Jeremi 22:10 - Maktub gə́ To gə Kəmee

¹⁰ Yeḛ gə́ wəi mba̰ lé Maji kar sí nea̰je el ləm, Waje ndòo yée el ləm tɔ. Nɛ yeḛ gə́ aw kəmba Gə́ a tel ree gogo el ləm, A tel koo ɓee-kojee el ləm tɔ lé ɓa Maji kar sí nea̰je.

Jeremi 22:10 Iomraidhean Croise

2 Mbaije 22:20

Gelee gə́ nee ɓa n’a kari wəi kar dee dubi mbɔr dɔɓar bɔbije’g gə meekulɔm gə mba kar kəmi oo nékəmndooje lai gə́ n’a gə kar dee ree dɔ loo gə́ nee’g lé el tɔ. Bèe ɓa deḛ tel gə ta lé d’aw d’ula ne mbai lé ya.

2 Mbaije 23:29

Mee ndəa gən lé ɓa Parao̰ Neko, mbai gə́ Ejiptə ɔr rɔ aw rɔ gə mbai gə́ Asiri mbɔr baa gə́ Epratə’g lé. Yen ŋga Jojias, mbai teḛ aw iŋgá tɔ. Leegeneeya loo gə́ kəm Parao̰ oso dəa’g ndá yeḛ tɔlee mee ɓee gə́ Megido tɔ.

2 Sôrta Gḭka Israɛlje 36:4

Tɔɓəi mbai gə́ Ejiptə unda Eliakim gə́ to ŋgoko̰ Joahas lé gə́ mbai gə́ Juda gə Jerusalem, tɔɓəi yeḛ tel unda ria lə Jojakim. Neko wa ŋgokea̰ Joahas lé aw səa Ejiptə tɔ.

Njekillamber 4:2

Ma m’oo to gə́ dəwje gə́ d’wəi mba̰ lé Rɔlel lə dee ur dɔ rɔlel lə deḛ gə́ d’isi kəmba ɓəi.

Esai 57:1

Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Jeremi 16:7

Dəw a kɔré muru-yoo gə mba gɔl ne mee yeḛ gə́ si dan kwa ndòo yoo’g lé el ləm, dəw a kunda mán-yoo ta dəw gə́ bɔbeeje əsé kea̰je wəi mba gɔl ne mée el ləm tɔ.

Jeremi 22:11

Mbata Njesigənea̰ pata togə́bè wɔji ne dɔ Salum, ŋgolə Jojias, mbai gə́ Juda gə́ o̰ ɓee tor bɔbee Jojias’g ɓa yeḛ ḭ lée’g nee aw pana: Yeḛ lé a tel ree lée’g neelé gogo el.

Jeremi 22:18

Gelee gə́ nee ɓa Njesigənea̰ pa ne ta togə́bè wɔji ne dɔ Jojakim, ŋgolə Jojias, mbai gə́ Juda pana: D’a nea̰ pana: Wai, ŋgokɔm gə́ diŋgam! Wai, ŋgokɔm gə́ dené! bèe el ləm, Esé d’a nea̰ togə́bè pana: Wai, mbai ləm! Wai, njemajidum ləm bèe el ləm tɔ.

Jeremi 22:27

Nɛ ɓee gə́ mal tel kaw keneŋ ra dee lé d’a tel kaw keneŋ gogo el ŋga.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 28:4

Tɔɓəi Njesigənea̰ pana: N’a kar Jekonia, ŋgolə Jojakim, mbai gə́ Juda gə dəwje lai gə́ Juda gə́ d’wa dee ɓər d’aw sə dee Babilɔn lé tel ree lée’g neelé tɔ. Mbata n’a gə təd néməməna̰ lə mbai gə́ Babilɔn kərm-kərm ya.

Jeremi 42:18

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: To gə́ oŋg gə meekḭ jugugu ləm ɔm dɔ dəwje gə́ Jerusalem’g lé ɓó lé seḭ awje Ejiptə ndá meekḭ jugugu ləm a kɔm dɔ sí’g togə́bè tɔ, seḭ a toje né kun kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ. Ndá seḭ a kooje loo neelé gogo el.

Jeremi 44:14

Mbuna ges Judaje gə́ nai gə́ ree d’isi mee ɓee gə́ Ejiptə, deḛ d’wɔji meḛ dee’g mba tel kaw mee ɓee gə́ Juda, gə́ mal tel kaw si keneŋ ra dee lé dəw kára kara a teḛ ta’g kaḭ kaw el. Mbata d’a tel kaw keneŋ gogo el ŋga, banelə njé gə́ na̰je gə́ d’aji lé ba ɓa d’a kaw ya.

Nɔ̰-ndôo gə́ wɔji dɔ Jerusalem 4:9

Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.

Ejekel 24:16

I ŋgon-dəw lé aa oo, neḛ n’a gə kɔs né gə́ to ŋgonkəmi lé gə yoo gə́ ndəd ya rɔd kɔree. Nɛ i a kwa ndòo el ləm, a no̰ el ləma, mán kəmi a koso teŋ el ləm tɔ.

Lugu 23:28

Jeju tel kəmee wagəsa gə́ rɔ dee’g ula dee pana: Ŋgama̰dje gə́ dené gə́ Jerusalem, no̰je no̰’m el, nɛ no̰je no̰ rɔ sí-seḭ ya ləm, no̰je no̰ ŋgan síje ləm tɔ.