Jeremi 20:9 - Maktub gə́ To gə Kəmee

⁹ Ɓó lé m’pa məəm’g pana: M’a pata ləa el ŋga ləm, M’a pata ləa gə ria el ŋga ləm tɔ ndá Ta ləa o̰ məəm to gə́ pər bèe Mbuna siŋgarɔmje’g. Ma m’wa rɔm kɔgərɔ Gə mba kudee məəm’g nɛ lé godo.

Jeremi 20:9 Iomraidhean Croise

Pakɔsje 39:3

Ma m’isi gə tam mundu Ɓó m’pata el ləm, Lée m’tel m’to njenékəmndoo kara M’ila tam maree’g ndag ləm tɔ. Nɛ lé bèe kara némeeko̰ ləm oso ne bəl lemsé el.

Jeremi 23:29

Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Jeremi 23:9

Ta gə́ wɔji dɔ njéteggintaje. Dɔ ɓəŋgərəm gə́ kəi ndiri njigi-njigi Ar siŋgarɔmje lai d’unda bala, Ma m’to asəna gə dəw Gə́ mán-nduú gə́ mḭ tɔlee Tɔsee naŋg bèe Gə mbata lə Njesigənea̰ ləm, Gə Mbata taje ləa gə́ to gə kəmee ləm tɔ.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 6:11

Oŋg-boo lə Njesigənea̰ Rusu məəm njḭ-njḭ. M’askəm kwa ŋgaŋgee el, Maji kari ɓugu oŋg neelé dɔ ŋganje’d Gə́ d’aw mba̰-rəw’g ləm, Gə dɔ basaje gə́ mbo̰ dɔ na̰ ləm tɔ. Mbata oŋg neelé a kwa diŋgamje Gə denéje ləm, Dɔ ɓugaje gə dɔ dee Gə́ ləb dee bula ləm tɔ.

Ejekel 3:14

Ndil unm sèn aw səm. M’aw gə meeko̰ gə meekḭ jugugu ndá Njesigənea̰ wam gə ji siŋgamoŋ ləa.

Ejekel 3:3

Yeḛ ulam pana: Ma ŋgon-dəw lé maktub gə́ kə́ na̰’d gə́ n’arm neelé maji kam m’ula məəm’g mér-mér m’ul ne rɔm. Ma m’usɔ ndá lel tam’g asəna gə ubu tə̰ji bèe.

Amɔs 3:8

Toboḭ no̰ ndá see na̰ ɓa a ɓəl el wa. Mbaidɔmbaije gə́ Njesigənea̰ ɓa pata Ndá see na̰ ɓa a lal tegginee wa.

Junas 1:2

Maji kari ḭta, aw Ninibə ɓee-boo’g neelé aw ila mber ndaŋg dee ne mbata néra deeje gə́ yèr lé aw njal teḛ rɔm’g ya.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Lugu 9:62

Jeju tel ilá keneŋ pana: Nana ɓa gə́ un kwɔs paŋgəm gə mba kaw ne ndɔ ɓa go̰ loo gə́ gée’g ndá ɓeeko̰ lə Ala lé to kea̰ el.

Néra Njékaḭkulaje 17:16

To gə́ Pool si Aten ŋgina dee lé ndá mée aw biriri-biriri mbata yeḛ oo magə-poleje taa loo mee ɓee-boo’g neelé pəl-pəl.

Néra Njékaḭkulaje 18:5

Nɛ loo gə́ Silas gə Timote d’ḭ Masedoinə ree ndá Pool orè kəmee dɔ ginta gə́ kɔr’g ya goo kára ba, ar Jibje d’oo gəd to gə́ Jeju to Kristi ya.

Néra Njékaḭkulaje 4:20

Mbata jeḛ lé j’askəm kəw rɔ sí dɔ pata né gə́ jeḛ j’oo gə kəm sí gə mbi sí lé el.