Jeremi 22:14 - Maktub gə́ To gə Kəmee

¹⁴ Yeḛ gə́ pana: N’a ra kəi lə neḛ karee boo ləm, N’a rɔd ŋgan kəije dɔ na̰’d-na̰’d Karee tad rəg-rəg ləm, Gə́ ar dee mbudu kəmbolèje Gə́ tad keneŋ ləm, Gə́ ɓər kag-sɛdrəje mée’g ləma, Gə́ ɔr giree gə né gə́ kas ləm tɔ.

Jeremi 22:14 Iomraidhean Croise

2 Samel 7:2

yeḛ ula Natan, njetegginta lé pana: Oo, ma lé m’isi mee kəi gə́ ra gə kag-sɛdrə nɛ sa̰duk-manrɔ lə Ala to mee kəi-kubu’g ɓa.

2 Sôrta Gḭka Israɛlje 3:5

Mee kəi gə́ boi lé deḛ tɔs kag-siprɛs keneŋ dém-dém ləm, d’ɔr mée gə larlɔr gə́ àr ŋgad-ŋgad ləma, gə ndaji kam kiaŋgar gə kúla larje to gə́ ba̰də keneŋ ləm tɔ.

Gosota-Kəmkàrje 17:19

Dəw gə́ ndigi takɔl yaa̰ lé Kaiya ɓa yeḛ ndigi, Yeḛ gə́ unda kaaree yaa̰ lé Saŋg tuji gə́ boo.

Gosota-Kəmkàrje 24:27

Maji kari gɔl néje ləi gə́ to raga ləm, Ar mee ndɔ ləi to gə́ majee ləm tɔ ɓa Gée gə́ gogo ndá a ra kəi ləi ɓəi.

Pa gə́ ur dɔ paje 1:17

Gaji kag lə kəije lə sí To kag-sɛdrəje ləm, Kunda-kag kəije lə sí To kag-siprɛsje ləm tɔ.

Esai 9:9

Dərŋgelje toso Nɛ n’a kundaje kəi gə kɔr mbalje gə́ tɔl dee. Deḛ tuga kag-ɓɔlje Nɛ n’a taaje tor dee gə kag-sɛdrəje.

Ejekel 23:14

Oholiba ar néra kaiya-dené ləa ḭ dɔ maree’d gə́ kédé-kédé. Yeḛ oo néndaji-diŋgamje gə́ tḭja kaar ndògo-bɔrɔje’g, to néndaji rɔ Kaldeje gə́ tḭja gə né gə́ kas bèe ləm,

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Ajee 1:4

See ɓasinè lé to kàr kar sí-seḭ sije mee kəije’g lə sí gə́ maji gə́ tɔs kagje gə́ maji kaar dee’g loo gə́ kəi gə́ to gə kəmee lé tuji lé wa.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.