi-i, Ŋgokɔm Jonatan! I ra néje lai gə́ taa kəm rəgm, Ndigi gə́ i ndigim lé maji dum ləm, Ur dɔ ndigi gə́ ndigi denéje ləm tɔ.

1 Mbaije 13:30

Yeḛ ila nin lé loo-dubee’g, tɔɓəi deḛ no̰ dəa’g pana: Ai-i, ŋgokɔm, nékəmndoo gə́ ban ɓa bèe wa.

2 Mbaije 23:36

Jojakim lé ləbee as rɔ-joo-giree-mi ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Kea̰je ria lə Jebuda, ŋgolə Pedaja, dəw gə́ Ruma.

2 Mbaije 23:6

Yeḛ ḭ gə magə-Astarté lé mee kəi’g lə Njesigənea̰ teḛ ne raga aw ne gir ɓee-boo gə́ Jerusalem par gə́ wəl-loo gə́ Sedro̰, yeḛ rée wəl-loo gə́ Sedro̰ aree tel to bu ndá yeḛ ɔm buee dɔɓar dəwje’g.

2 Mbaije 24:6

Jojakim wəi ndá, ŋgonee gə́ Jojakḭ ɓa o̰ ɓee toree’g tɔ.

1 Sôrta Gḭka-Israɛlje 3:15

Ŋgalə Jojias ɓa ri dee to nee: Ŋgondəree to Jokana, njekɔm’g joo to Jojakim, njekɔm’g munda to Sedesias, njekɔm’g sɔ to Salum.

2 Sôrta Gḭka Israɛlje 35:25

Jeremi ndaŋg pa no̰ ndòo gə́ wɔji dɔ Jojias ndá bao-paje gə́ diŋgam gə njé gə́ dené lai pata gə́ wɔji dɔ Jojias loo no̰ ndooje’g lə dee saar teḛ ne mee ndəa gən tɔ, yee ɓa d’aree tel to ne néjiɓee mee ɓee gə́ Israɛl ya. Paje neelé deḛ ndaŋg taree mee maktub pa no̰ ndooje’g.

2 Sôrta Gḭka Israɛlje 36:5

Jojakim lé ra ləbee rɔ-joo-giree-mi ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Yeḛ ra né gə́ majel kəm Njesigənea̰ Ala’g ləa.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 21:11

I a kula njémeekəije lə mbai gə́ Juda pana: Urje mbi sí ooje ne ta lə Njesigənea̰!

Jeremi 22:10

Yeḛ gə́ wəi mba̰ lé Maji kar sí nea̰je el ləm, Waje ndòo yée el ləm tɔ. Nɛ yeḛ gə́ aw kəmba Gə́ a tel ree gogo el ləm, A tel koo ɓee-kojee el ləm tɔ lé ɓa Maji kar sí nea̰je.

Jeremi 22:12

Nɛ yeḛ a kwəi mee ɓee gə́ d’wá ɓər d’aw səa keneŋ lé ɓó kəmee a koso dɔ ɓee’g neelé gogo el ŋga.

Jeremi 34:5

I a kwəi gə meekulɔm, To gə́ roo ne néje gə́ ə̰də sululu mbata lə bɔbije-je gə́ to mbaije gə́ ləw gə́ kédé nɔḭ’g lé d’a ra togə́bè mbata ləi-i tɔ, d’a nɔḭ pana: Ai mbai! Mbata ma nja m’pata neelé. Njesigənea̰ ɓa pa bèe.

Jeremi 36:30

Gelee gə́ nee ɓa Njesigənea̰ pa ne ta togə́bè dɔ Jojakim’g, mbai gə́ Juda lé pana: Dəw ləa kára kara a si dɔ kali mbai’g lə Dabid el ləm, ninee a to naŋg loo-nuŋga’g lə kàr gə loo-kul’g lə loondul ləm tɔ.