Jeremi 21:5 - Maktub gə́ To gə Kəmee

⁵ Tɔɓəi n’a rɔ sə sí gə ji neḛ gə́ n’ula ndiŋ gə meeko̰, gə meekḭ jugugu, gə oŋg gə́ al dɔ loo sula.

Jeremi 21:5 Iomraidhean Croise

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 9:15

Ɓó lé n’ula ji neḛ ndiŋ gə mba tɔli-i gə koso-dəwje ləi gə yoo-koso ndá seḭ a saneje kad dɔ naŋg nee ya.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jeremi 32:37

Aa ooje, m’a kḭ sə dee mee ɓeeje lai gə́ m’tuba dee m’ɔm dee keneŋ gə oŋg, gə meekḭ jugugu gə boo-meekḭ pu lé tel ree mbo̰ dee dɔ na̰’d na̰’d ləm, m’a ree sə dee lée’g neelé ləma, m’a kar dee d’isi keneŋ gə meekulɔm ləm tɔ.

Jeremi 36:7

Banelə Njesigənea̰ a koo ndu ndòo raje lə dee kar nana kara a kɔs ne badm tel dɔ panjaa’g ləa gə́ majel’g. Mbata oŋg, gə meekḭ jugugu gə́ Njesigənea̰ wɔji-kwɔji ra gə koso-dəwje neelé to ɓəl yaa̰.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 6:12

Kəije lə dee d’a tel to ka̰ njé gə́ raŋg ləm, Loo-ndɔje lə dee gə denéje lə dee Kara bèe ləm tɔ, Loo gə́ m’a kula jim ndiŋ Gə́ dɔ dəw-mee-ɓeeje’g, Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 2:3

Dan boo-oŋg’g ləa lé Yeḛ təd siŋgamoŋ lə Israɛlje kərm-kərm, Yeḛ ɔr jikɔlee rɔ dee’g Loo gə́ njéba̰je lə dee ree rɔ sə dee lé, Yeḛ ila pər mbuna Jakobje’g Ar ndəa̰ o̰ bilim-bilim ləm, Aree roo looje gə́ gugu dɔ dee sub dula-dula ləm tɔ.

Ejekel 39:3

N’a təd kag ɓandaŋg ləi gə́ jigeli’g ləm, n’a kar kandə ɓandaŋgje gə́ jikɔli’g gəḭ naŋg ləm tɔ.

Ejekel 5:8

ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Tel tura Godndu 4:23

Undaje kəmkàr dɔ rɔ sí’g, gə mba kar meḛ sí wəi dɔ manrɔ gə́ Ala lə sí gə́ Njesigənea̰ man ne rəa sə sí na̰’d lé el ləm, gə mba kar sí tɔlje néndaji gə́ to magə el ləma, gə mba kar sí raje néndaji gə́ raŋg gə́ rara kara gə́ Ala lə sí gə́ Njesigənea̰ ɔg sí dɔ’g lé el ləm tɔ.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.