Jeremi 21:13 - Maktub gə́ To gə Kəmee

¹³ Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 21:13 Iomraidhean Croise

Pakɔsje 125:2

To gə́ mbalje gugu ne dɔ Jerusalem sub bèe lé Njesigənea̰ kara aḭ bada dɔ dəwje’g ləa togə́bè ya ləm tɔ Un kudee ɓasinè ləm, saar-saar gə no̰ ləm tɔ.

Teḛ-Raga 13:20

Deḛ d’ḭ ɓee gə́ Sukot ndá d’aw d’isi Etam gə́ to rudu dɔdilaloo’g.

Teḛ-Raga 13:8

Bèe ɓa seḭ a kulaje ŋgan síje gə́ diŋgam pajena: Jeḛ n’raje naḭ neelé mba kar meḛ sí olé ne dɔ né gə́ Njesigənea̰ ra mbata lə sí loo gə́ yeḛ ar sí j’undaje loo mee ɓee gə́ Ejiptə teḛje lé.

Esai 22:1

Ndərta gə́ wɔji dɔ wəl-loo koo némḭdije. See ɗi rai ɓa dəwje ləi lai d’al ne dɔ kəije gə́ tar lé wa.

Jeremi 17:3

Neḛ n’aar dɔ mbal’g lə neḛ Gə loo-ndɔje gə́ keneŋ ləm, Gə dɔ némajije’g lə sí ləm, Gə dɔ nébaoje’g lə sí lai ləma, Gə dɔ looje lə sí gə́ ndəw’g ləm tɔ lé Gə́ né banrɔ gə mbata kaiya ra síje Gə́ seḭ raje dɔ naŋg ɓee’g lə sí bura lé.

Jeremi 21:5

Tɔɓəi n’a rɔ sə sí gə ji neḛ gə́ n’ula ndiŋ gə meeko̰, gə meekḭ jugugu, gə oŋg gə́ al dɔ loo sula.

Jeremi 49:16

Tɔji rɔ lə sí gə ti-rɔ lə sí To dɔɓəŋgərə sí’g ar sí ndəmje ne, Seḭ gə́ síje mbuna mbalje’g ləm, Gə́ síje sém dɔdərlooje’g lé ləm tɔ. Lée seḭ ulaje kəije lə sí tar To gə́ ka̰ niŋgatə̰də bèe kara M’a kɔs sí keneŋ piriŋ kila sí naŋg, Njesigənea̰ ɓa pa bèe.

Jeremi 50:31

Aa oo, i gə́ njebeelé lé m’aw səi gə ta! Mbata ndɔ ləi teḛ mba̰, To kàr kar bo̰ nérai ɔs tai’g, Mbaidɔmbaije gə́ Njesigənea̰ Le bao-rɔje ɓa pa bèe.

Jeremi 51:25

Njesigənea̰ ɓa pa togə́bè, Aa ooje, m’aw səi gə ta, I to mbal gə́ ka̰ tuji loo ləm, I gə́ tuji naŋg nee lai lé ləm tɔ. M’a kula jim ndiŋ gə́ dɔi’g ləm, M’a kɔri dɔ mbalje’g Kilai kari nduburi oso naŋg ləma, M’a kari to mbal gə́ taa pər gəgəgə ləm tɔ.

Jeremi 7:4

Undaje meḛ sí yel dɔ ta sukəmlooje gə́ pana: Loo neelé to kəi lə Njesigənea̰, to kəi lə Njesigənea̰ ya bèe el.

Nɔ̰-ndôo gə́ wɔji dɔ Jerusalem 4:12

Mbaije əsé dəwje lai gə́ dɔ naŋg neelé D’a kənji to gə́ njerɔ sə dee gə́ to njeba̰ Gə́ a kandə tarəw ɓee gə́ Jerusalem gə dɔ rəa el.

Ejekel 13:8

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, neḛ n’aw sə sí gə ta mbata seḭ paje taje gə́ mḭdé-mḭdé ba ləm, némḭdije lə sí kara to gə́ néŋgɔmje ləm tɔ, Mbaidɔmbaije gə́ Njesigənea̰ ɓa pa bèe.

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 34:10

Mbaidɔmbaije gə́ Njesigənea̰ pa togə́bè pana: Aa ooje, n’aw gə njékul dəwje gə ta. N’a tel taa dəwje lə neḛ ji dee’g ləm, n’a kar dee d’ul dəwje lə neḛ el ŋga ləma, deḛ nja kara d’a kul rɔ dee-deḛ el ŋga ləm tɔ, n’a kɔr dəwje lə neḛ ta dee’g ndá d’a to nékwa lə dee el ŋga.

Ejekel 5:8

ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.