Jeremi 22:15 - Maktub gə́ To gə Kəmee

¹⁵ See i o̰ ɓee Mbata mal kag-sɛdrəje gə́ wa məəi wa. See bɔbi sɔ né gə ai né el wa. Nɛ yeḛ nja gaŋg rəwta gə goo rəbee ləm, Gə dɔ najee ləm tɔ Ndá yeḛ si ne dan rɔlel’g.

Jeremi 22:15 Iomraidhean Croise

2 Samel 8:15

Dabid o̰ ɓee dɔ Israɛlje’g lai ndá yeḛ ra né danasur ləm, ɔr ne kəmta lə dəwje ləa lai gə goo rəbee ləm tɔ.

1 Mbaije 10:9

Maji kar dɔ ri Mbaidɔmbaije Ala ləi ai səgərə, yeḛ gə́ ooi maji ɓa undai dɔ kalimbai’g lə Israɛlje lé. Mbata Njesigənea̰ unda Israɛlje dan kəmee’g saar-saar ya, yee gə́ bèe ɓa, yeḛ undai ne gə́ mbai mba kari gaŋg ne rəwta lə dee gə dɔ najee gə mbəa.

2 Mbaije 22:2

Yeḛ ra né gə́ danasur kəm Njesigənea̰’g un ne dɔ gɔl keaje Dabid ya lad-lad, yeḛ aw yo-yo nee-nee el tɔ.

2 Mbaije 23:25

Kédé ɓa kar Jojias to ne mbai ɓəi lé mbai gə́ raŋg gə́ njendigi Njesigənea̰ gə ŋgaw mée bura gə rəa bura gə siŋgarea bura gə goo taje lai gə́ godndu Moyis pa to gə́ yeḛ bèe lé godo ləm, njetana səa gə́ gée gə́ gogo kara godo ləm tɔ.

1 Sôrta Gḭka-Israɛlje 3:15

Ŋgalə Jojias ɓa ri dee to nee: Ŋgondəree to Jokana, njekɔm’g joo to Jojakim, njekɔm’g munda to Sedesias, njekɔm’g sɔ to Salum.

2 Sôrta Gḭka Israɛlje 34:2

Yeḛ ra né gə́ danasur kəm Njesigənea̰’g ləm, yeḛ un dɔ gɔl keaje gə́ Dabid ya lad-lad ləm tɔ ɓó yeḛ aw yo-yo nee-nee el.

2 Sôrta Gḭka Israɛlje 35:22

Nɛ Jojias oo ta neelé gə́ né el ndá yeḛ tel rəa raŋg gə mba kaw rɔ səa lal koo ne ta lə Neko gə́ ḭ ta Ala’g lé. Yeḛ aw kəmee gə́ kédé gə mba kaw rɔ səa kəm wəl-loo gə́ Megido.

2 Sôrta Gḭka Israɛlje 35:26

Ges sorta néraje lə Jojias gə kula reaje gə́ yeḛ təd ne kag Ala to gə́ godndu Njesigənea̰ wɔji lé

Gosota-Kəmkàrje 20:28

Meemaji gə ŋgonkoji ɓa d’aa dɔ mbai kər-kər ləm, Yeḛ kara gəd kalimbai ləa gə meemaji ləm tɔ.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Gosota-Kəmkàrje 25:5

Ɔr njemeeyèr no̰ mbai’g ɓa Kalimbai ləa a to njaŋg gə goo néra gə́ gə dɔ najee ɓəi tɔ.

Gosota-Kəmkàrje 29:4

Mbai lé ar ɓee to njaŋg gə goo néra gə́ gə dɔ najee, Nɛ yeḛ gə́ taa né gə́ taa négədɓee gə́ gə dɔ najee el lé tuji ne ɓee gə́ tuji.

Gosota-Kəmkàrje 31:9

Maji kari teḛ tai gaŋg ne rəwta gə dɔ najee ləm, Oso gel njenékəmndoo’g gə njendoo’g ləm tɔ.

Njekillamber 10:17

Rɔlel a nai səi-i ɓee gə́ mbai ləi gelee to gə́ boo ləm, ŋgan-mbaije ləi kara d’usɔ né gə kàree gə́ maji mba kar siŋga dee to ne ɓó gə mba kya̰ rɔ dee dan nékai’g ba el ləm tɔ.

Njekillamber 2:24

Né gə́ to maji mbata lə dəw lé to mba karee sɔ né gə ai né ləm, to mba kar mée lelee ne loo si gə rɔlel dɔ kula reaje’g ləm tɔ. Nɛ ma m’oo to gə́ yee neelé kara to né gə́ ḭ meḛ ji Ala’g lé tɔ.

Esai 3:10

Maji kar sí ulaje pajena: Njéra nédanaje lé d’a si dan maji’g Mbata d’a kal rɔ dee dɔ kandə néraje’g lə dee.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 21:12

Seḭ gel-bɔje lə Dabid! Njesigənea̰ pa togə́bè pana: Un kudee gə ndɔ rad saar lé Maji kar sí gaŋgje rəwta gə́ gə goo rəbee ləm, Taaje dɔ deḛ gə́ d’ula kəm dee ndòo Ji njekula kəm loo ndòo’g ləm tɔ. Nà oŋg-boo lə neḛ a mbudu ko̰ To gə́ pər bèe Kar dəw gə́ njetɔl pəree godo Mbata néra meeyèrje lə sí lé.

Jeremi 22:18

Gelee gə́ nee ɓa Njesigənea̰ pa ne ta togə́bè wɔji ne dɔ Jojakim, ŋgolə Jojias, mbai gə́ Juda pana: D’a nea̰ pana: Wai, ŋgokɔm gə́ diŋgam! Wai, ŋgokɔm gə́ dené! bèe el ləm, Esé d’a nea̰ togə́bè pana: Wai, mbai ləm! Wai, njemajidum ləm bèe el ləm tɔ.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 42:6

Lé to né gə́ maji əsé né gə́ majel kara j’a kilaje koji dɔ ta’g lə Njesigənea̰, Ala lə sí gə́ jeḛ j’ulaije rəa’g, mba kar sí j’iŋgaje ne rɔlel ɓó lé jeḛ j’ilaje koji dɔ ta’g lə Ala lə sí gə́ Njesigənea̰ lé.

Jeremi 7:5

Ɓó lé seḭ gɔlje panjaa síje gə néra síje ləm, ɓó lé seḭ raje né gə́ danasur mbuna na̰’d ləm,

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

1 Njé gə́ Kɔrḭtə 10:31

Bèe ndá lé né gə́ sɔje əsé né gə́ aije əsé né gə́ rara gə́ seḭ raje kara maji kula ne rɔnduba dɔ Ala’g lé.

Tel tura Godndu 4:40

Maji kar sí aaje dɔ godndiaje gə ndukunje ləa gə́ m’tɔji sí ɓogənè mba kar sí síje ne dan rɔlel’g, seḭ gə ŋgan síje gə́ goo sí’g ləm, mba kar ndɔje lə sí d’ḭ ne dɔ maree’g mee ɓee gə́ Ala lə sí gə́ Njesigənea̰ ar sí ləm tɔ.